ຝາຍກັ້ນນໍ້າຕ້ອງໄດ້ສ້ອມແປງ


2013-12-08
Share
F-irrigation ຊາວບ້ານວ່າຝາຍກັ້ນນໍ້າຕ້ອງໄດ້ ສ້ອມແປງ
RFA

 

ຫລາຍປີມາແລ້ວທີ່ຊາວບ້ານນາອ່າງ ເຂດເມືອງຊໍາເໜືອ ໄດ້ຂໍຄວາມຊ່ວຍເຫລືອຈາກພາກຣັຖ ໃຫ້ຊ່ອຍສ້ອມແປງຝາຍກັ້ນນໍ້າໃຫ້ເປັນຊີເມັນ (Concrete)  ແບບຖາວອນແຕ່ພາກຣັຖ ກໍວ່າບໍ່ມີ ງົບປະມານ:

"ຊາວບ້ານນີ້ຕ້ອງການແທ້ ມີເໝືອງ ມີຜາຍນະ ແຕ່ວ່າຍັງບໍ່ທັນມີ ໂຄງການໃດມາຊ່ວຍເຫລືອໄດ້ຫັ້ນນະ. ໂອ້ ເພແທ້ ປີນີ້ກໍໄດ້ສ້ອມແປງຄືນ ຝາຍໄມ້ນັບມື້ມັນຊຸດໂຊມ".

ຊາວບ້ານວ່າ ໃນທຸກໆປີໃດ ພວກຕົນຕ້ອງໄດ້ ຕັດໄມ້ມາຄໍ້າຝາຍກັ້ນນໍ້າ ໄວ້ເປັນການຊົ່ວຄາວ ຫລັງຈາກຝາຍເພພັງ ລົງໃນຍາມຣະດູຝົນ. ຫລາຍປີມານີ້ຕົ້ນໄມ້ ກໍໝົດ ໄປແດ່ແລ້ວ ບໍ່ຮູ້ວ່າຈະໄປຕັດໄມ້ ຢູ່ບ່ອນໃດອີກ ມາກັ້ນຄູໄວ້.

ຊາວບ້ານເວົ້າວ່າ ຝາຍກັ້ນນໍ້າໃນບ້ານນີ້ ມີຄວາມຈໍາເປັນ ຕໍ່ຊີວິດການເປັນຢູ່ ຂອງຊາວບ້ານຈໍານວນ 600 ຄອບຄົວແທ້ໆ ໃນການໃຊ້ນໍ້າເພື່ອ ການປູກຝັງ. ເມື່ອຕົ້ນປີ 2013 ຊາວບ້ານໄດ້ຮຽກຮ້ອງ ໄປຫາພາກສ່ວນຣັຖອີກຄັ້ງນຶ່ງ ເພື່ອໃຫ້ລົງມາສ້ອມແປງ ໃຫ້ເປັນຝາຍຊີເມັນ ແຕ່ພາກ ສ່ວນກ່ຽວຂ້ອງຕອບວ່າບໍ່ມີງົບປະມານ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ