སྒོམ་སྒྲུབ་ཐད་ཞིབ་འཇུག་ཞེས་པའི་བརྗོད་གཞིའི་ཐོག་ནས་བགྲོ་གླེང་ཚོགས་འདུ།

བཞུགས་སྒར་རྡ་རམ་ས་ལར་ཨེ་མོ་རི་གཙུག་ལག་སློབ་ཆེན་དང་༧གོང་ས་ཏཱ་ལའི་བླ་མའི་ཐེབས་རྩ་བཅས་ཀྱིས་མཉམ་སྦྲེལ་གོ་སྒྲིག་འོག་ནུབ་ཕྱོགས་པའི་ཚན་རིག་པ་དང་། ནང་པའི་ཚན་རིག་པ་མཁས་དབང་བཅས་མི་གྲངས་ ༢༠༠ ཙམ་འདུས་ནས་སྒོམ་སྒྲུབ་ཐད་ཞིབ་འཇུག་ཞེས་པའི་བརྗོད་གཞིའི་ཐོག་ནས་བགྲོ་གླེང་ཚོགས་འདུ་དང་ཞིབ་འཇུག་བྱ་ཕྱོགས་ཀྱི་ཐད་གཟབ་སྦྱོང་གནང་ཡོད་ཅིང་།  ནང་པའི་དགེ་འདུན་པའི་ཚན་རིག་པ་ཚོས་བཟོད་པའི་ཕན་ནུས་དང་འབྲེལ་བའི་ཐད་ལ་ཉམས་ཞིབ་གནང་པ་སོགས་ཉམས་ཞིབ་ཀྱི་བརྗོད་གཞི་སྣ་ཚོགས་ཐོག་ལ་ཞིབ་འཇུག་གི་གྲུབ་དོན་ངོ་སྤྲོད་ཀྱིས་བགྲོ་གླེང་གནང་པར།  ནུབ་ཕྱོགས་ཚན་རིག་པ་ཚོས་ཐུགས་སྣང་ཆེན་པོ་གནང་ཡུལ་དུ་གྱུར་འདུག  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲ་ཤིས་དབང་ཕྱུག་ལགས་ཀྱིས་འབྲས་སྤུངས་བློ་གསལ་གླིང་གི་ཚན་རིག་དགེ་རྒན་དགེ་ལེགས་རྒྱ་མཚོ་ལགས་སུ་བཀའ་དྲི་ཞུས་པ་ཞིག་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།