གསུམ་བཅུའི་དུས་དྲན་ཐེངས་༦༤ པ་དང་མང་ཚོགས་ཀྱི་ཚོར་སྣང་།

འདི་ལོ་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༤དེ་སྲུང་བརྩི་གནང་སྐབས་གཞོན་སྐྱེས་དང་ཕྲུ་གུ་ལོ་ཆུང་མང་པོ་ཡང་ཕ་མ་ཚོས་འདུ་འཛོམས་སར་ཁྲིད་ཡོད་པ་དེའི་གནད་འགག་རང་བཞིན་དང་། བོད་རིགས་གཞོན་སྐྱེས་ཚོའི་སེམས་ཤུགས་དང་ཆབ་སྲིད་གོ་རྟོགས་ལ་བརྟེན་ནས་བོད་དོན་བདེན་མཐའ་སེལ་ཐབས་ཀྱི་རེ་བ་མུ་མཐུད་གནས་མུས་ཡིན་པའི་སྐོར་ལས་འགུལ་ནང་མཉམ་བཞུགས་མཁན་ཚོས་བརྗོད་ཀྱི་ཡོད། ཐེངས་འདིའི་ཁ་བའི་གྲོས་རྭ་ལེ་ཚན་ནང་འདི་ལོ་གསུམ་བཅུ་དུས་དྲན་ཉིན་དམིགས་བསལ་མ་འདྲ་བ་ག་རེད་བྱུང་ཡོད་མེད་དང་། བོད་མི་ཚོའི་འཐབ་རྩོད་ཀྱི་ངར་ཤུགས་ཇི་འདྲ་གནས་ཡོད་པའི་སྐོར། ཨོ་སི་ཊེ་ལེ་ཡའི་རྒྱལ་ཡོངས་བོད་མིའི་སྤྱི་མཐུན་ཚོགས་པའི་ཚོགས་གཙོ་སྐལ་བཟང་ཚེ་རིང་ལགས་དང་། ཨོ་སི་ཊེ་ལེ་ཡར་འཚོ་གནས་ཡོད་པའི་བོད་རིགས་ཆབ་སྲིད་བཙོན་ཟུར་བསྟན་པ་དར་རྒྱས་ལགས་དང་། གཞན་ཡང་ཁེ་ཎ་ཌའི་བོད་རིགས་སྤྱི་འཐུན་ཚོགས་པའི་ཆབ་སྲིད་འབྲེལ་མཐུད་པ་གཡུང་དྲུང་བསྟན་འཛིན་བཅས་རྣམ་པ་གསུམ་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་གྱིས་ཁ་བརྡ་བྱེད་པ་ཉན་རོགས་ཞུ།

གསར་འགོད་པ། རྡོ་རྗེ་དགྲ་འདུལ།

དྲ་ཐོག་སྤེལ་མཁན། པ་སངས་དོན་ལྡན།