ຍຸງທີ່ມີເຊື້ອພຍາດ ຕ້ານໄຂ້ເລືອດອອກ

ອອສເຕຣເລັຍ ຈະປ່ອຍຍຸງ ທີ່ມີເຊື້ອພຍາດ ເພື່ອໄປສະກັດ ກັ້ນຕ້ານໂຣກ ໄຂ້ເລືອດອອກ.
ໂພໄຊສວັດ
2010-09-30
ອີແມວລ໌
ຄໍາເຫັນ
Share
ພິມ

ກົດຟັງສຽງ

ຈໍາພວກຍຸງທີ່ມີ ເຊື້ອພຍາດ ທີ່ຮູ້ວ່າສາມາດ ຕ້ານໂຣກ ໄຂ້ເລືອດອອກໄດ້ ຈະຖືກນຳໄປ ທົດລອງປ່ອຍ ຢູ່ໃນເຂດ ຊົນນະບົດ ທາງພາກເໜືອ ຂອງປະເທດ ອອສເຕຣເລັຍ ເປັນການທົດລອງ ເທື່ອທຳອິດ ຂອງໂລກ. ອີງຕາມລາຍງານ ຂອງແຫລ່ງຂ່າວ ທ້ອງຖິ່ນ ວັນທີ 30 ກັນຍາ 2010.

ອີງຕາງແຫລ່ງຂ່າວ AP ຈາກປະເທດ ອອສເຕຣເລັຍ ນັກວິທຍາສາດ ຈະສາມາດ ເລີ້ມທົດລອງ ໃຊ້ວິທີ ທີ່ບໍ່ເຄີຍ ປາກົດມີມາກ່ອນ ໃນການກຳຈັດ ເຊື້ອວາຍຣັສ ທີ່ເປັນ ພັຍ ເຖິງຊີວິດໄດ້ ແລະ ໃນປັດຈຸບັນນີ້ ໄດ້ແພ່ລະບາດ ສ້າງຄວາມເດືອດຮ້ອນ ໃຫ້ພົລເມືອງ ຮອດ 100 ລ້ານຄົນ ທົ່ວພູມີພາກ ເຂດທີ່ມີ ອາກາດຮ້ອນ ອົບເອົ້າ.

ໂຄງການກຳຈັດ ເຊື້ອພຍາດ ໄຂ້ເລືອດອອກ ຊຶ່ງໄດ້ຮັບການ ສນັບສນູນ ຈາກ ມູລນິທິ Bill ແລະ Melinda Gates ໄດ້ຮັບ ອະນຸມັດ ຈາກເຈົ້າໜ້າທີ່ ຮັບຜິດຊອບ ຝ່າຍຢາ ຂ້າແມງໄມ້ ແລະ ຢາປົວສັດ ຣັຖບານ ອອສເຕຣເລັຍ ແລ້ວ.

ຈຳນວນຍູງ ທີ່ມີເຊື້ອພຍາດ ຊື່ວ່າ wolbachia ຊຶ່ງເຊື້ອພຍາດ ຊນິດນີ້ ສ່ວນຫລາຍພົບ ໃນແມງວັນຕອມ ໝາກໄມ້ຫລື ແມງໄມ້ຊນິດ ອື່ນໆ ຈະຖືກນໍາ ໄປປ່ອຍໃສ່ ພື້ນທີ່ ໃນເຂດພາກເໜືອ Cairns ຂອງ ອອສເຕຣເລັຍ ພາຍໃນເດືອນ ມົກກະຣາ ປີໜ້າ.

ຫົວໜ້າໂຄງການ ທ່ານ Scott O’neill ຈາກ ມະຫາວິທະຍາໄລ Queensland ບອກກັບ ຜູ້ສື່ຂ່າວ AP ອອສເຕຣເລັຍ ໃນມື້ວັນ ພຣະຫັດ ທີ 30 ກັນຍາ 2010 ນີ້ວ່າ:

“ພວກເຮົາຫວັງວ່າ ພາຍໃນ ລະດູຝົນນີ້ ຈະສາມາດ ສຶກສາພື້ນທີ່ ແລະສັງເກດວ່າ ເຊື້ອພຍາດ wolbachia ຈະສາມາດ ບຸກລຸກຄຸກຄາມ ປະຊາກອນ ຍຸງທັງໝົດ ໄດ້ບໍ່”.

ທ່ານກ່າວ ຕໍ່ໄປວ່າ “ຜົນທີ່ເຮົາ ຢາກເຫັນຄື ການທີ່ ເຊື້ອພຍາດ ຈະສາມາດ ສະກັດກັ້ນ ຢັບຢັ້ງ ບໍ່ໃຫ້ຍຸງລາຍ ແພ່ຂຍາຍ ເຊື້ອໂຮກ ໄຂ້ເລືອດອອກ ໄດ້”.

ເຕັມຫນ້າ