ຂະບວນຣົດຂົນໄມ້ເຖື່ອນ ຖືກຈັບ

ມະນີຈັນ
2014-04-18
Share
f-default ຂະບວນຣົດ ຂົນໄມ້ເຖື່ອນ ຖືກຈັບ ໃນຊ່ວງບຸນ ປີໃໝ່ລາວ
RFA

 

ເຈົ້າໜ້າທີ່ ລາວ ເປີດເຜີຍ ວ່າ ໃນຊ່ວງ ບຸນ ປີໃໝ່ລາວ ນີ້ ໜ່ວຍ ກວດກາ ປ່າໄມ້ ນະຄອນ ຫລວງ ວຽງຈັນ ໄດ້ຈັບ ຂະບວນ ຣົດຂົນ ໄມ້ ທີ່ ຜິດ ກົດໝາຍ ຊຶ່ງເປັນ ໄມ້ດູ່ ແປຮູບ ໄດ້ 20 ຕັນ. ດັ່ງ ເຈົ້າໜ້າທີ່ ເວົ້າວ່າ:

"ຜູ້ກະທໍາ ຜິດ ຂະເຈົ້າ ຂົນໄມ້ ດູ່ເດ ແປຮູບເນາະ ຄື 20 ໂຕນ ກໍຄືແມ່ນ ຜິດ ກົດໝາຍ ລະເນາະ ໂອ້ ແນ່ນອນ ກໍຕາມ ກົດໝາຍ ບໍ່ມີແລ້ວ ເອກສານ ກໍາກັບໄມ້".

ທ່ານເວົ້າ ຕໍ່ໄປວ່າ ເຈົ້າໜ້າທີ່ ຈັບຄົນ ຂັບຣົດ ຂົນໄມ້ໄດ້ 2 ຄົນ ພ້ອມທັງ ຣົດຂົນໄມ້ 2 ຄັນ ທີ່ ຂົນໄມ້ດູ່, ໄມ້ຍາງ ແລະ ໄມ້ກວາງ ແດງ ຈໍານວນ 258 ຕັບ ປະມານ 7 ແມັດກ້ອນ.

ຈາກການ ສອບສວນ ຜູ້ຕ້ອງຫາ 2 ຄົນ ເບື້ອງຕົ້ນ ຈຶ່ງຮູ້ວ່າ ພວກເຂົາ ຖືກສັ່ງ ໃຫ້ຂົນໄມ້ ຈໍານວນ ດັ່ງກ່າວ ມາແຕ່ ແຂວງ ໄຊສົມບູນ ເພື່ອ ສົ່ງໃຫ້ ລູກຄ້າ ຢູ່ ນະຄອນ ຫຼວງ ວຽງຈັນ. ເຈົ້າໜ້າທີ່ ບອກວ່າ ພວກເຂົາ ຈະຖືກ ດໍາເນີນ ຄະດີ ຕາມຣະບຽບ ກົດໝາຍ ໃນຂັ້ນ ຕໍ່ໄປ.

ໃນຣະຍະ 6 ເດືອນ ຜ່ານມານີ້ ໜ່ວຍ ກວດກາ ປ່າໄມ້ ນະຄອນ ຫລວງ ວຽງຈັນ ສາມາດຍຶດ ໄມ້ ຜິດ ກົດໝາຍ ໄດ້ ທັງໝົດ 6 ພັນ ກວ່າ ຕັນ ຊຶ່ງ ສ່ວນຫລາຍ ເປັນໄມ້ ຂະຍູງ, ໄມ້ຄໍາພີ, ໄມ້ດູ່ ຊຶ່ງເປັນໄມ້ ທີ່ບໍ່ມີ ເອກສານ ບໍ່ຮູ້ທີ່ມາ ຢ່າງຈະແຈ້ງ. ເຈົ້າໜ້າທີ່ ໄດ້ຍຶດຣົດ ຂົນສົ່ງ ຮວມທັງ ອຸປກອນ ຕັດໄມ້ ແລະ ເງິນສົດ ອີກ ຈໍານວນ ນຶ່ງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ