ཨ་རིའི་གྲོས་ཚོགས་ཀྱིས་སྲིད་འཛིན་ལ་བོད་དོན་གྲོས་འཆར།

དེ་ཡང་ཨ་རིའི་གྲོས་ཚོགས་ནང་གི་སྤྱི་མཐུན་ཚོགས་པའི་འཐུས་མི་ཕེརེང་འུཕོ་མཆོག་དང་། དམངས་གཙོ་ཚོགས་པའི་འཐུས་མི་ཇེམ་སི་པི་མྷེ་གྷ་ཝན་མཆོག་རྣམ་གཉིས་ཀྱིས་གཙོ་འགན་བཞེས་པའི་བོད་དོན་རྒྱབ་སྐྱོར་གྱི་གྲོས་འཆར་ལ་ཁ་སང་བར་གྲོས་ཚོགས་འཐུས་མི་༥༦་གིས་རྒྱབ་སྐྱོར་གྱི་མཚན་རྟགས་བཀོད་ཡོད་པ་དང་། གྲོས་འཆར་དེའི་ནང་ཨ་རིའི་སྲིད་འཛིན་མཆོག་ལ་ཨ་མི་རི་ཀའི་ཕྱི་འབྲེལ་སྲིད་བྱུས་འཆར་བཀོད་ནང་བོད་ཀྱི་གནད་དོན་འདི་གཙོ་བོ་འཛིན་དགོས་ཀྱི་ཡོད་པ་དང་། ཕྱི་སྲིད་དྲུང་ཆེ་བསྐོ་གཞག་གནང་བའི་སྐབས་སུའང་བོད་ཀྱི་གནད་དོན་འདིའི་གལ་འགངས་ཆ་ཚང་མཁྱེན་པའི་མི་སྣ་ཞིག་བསྐོ་དགོས་གལ་ཆེ་ལུགས་བཀོད་ཡོད་ཡོད་ཐོག་ཨ་རིའི་གཞུང་གིས་འབྲེལ་ཡོད་རྒྱལ་ཁབ་གཞན་ཁག་གི་མཉམ་རྒྱ་ནག་གིས་བོད་ཐོག་དྲག་གནོན་གྱི་སྲིད་བྱུས་ལག་བསྟར་བྱེད་བཞིན་པ་འདི་མཚམས་འཇོག་ཡོང་ཐབས་འགན་འཁུར་གནང་དགོས་བ་ཡང་གསུངས་ཡོད་པ་རེད།