ຈີນຂຍາຍເຂດຂຸດຄົ້ນບໍ່ຄໍາ ປາກອູ

ມະນີຈັນ
2014-02-26
ອີແມວລ໌
ຄໍາເຫັນ
Share
ພິມ
ຖໍ້າປາກອູ ປະມານ 25 ກິໂລແມັດ ຈາກຫລວງພຣະບາງ
ຖໍ້າປາກອູ ປະມານ 25 ກິໂລແມັດ ຈາກຫລວງພຣະບາງ
Erik/Heather

 

ຊາວບ້ານທີ່ອາສັຍຢູ່ບໍຣິເວນໂຄງການຂຸດຄົ້ນບໍ່ຄໍາພະປົ່ນໃນເມືອງປາກອູແຂວງຫລວງພຣະບາງ ບໍ່ພໍໃຈທີ່ຈະຖືກໂຍກຍ້າຍ ໄປຢູ່ບ່ອນອື່ນ. ເຖິງແມ່ນວ່າທາງບໍຣິສັດໄດ້ລົງໄປເຈຣະຈາ ແຕ່ກໍບໍ່ສາມາດຕົກລົງກັນໄດ້ ກ່ຽວກັບການຊົດເຊີຍແລະເວລາຍ້າຍ.ຕາມຄໍາເວົ້າຂອງເຈົ້າ ໜ້າທີ່ກ່ຽວຂ້ອງທ່ານນຶ່ງໃນວັນທີ 26 ກຸມພາ 2014:

"ບໍຣິສັດ ຂະເຈົ້າມັກຂັດນໍາຣັຖ ເຮົາມີແຕ່ບ້ານພະປົ່ນພີ່ບໍ່ຄໍາພະປົ່ນພີ່ ຕົວເລກຫັ້ນນະເປົ້າໝາຍຍົກຍ້າຍກໍມີແຕ່ 68 ຫລັງຄາ".

ທ່ານເວົ້າວ່າບັນຫາຄວາມຂັດແຍ່ງເກີດຂຶ້ນຍ້ອນບໍຣິສັດເອກຊົນຂອງຈີນທີ່ເຂົ້າມາສັມປະທານແທນບໍຣິສັດເກົ່າໃນຊ່ວງ 2 ປີຫລັງມານີ້ໄດ້ ເລີ່ມຂຍາຍພື້ນທີ່ໂຄງການອອກແລະຖືກເນື້ອທີ່ປູກຝັງແລະເຮືອນຂອງຊາວບ້ານເຮັດໃຫ້ຕ້ອງມີການຍ້າຍຊາວບ້ານອອກໄປ.ແຕ່ຊາວບ້ານ ສ່ວນຫລາຍຊຶ່ງເປັນຊົນເຜົ່າມົ້ງບໍ່ຢາກຍ້າຍອອກ.

ໂຄງການບໍ່ຄໍາພະປົ່ນ ຕັ້ງຢູ່ແຄມແມ່ນໍ້າອູ ໃກ້ທາງເລກທີ 13 ໃນເຂດເມືອງປາກອູ ແຂວງຫລວງພຣະບາງເປັນໂຄງການຂຸດຄົ້ນບໍ່ຄໍາ ຂອງບໍຣິສັດຈາກປະເທດຈີນຊຶ່ງຂຸດຄົ້ນມາແຕ່ປີ 2000 ມາໃນປີ 2012 ໄດ້ມີການປ່ຽນບໍຣິສັດສັມປະທານຊຶ່ງມີແຜນທີ່ຈະຂຍາຍພື້ນ ທີ່ຂຸດຄົ້ນອອກຕື່ມ.ຂໍ້ຮຽກຮ້ອງຂອງຊາວບ້ານຄື:ບໍ່ຕ້ອງການໂຍກຍ້າຍ.ຖ້າຕ້ອງໂຍກຍ້າຍແທ້ໆກໍຕ້ອງໃຫ້ຄ່າຊົດເຊີຍທີ່ເໝາະສົມຫາ ບ່ອນປຸກເຮືອນແລະດິນປູກຝັງທົດແທນໃຫ້.

ຄໍາເຫັນ (1)
Share

ເອ

ຈາກ ​ລາວ

ການ​ພັດ​ທ​ນະາປະ​ເທດ​ ແມ່ນ​ເຮັດ​ໃຫ້ຊີ​ວິດ ປະ​ຊາ​ຊົນ​ດີ​ຂຶ້ນ ບໍ່​ແມ່ນ​ ເຮັດ​ໃຫ້​ປະ​ຊາ​ຊົນ ​ທຸກ​ລົງ​ກວ່າ​ເດີມ ການ​ຍົກ​ຍ້າຍ ​ປະ​ຊາ​ຊົນ ​ອອກ​ຈາກ​ພື້ນ​ທີ່ ​ໂຄງການ​ ຄວນ​ມີ​ພື້ນ​ທີ​ຊົດ​ເຊີຍ ​ຕາມ​ຄວາມ​ເໝາະ​ສົມ ​ນັ້ນ​ຖືກ​ແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 28, 2014 07:36 AM

ເຕັມຫນ້າ