ປາໃນໜອງຊາວບ້ານຕາຍເກືອບ ໝົດ

ຈໍາປາທອງ
2016-03-30
ອີແມວລ໌
ຄໍາເຫັນ
Share
ພິມ
ສວນປູກກ້ວຍນັກລົງທຶນຈີນ ທີ່ ມັກປູກໃກ້ກັບຫ້ວຍຮ່ອງ
ສວນປູກກ້ວຍນັກລົງທຶນຈີນ ທີ່ ມັກປູກໃກ້ກັບຫ້ວຍຮ່ອງ
RFA/VD

ປາລ້ຽງໃນໜອງ ຂອງ ຊາວບ້ານ ເຂດບ້ານ ສີເມືອງງາມ ເມືອງຕົ້ນເຜິ້ງ ແຂວງບໍ່ແກ້ວ ຕາຍເກືອບ ທັງໜອງ, ຜູ້ເປັນ ເຈົ້າຂອງ ສົງໄສວ່າ ອາຈເປັນຍ້ອນ ສານເຄມີ ທີ່ ໃຊ້ຢູ່ ໃນສວນກ້ວຍ ຂອງຄົນຈີນ ໄຫລລົງມາ ໜອງຂອງເຂົາ ຈຶ່ງ ເຮັດໃຫ້ ປາຕາຍ. ແຕ່ ເຖິງແນວໃດ ກໍຍັງ ບໍ່ສາມາດ ເວົ້າໄດ້ຢ່າງ ຄັກແນ່ ເທື່ອວ່າ ແມ່ນ ສານເຄມີ ຈາກ ສວນກ້ວຍຈີນ ເປັນຕົ້ນເຫດ. ຕາມຄໍາເວົ້າ ຂອງ ເຈົ້າໜ້າທີ່ ກ່ຽວຂ້ອງ ຕໍ່ RFA ໃນ ວັນທີ 29 ມິນາ 2016 ນີ້:

"ອັນນີ້ ຣາຍລະອຽດ ພວກເຮົາ ກະຍັງ ສືບສວນຢູ່ ເພາະວ່າ ເຮົາ ສິກ່າວຫາ ເຂົາເລີຍ ກະບໍ່ແມ່ນ ກະບໍ່ຖືກ ໂຕນີ້ມັນ ບໍ່ແມ່ນ ໜອງ ທັມຊາດ ເດ້ ແມ່ນແທ້ ທີ່ວ່າ ຈີນ ເຮັດສວນກ້ວຍ ຫັ້ນລະນໍ".

ໜອງປາ ທີ່ວ່ານີ້ ກວ້າງປະມານ 10 ແມັຕ ແລະ ຍາວປະມານ 25 ແມັຕ, ເປັນໜອງໃນ ທີ່ດິນສວນ, ລ້ຽງ ໄວ້ກິນ, ບໍ່ໄດ້ຂາຍ ແລະ ຣະຍະນີ້ ກໍເປັນ ຣະດູແລ້ງ ນໍ້າບໍ່ຫຼາຍ, ນໍ້າຂັງທັມມະດາ. ປາ ໃນໜອງນີ້ ເລີ້ມຕາຍ ເມື່ອ ວັນທີ 27 ມິນາ ຈົນມາຮອດ ມື້ນີ້. ທາງ ເຈົ້າໜ້າທີ່ ກໍຍັງ ຣະບຸ ບໍ່ທັນໄດ້ ເທື່ອວ່າ ປາໃນໜອງ ນັ້ນຕາຍ ຍ້ອນຫຍັງ ກັນແທ້, ຍັງລໍຖ້າ ຜົລການວິເຄາະ ນໍ້າ ແລະ ປາ ຈາກຫ້ອງ ວິເຄາະ ຢູ່ນະຄອນ ຫຼວງວຽງຈັນ. ດັ່ງ ທ່ານກ່າວວ່າ:

"ທາງ ວິຊາການ ແພດ ເຮົາກະລົງ ໄປກວດເບິ່ງເດ໊ ເຈົ້າໜ້າທີ່ ເຮົາໄປກວດ ເບິ່ງຕົວຈິງ ຫັ້ນນະ ກໍາລັງສຶກສາ ກັນຢູ່ວ່າ ສາເຫດ ຍ້ອນຫຍັງ ກວດ 2 ມື້ລະເດ້ ຍັງບໍ່ໄດ້ ຜົລສລຸບ ຫຍັງຫັ້ນນະ ຢູ່ບໍ່ແກ້ວ ເຮົາບໍ່ມີຫ້ອງ ວິໄຈ ເຣື່ອງພຍາດ ປາ ມັນຕ້ອງໄດ້ ສົ່ງໄປ ທາງ ຊຽງຣາຍ ກະບໍ່ມີ ເຮົາຕ້ອງສົ່ງ ວຽງຈັນ ຕ້ອງໃຊ້ ເວລາ ເປັນອາທິດ ພຸ້ນລະ".

ທ່ານ ເວົ້າວ່າ ປາໃນໜອງ ດັ່ງກ່າວ ມີປະມານ ຮ້ອຍກິໂລ ເປັນ ປານິນ ປາກິນຫຍ້າ ລ້ຽງແບບ ທັມຊາດ ບໍ່ໄດ້ ເກືອ. ຮອດຍາມປ່ອຍ ຜູ້ເປັນ ເຈົ້າຂອງ ກໍເອົາປາມາ ປ່ອຍໃສ່. ຂນະນີ້ ຫ້າມບໍ່ໃຫ້ ກິນປາ ໃນໜອງນັ້ນ ທັງ ປາ ທີ່ຍັງເປັນ ແລະ ທີ່ຕາຍແລ້ວ ເພາະ ຈະເປັນ ອັນຕຣາຍ, ໃຫ້ນໍາປາຕາຍ ໄປ ທໍາລາຍຖິ້ມ. ເປັນເວລາ 2 ມື້ ຕິດຕໍ່ກັນ ທີ່ ທາງ ເຈົ້າໜ້າທີ່ ວິຊາການ ລົງກວດກາ ພາຍຫລັງທີ່ ເຈົ້າຂອງ ໜອງ ໄປແຈ້ງ ໃຫ້ຊາບ.

ຄໍາເຫັນ (3)
Share

ທ້າວກຸ໋ຍ

ຈາກ ຈຳພອນ

ໄດ້ຍິນຂ່າວຕໍ່ເນື່ອງວ່າສານເຄມີ ຈາກສວນກ້ວຍ ແຕ່ການແກ້ໄຂຍັງຫຍຸ້ງເຫຍືອງ ບູຮານເພິ່ນວ່າ: ເຈົ້າເຮືອນພາເຂົ້າ ເຈົ້າເຫຼົ້າພາເມົາ. ມັນແມ່ນການປົກປ້ອງ ຜົນປະໂຫຍດຂອງຜູ້ມີອຳນາດ. ເຄມີມັນມີແທ້ ແຕ່ບໍ່ແກ້. ລາວເຮົາປູກກ້ວຍກໍ່ເປັນ ດິນອຸດົມສົມບູນຢູ່ແລ້ວ. ເປັນແນວນີ້ປະຊາຊົນ ເຂົາແກ້ບໍ່ໄດ້ດອກມີແຕ່ຈົ່ມຊື່ໆ ຜູ້ແກ້ໄດ້ແມ່ນຜູ້ມີອຳນາດ ເຈົ້າເມືອງ, ເຈົ້າແຂວງ ແລະ ລັດຖະບານ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 02, 2017 08:09 AM

ແກ້ວມານີ

ຈາກ ວຽງໄຊ

ອັນນິ້ລະ ລາວ ກັບໄກເປັນຂ້າທາດ ເປັນ ປະເທດອານານິຄົມ ຂອງ ຕ່າງຊາດ ຕໍ່ໄປຍັງ ຈະຮ້າຍແຮງກ່ວານິ້ອິກ ຕໍ່ໄປສານເຄມີຂອງຈິນ ຍັງຈະເປັນຜິດກັບຜົນລະເມືອງລາວ ຈົນຈະຕາຍເປັນ ແສນ ກໍ່ເປັນໄດ້ ຜູ້ນາມ ສປປ ລາວ ໄດ້ໂຫສະພາແຫ່ງຊາດ ອາຄານໃຫ່ຍທີຈິນ ສ້າງມອບໃຫ້ ແລ້ວ ພໍອົກພໍໃຈຫລາຍ ຕໍ່ນິໄປເພີນຈະປິດຫູປິດຕາ ທູກຢ່າງ ຈະມອບໃຫ້ຈິນ ແລະ ຫວຽດເຮັດຕາມໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 03, 2016 03:16 PM

ກຳມະກອນ

ຈາກ ສປປ ລາວ

ເວົ້າໄປ ສະເໜີໄປ ກໍ່ເທົ່ານັ້ນແລ້ວ, ບໍ່ມີໃຜສາມາດ ເຮັດຫຍັງ ໃຫ້ເຂົາໄດ້ດອກ ແນວເຈັກ ກັບ ແກວ ມີອິດທິພົນເໜືອກົດໝາຍ ຢູ່ໃນລາວ ປະຈຸບັນ. ອຳນາດການປົກຄອງ, ຕຳລວດ, ທະຫານ ກໍ່ໄດ້ແຕ່ເບີ່ງຢູ່ຊື່ໆ ເຮັດກໍ່ໄດ້ແຕ່ເຮັດໄປ ພໍແກ້ ສະຖານະການຊື່ໆ ຈະເຮັດເອົາຈີງ ເອົາຈັງກະບໍ່ໄດ້ ມັນກະທົບຄືນໃສ່ເຂົາເຈົ້າ ຍ້ອນຜູ້ໃຫຍ່ທີ່ມີອຳນາດ ໜູນຫລັງເຂົາຢູ່. ເຈັກ, ແກວ ຢາກເຮັດຫຍັງ ກະເຮັດຕາມໃຈເຂົາ ບໍ່ໄດ້ເກັງກົວ ລະບຽບກົດໝາຍຫຍັງເລີຍ ໃນລາວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 31, 2016 07:14 PM

ເຕັມຫນ້າ