ຣັຖບານພະມ້າຈະປ່ອຍ ນັກໂທດການເມືອງອີກ

ນັກໂທດ ການເມືອງ ໃນພະມ້າ ຈະຖືກປ່ອຍ ຕື່ມອີກ ໃນຕົ້ນ ເດືອນໜ້ານີ້. ຕາມຄໍາເວົ້າ ຂອງ ຣັຖມົນຕຣີ ພະມ້າ ທ່ານນຶ່ງ ໃນວັນ ຈັນ ນີ້ທີ່ ປະເທດ ນໍເວ ບ່ອນທີ່ ມາດາມ ອອງຊາຊູຈິ ຜູ້ນໍາ ເພື່ອ ປະຊາທິປະໄຕ ພະມ້າ ໄປຢ້ຽມຢາມ ເປັນ ເວລາ 4 ວັນ.
ຈໍາປາທອງ
2012-06-19
Share

ຢູ່ນອກ ກອງປະຊຸມ Oslo ບ່ອນທີ່ ມາດາມ ອອງຊານຊູຈີ ໄດ້ກ່າວ ຄໍາປາໃສນັ້ນ ຣັຖມົນຕຣີ ທ່ານນີ້ ໄດ້ເວົ້າວ່າ ຣັຖບານ ພະມ້າ ຂອງ ປະທານາທິບໍດີ ເທັນເຊັນ ມີພັນທະ ປະຕິບັດ ໄປສູ່ ປະຊາທິປະໄຕ ດັ່ງດຽວກັນ ກັບຍານາງ ອອງຊານຊູຈິ ຜູ້ໄດ້ຮັບ ລາງວັນ Nobel ຂແນງ ສັນຕິພາບ.

ທ່ານ U Soe Thane ຣັຖມົນຕຣີ ກະຊວງ ອຸດສາຫະກັມ ກ່າວວ່າ: “ພວກ ທ່ານ ກໍກ້າວໄປສູ່ ເສັ້ນທາງ ປະຊາທິປະໄຕ”.  ພວກທ່ານ ໄປຕາມທິດທາງ ດຽວກັນ ແຕ່ຍຸທວິທີ ແຕກຕ່າງກັນ ສິດທິ ທາງດ້ານ ຍຸທສາດ ເປັນແບບດຽວກັນ ຢູ່ໃນເຮືອ ລໍາດຽວກັນ“.

ເມື່ອຖາມເຖິງ ຄໍາຮຽກຮ້ອງ ຂອງ ມາດາມ ອອງຊານຊູຈິ ທີ່ໄດ້ກ່າວ ໃນໂອກາດ ຮັບຣາງວັນ Nobel ເມື່ອວັນເສົາ ຜ່ານມາ ທີ່ຂໍໃຫ້ ຣັຖບານພະມ້າ ປ່ອຍນັກໂທດ ການເມືອງ ທີ່ຖືກອະດີດ ຣັຖບານ ທະຫານ ຈັບເຂົ້າຄຸກ ທ່ານ U Soe Thane ຕອບວ່າ: “ ທ່ານຈະຮູ້ແຈ້ງ ຂຶ້ນຕື່ມ ໃນເດືອນ ກໍຣະກະດາ ບາງທີ ບາງທີ. ຂ້າພະເຈົ້າ ບໍ່ແມ່ນຜູ້ ຕັດສິນ“.

ທ່ານອະທິບາຍ ວ່າ ປັດຈຸບັນ ຣັຖບານ ພະມ້າ ກໍາລັງເບິ່ງ ກໍຣະນີ ຕ່າງໆຄືນ ເພື່ອຮັບປະກັນ ໃຫ້ຜູ້ບໍ່ມີ ຄວາມຜິດ ໃນຄະດີ ກໍ່ຄວາມຮຸນແຮງ ນັ້ນ ຖືກປ່ອຍຕົວ ທ່ານກ່າວຕໍ່ ອົງການຂ່າວ AFP ວ່າ ພວກທ່ານ ມີຄວາມຄິດ ທີ່ຈະປ່ອຍ ປະຊາຊົນ ທີ່ຍັງຖືກຄຸກ ຢູ່ນັ້ນ ມັນເປັນພຽງ ຄວາມຄິດ ບໍ່ແມ່ນຄໍາສັ່ງ ມັນຢູ່ໃນຂັ້ນ ດໍາເນີນການຢູ່.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.