ທາງດອນໜູນທ່າງ່ອນເປັນຝຸ່ນ ເປັນຕົມ

ປັດຈຸບັນ ໂຄງການ ສ້າງ ເສັ້ນທາງ ເບຕົງ ແຕ່ ສາມ ແຍກ ດອນໜູນ ໄປຫາ ສົ້ນຂົວ ທ່າງ່ອນ ເມືອງ ໄຊທານີ ນະຄອນ ຫລວງ ວຽງຈັນ ໄລຍະ ທາງ ປະມານ 10 ກິໂລແມັດ ຍັງເປັນ ຂີ້ຝຸ່ນ ຍ້ອນ ການ ກໍ່ສ້າງ ຫລ້າຊ້າ, ເສັ້ນທາງ ດັ່ງກ່າວ ມີ ຂີ້ຝຸ່ນ ໄງ່ ສ້າງ ຄວາມ ລໍາບາກ ໃຫ້ ແກ່ ຜູ້ ທີ່ ໃຊ້ຣົດໃຊ້ ຖນົນ. ດັ່ງ ເຈົ້າໜ້າທີ່ ກ່າວວ່າ:

"ຫລາຍ ພໍ ສົມຄວນ ມື້ໃດ ເຂົາ ຫົດນໍ້າ ຫລາຍ ກະ ບໍ່ມີ ຫລາຍ ປານໃດ ມື້ໃດ ບໍ່ ຫົດນໍ້າ ກະຫລາຍ ຕ້ອງໄດ້ ອັດ ຕລອດ ແຫລະ ພວກ ຂັບຂີ່ ໄທ ບ້ານ ຫັ້ນນະ ຈົ່ມ ມາຕລອດ ຫັ້ນແຫລະ".

ທ່ານ ກ່າວ ຕໍ່ໄປວ່າ ບັນຫາ ນີ້ ເກີດຂຶ້ນ ມາແຕ່ ປີ 2013 ເມື່ອ ສອບຖາມ ໄປ ຍັງ ເຈົ້າໜ້າທີ່ ຜູ້ ຮັບຜິດຊອບ ປະຈໍາ ໂຄງການ ກໍໃຫ້ ຄໍາຕອບ ວ່າ ການ ກໍ່ສ້າງ ຈະໃຫ້ ສໍາເລັດ ລົງ ໃນ ເດືອນ ທັນວາ ປີ ນີ້, ແຕ່ ຜ່ານມາ ຂະເຈົ້າ ກະບໍ່ໄດ້ ແກ້ໄຂ ບັນຫາ ຂີ້ຝຸ່ນ ແບບ ຈິງຈັງ ມີພຽງ ແຕ່ ເອົານໍ້າ ມາຫົດ ໄວ້ ຊື່ໆ.

ໃນ ຍາມຝົນ ເສັ້ນທາງ ດັ່ງກ່າວ ກໍ ເປັນ ຂີ້ຕົມ ແລະ ເປັນບວກ ຫລາຍ ຈົນ ລໍາບາກ ໃນການ ເດີນທາງ ຂອງ ປະຊາຊົນ ແລະ ກໍສ່ຽງ ຕໍ່ ອຸບັດຕິເຫດ ຊຶ່ງ ຕອນນີ້ ກໍໃກ້ ເຂົ້າສູ່ ຣະດູ ຝົນ ແລ້ວ ການ ກໍ່ສ້າງ ເສັ້ນທາງ ດັ່ງກ່າວ ກໍບໍ່ມີ ທ່າທີ ວ່າ ຈະ ແລ້ວ.

ເອເຊັຽ ເສຣີ ກໍ ພຍາຍາມ ສອບຖາມ ໄປຫາ ເຈົ້າໜ້າທີ່ ໂຍທາທິການ ແລະ ຂົນສົ່ງ ຂອງ ເມືອງ, ແຕ່ ເຈົ້າໜ້າທີ່ ກໍຍັງ ບໍ່ ສາມາດ ອະທິບາຍ ເພີ້ມເຕີມ ໄດ້.