ໃນລາວຜູ້ຕິດເຊື້ອ HIV ແລະຕາຍຍ້ອນໂຣຄ AIDS ເພີ້ມຂື້ນ

ຈໍານວນ ຜູ້ຕິດເຊື້ອ hiV ແລະ ເສັຽຊີວີດ ຍ້ອນໂຣຄເອດສ໌ ໃນລາວ ເພີ້ມຂື້ນ. ອີງຕາມຂ່າວທ້ອງຖິ່ນ
ສິດນີ
2010-09-02
ອີແມວລ໌
ຄໍາເຫັນ
Share
ພິມ

ກະແສຂ່າວ ທ້ອງຖີ່ນ ຈາກ ນະຄອນຫລວງ ວຽງຈັນ ລາຍງານວ່າ ລະຍະຫລັງໆ ມານີ້ ດຣ ຈັນສີ ພີມມະສອນ ຫົວຫນ້າສູນ ຕ້ານເອດສ໌ ພຍາດຕິດຕໍ່ ທາງເພດສຳພັນ ຈາກກະຊວງ ສາທາຣະນະສຸຂ ສປປລາວ ໄດ້ເປີດເຜີຍ ຕົວເລກ ຜູ້ທີ່ຕິດເຊື້ອເອດສ໌ ໃນລາວ ໃນປັດຈຸບັນ ຕໍ່ສື່ມວລຊົນວ່າ ມີຈຳນວນ ເພີ້ມຂື້ນເລື້ອຍໆ ໃນແຕ່ລະປີ ຫລັງຈາກກວດພົບ ຄົນຕິດເຊື້ອ ດ່ັງກ່າວ ຄົນທຳອິດ ໃນປີ 1990. ມາຮອດປີ 2009 ມີຜູ້ຕິດ ເຊື້ອແລ້ວ 3,659 ຄົນ ໃນນັ້ນມີ ຜູ້ເສັຽຊີວີດ 1,038 ຄົນ. ຜູ້ຕິດເຊື້ອ ສ່ວນໃຫຍ່ ແມ່ນຜູ້ຊາຍ ປະມານ 66% ແລະໃນເວລາ ດຽວກັນ ການຕິດເຊື້ອ ຂອງກຸ່ມຜູ້ຍີງ ກໍ່ເພີ້ມຂື້ນ 1% ໃນປີນີ້.

ທາງການຄາດວ່າ ໃນປີ 2015 ອັດຕຣາການ ຕິດເຊື້ອໂຣຄ ດັ່ງກ່າວ ຂອງຄົນລາວ ຈະເພີ້ມຂື້ນເປັນ 7 ພັນ ກໍຣະນີ ກຸ່ມຜູ້ຕິດເຊື້ອ ຫລາຍກວ່າຫມູ່ ແມ່ນແຂວງ ສວັນນະເຂດ ມີຢູ່ 1,431 ຄົນ ຮອງລົງມາແມ່ນ ນະຄອນຫລວງ ວຽງຈັນ ມີຜູ້ຕິດເຊື້ອ 1,186 ຄົນ, ແຂວງຈຳປາສັກ ມີ 357 ຄົນ ແລະແຂວງອື່ນໆ ຕາມລຳດັບ.

ສາເຫດ ການຕິດເຊື້ອ ສ່ວນໃຫຍ່ ແມ່ນມາຈາກ ແຮງງານເຄື່ອນທີ່ ຫລືກຸ່ມແຮງງານ ລາວ ທີ່ໄປເຮັດວຽກ ຢູ່ຕ່າງຖີ່ນ ໂດຍສະເພາະ ທີ່ປະເທດໄທ ມີການຮ່ວມເພດ ສຳພັນ ກັບຄົນອື່ນ ປາສຈາການ ໃສ່ຖົງຢາງ ອະນາມັຍ ຂາດການປ້ອງກັນ ເມື່ອກັບມາບ້ານ ກໍ່ນຳເອົາ ເຊື້ອໂຣຄເອດສ໌ ດັ່ງກ່າວ ມາສູ່ຄອບຄົວ ຫລືແຟນຮັກ ຈື່ງມີການ ແພ່ລາມ. ເຈົ້າຫນ້າທີ່ ທ່ານນັ້ນ ກ່າວເພີ້ມວ່າ ການຕິດເຊື້ອ ສ່ວນໃຫຍ່ຕິດຈາກ ຜູ້ຍີງໂສເພນີ ປະມານ 4% ຣະຫວ່າງກຸ່ມ ກະເທີຍດ້ວຍກັນ ປະມານ 2.5% ແລະກຸ່ມໃຊ້ ຢາເສບຕິດ ປະມານ 1.5%.

ເຕັມຫນ້າ