བོད་རྒྱ་ནག་ནས་ཁ་བྲལ་གྱི་འཐབ་རྩོད་གནང་གི་མེད།

ལྷོ་ཨ་ཧྥ་རི་ཀའི་ནང་གཟིགས་སྐོར་གནང་བཞིན་པའི་བཙན་བྱོལ་བོད་མིའི་སྒྲིག་འཛུགས་ཀྱི་ཕྱི་འབྲེལ་བཀའ་བློན་བདེ་སྐྱིད་ཆོས་དབྱངས་མཆོག་གིས། ཡུལ་དེའི་གྲོས་ཚོགས་འཐུས་མི་གཙོས་པའི་འབྲེལ་ཡོད་དཔོན་རིགས་ཁག་ཅིག་མཇལ་གནང་བའི་རྗེས། ཚེས་༢༢ཉིན་གསར་འགོད་ལྷན་ཚོགས་ཤིག་གི་ཐོག་བོད་དོན་སྐོར་གཏམ་བཤད་གནང་སྐབས། བོད་ནང་གི་ཛ་དྲག་གི་དཀའ་ངལ་གསལ་བཤད་དང་། ཡུལ་འདིར་མི་རིགས་དབྱེ་འབྱེད་འཐབ་རྩོད་ཀྱི་ཉམས་མྱོང་དངོས་སུ་ཡོད་པའི་ཆ་ནས་བོད་མིའི་དཀའ་སྡུག་དང་། རང་དབང་གི་འཐབ་རྩོད་གསལ་པོ་མཁྱེན་པའི་རེ་བ་ཡོད། བོད་མིའི་འཐབ་རྩོད་ཀྱི་སྙིང་པོ་ནི།  བོད་མི་ཚོས་སོ་སོའི་རྒྱལ་ཁབ་ནང་སོ་སོའི་ཐོུང་མ་ཡིན་པའི་ངོ་བོ་ཆོས་དང། རིག་གཞུང་། སྐད་ཡིག་སོགས་ལོངས་སུ་སྤྱོད་རྒྱུའི་ཐོབ་ཐང་གི་ཆེད་ཡིན་པ་ལས། ང་ཚོས་བོད་རྒྱ་ནག་ནས་ཁ་བྲལ་གཏོང་རྒྱུའི་འཐབ་རྩོད་བྱེད་ཀྱི་མེད་ཅེས་གསལ་བཤད་གནང་འདུག། ཡང་བཀའ་བློན་མཆོག་གིས་ཕྱི་ལོ་༢༠༠༩ ལོ་ནས་བཟུང་ད་བར་བོད་ནང་བོད་མི་༥༠ཙམ་གྱིས་རྒྱ་གཞུང་གི་གདུག་རྩུབ་དྲག་གནོན་མ་བཟོད་པར་རང་ལུས་མེར་བསྲེགས་ཀྱིས་བོད་ལ་རང་དབང་དགོས་པ་དང་། ༧གོང་ས་མཆོག་བོད་ནང་ཕྱིར་ཕེབས་དགོས་པའི་འབོད་སྒྲ་སྒྲོག་བཞིན་པ་དང་། བཀའ་བློན་ཁྲི་པ་བློ་བཟང་སེངྶགེ་མཆོག་གིས་རང་ལུས་མེ་སྲེག་མཚམས་འཇོག་དགོས་པའི་བཀའ་སློབ་གནང་མུས་ཀྱང་ད་བར་བོད་མི་ཚོས་རང་སྲོག་དོར་རྒྱུ་མཚམས་འཇོག་བྱས་མེད་པ་ཅེས་གསུངས་གནང་ཡོད་འདུག