ເຈົ້າໜ້າທີ່ຍຶດຊີ້ນສັດປາ

ອຸ່ນແກ້ວ ສຸກສະຫວັນ
2016-03-08
ອີແມວລ໌
ຄໍາເຫັນ
Share
ພິມ
ຊີ້ນສັດປ່າ ທີ່ ພວກແມ່ຄ້າ ນໍາມາຂາຍ ຕາມຕລາດ
ຊີ້ນສັດປ່າ ທີ່ ພວກແມ່ຄ້າ ນໍາມາຂາຍ ຕາມຕລາດ
RFA/LX

ເຈົ້າໜ້າທີ່ ຫ້ອງການ ຊັພຍາກອນ ທັມມະຊາດ ແລະ ສິ່ງແວດລ້ອມ ເມືອງໄຊ ແຂວງ ອຸດົມໄຊ ໄດ້ ອອກກວດກາ ແລະ ຍຶດ ຊີ້ນສັດປ່າ ທີ່ ພວກແມ່ຄ້າ ນຳມາຂາຍ ຢູ່ຕາມຕລາດ ໃນວັນທີ 29 ກຸມພາ 2016, ໃນນັ້ນມີທັງ ຊີ້ນໝູປ່າ, ຊີ້ນກວາງ, ຊີ້ນຟານ ແລະ ໄກ່ປ່າ ຮວມນ້ຳໜັກ ໄດ້ກວ່າ 40 ກິໂລກຣາມ.

ເຈົ້າໜ້າທີ່ ຊັພຍາກອນ ທໍາມະຊາດ ແລະ ສິ່ງແວດລ້ອມ ທ່ານນຶ່ງ ກ່າວວ່າ:

"ໃນລະຍະຜ່ານມາ ພວກເຮົາກໍ່ໄດ້ ມີການອອກ ແຈ້ງການ ຕິດປ້າຍ ໂຄສະນາ ຕ່າງໆ ໃນການຫ້າມຊື້ ຫ້າມຂາຍສັດປ່າ ປະເພດ ຕ່າງໆ ແຕ່ວ່າ ເຂົາກະຍັງ ບໍ່ຟັງ ພາກັນ ຂາຍ ແບບບໍ່ຢ້ານ ເຈົ້າໜ້າທີ່ ດຽວນີ້ ພວກເຮົາໄດ້ ເອົາຈິງ ໃນເລື້ອງ ການປາບປາມ ກວດກາ ຍຶດ ຂອງກາງ ເພື່ອ ມາທຳລາຍ".

ແຂວງ ອຸດົມໄຊ ຍັງເປັນ ແຂວງນື່ງ ທີ່ມີການ ຊື້ຂາຍ ສັດປ່າ ຕາມຕລາດ ຢ່າງເປີດແປນ ໂດຍ ບໍ່ເກງກົວ ເຈົ້າໜ້າທີ່. ສັດປ່າ ບາງຊນິດ ຄົນຈີນ ຄົນລາວ ນິຍົມ ນໍາມາ ບໍຣິໂພກ, ເອົາມາປຸງ ເປັນຢາ ປົວພຍາດ ຫຼື ຊູກໍາລັງ. ເຈົ້າໜ້າທີ່  ຈຶ່ງ ອອກກວດກາ ຍຶດ ຊີ້ນ ສັດປ່າ ໄປທໍາລາຍ ພ້ອມທັງເອົາ ພວກແມ່ຄ້າ ມາຕັກເຕືອນ.

ຄໍາເຫັນ (2)
Share

ສິດ

ຈາກ ວັງວຽງ

ປະຊາຊົນ ໃນ ເຂດເມືອງກາສີ ແຈ້ງໃຫ້ ປະຊາຊົນໃນ ເຂດ ກາສີ ພູຄູນ ແລະ ບໍລິເວັນ ອືນໆ ເພືອຊາບ ແລະມີ ສະຕິລະວັງຕົວ ເພາະ ໃນວັນທີ 6/3/2016 ມານິ້ ປະຊາຊົນໄດ້ໄປພົບ ກອງກຳລັງປະກອບອາວຸດ ທີ່ນູ່ງ ເຄືອງແບບ ຊຸດລາຍ ພ້ອມດ້ວຍອາວຸດ ລະເບີດ ຍູໂທປະກອນ ຢ່າງຄົບມື ເປັນ ປືນ ອາກາ ປະມານ ຫ້າສິບກວ່າ ນາຍ ບໍ່ຊາບວ່າ ເປັນ ຝ່າຍທະຫານ ສປປ ລາວ ຫລືເປັນກູມຕໍ່ຕ້ານ ຊີງໄດ້ມູ່ງໜ້າ ຜ່ານເມືອງ ກາສີ ໄປຫາ ສະຖານທີ່ ພູດຳເຜົາ ແລ້ວ ສະນັ້ນ ຈິງ ປະ ກາດມາ ເພືອ ປະຊາຊົນ ຈົງ ລະວັງ ໃນ ການ ເດີນທາງ ຕາມ ເສັ້ນທາງ ເລກ ທີ່ 13


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 09, 2016 03:14 PM

ເມືອງຊຽງຂວາງ

ຈາກ ມ ແປກ

ບໍ່ສະເພາະແຕ່ ແຂວງອຸດົມໄຊ 18 ແຂວງ ມີຫມົດໂດຍສະເພາະ ຕາມທາງເລກ 13 ເຫນືອ .....


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 09, 2016 03:10 PM

ເຕັມຫນ້າ