གུང་ཁྲན་དཔོན་རིགས་ཀྱི་ནང་མིར་བལྟ་ཞིབ་བྱ་རྒྱུ།


2015.12.30
Share on WhatsApp
Share on WhatsApp
གུང་ཁྲན་དཔོན་རིགས་ཀྱི་ནང་མིར་བལྟ་ཞིབ་བྱ་རྒྱུ། རྒྱ་ནག་དང་ཐེ་ཝན་གྱི་སྲིད་འཛིན་རྣམ་གཉིས།
ཨེ་ཨེཕ་པི།

༄༅།  །རྒྱ་ནག་གི་སྲིད་འཛིན་Xi Jinping གིས་རྒྱ་ནག་གུང་ཁྲན་ཚོགས་པའི་དཔོན་རིགས་ཆེ་ཁག་ཚོའི་ནང་མིར་བལྟ་ཞིབ་གནང་རྒྱུའི་ཉེན་བརྡ་བཏང་གནང་ཡོད་པ་རེད།          
དེ་ཡང་རྒྱ་ནག་སྲིད་འཛིན་Xi Jinpingཡིས་རྒྱ་ནག་ནང་ལྐོག་ཟ་རུལ་སུངས་ཀྱི་ལས་འགུལ་ཤུགས་ཆེ་སྤེལ་བཞིན་པའི་ཁྲོད་ནས་ད་ཆ་རྒྱ་ནག་གུང་ཁྲན་ཚོགས་པའི་ཚོགས་མི་མཐོ་གྲས་ཉི་ཤུ་རྩ་ལྔ་ཙམ་གྱི་ནང་མི་ཚོས་ཁོང་ཚོའི་བུ་ཕྲུག་དང་། ནང་མི་ཚོར་སློབ་སྦྱོང་སྤྲོད་ཕྱོགས་དང་། དེ་བཞིན་ནང་མིའི་ཐོག་སྟངས་འཛིན་བྱེད་ཕྱོགས་སོགས་ཀྱི་ཐད་བལྟ་ཞིབ་གནང་རྒྱུ་ཡིན་པ་གསུངས་ཡོད་ལུགས་རྒྱ་ནག་གཞུང་འབྲེལ་ཤིང་ཧ་གསར་འགྱུར་ལས་ཁང་ནས་དེ་རིང་ཕྱི་ཚེས་༣༠་ཉིན་གནས་ཚུལ་སྤེལ་འདུག   སྲིད་འཛིན་Xi Jinping གིས་རྒྱ་ནག་ནང་དུ་ཡོད་པའི་དཔོན་རིགས་ཚོས་ཁོང་ཚོའི་ནང་མི་དང་། སྤུན་མཆེད་ཚོའི་དབར་དཔལ་འབྱོར་གྱི་འབྲེལ་བ་མཉམ་བསྲེས་མི་ཐུབ་པའི་རེ་བ་བྱེད་བཞིན་ཡོད་པ་ནི་ལྐོག་ཟ་རུལ་སུངས་ལ་འགོག་སྲུང་གནང་བ་ཞིག་ཡིན་པ་རེད།  སྲིད་འཛིན་Xi Jinping གིས་རྒྱ་ནག་ནང་ལྐོག་ཟ་རུལ་སུངས་འགོག་ཐབས་ཀྱི་ལས་འགུལ་སྤེལ་བའི་ཁྲོད་ནས་རྒྱ་ནག་ནང་རུལ་སུངས་མཁན་རྒྱ་ནག་གུང་ཁྲན་ཚོགས་པའི་ཆེས་མཐོའི་དཔོན་རིགས་Zhou Yongkang  དང་ Bo Xilai སོགས་པའི་དཔོན་རིགས་མང་པོ་ཞིག་ལ་ལྐོག་ཟ་རུལ་སུངས་བྱས་པའི་ནག་ཉེས་ར་སྤྲོད་ཀྱིས་འཛིན་བཟུང་བཙོན་འཇུག་བྱས་ཡོད་པས་མ་ཟད། དེ་དང་འབྲེལ་བའི་ཐོག་ནས་རྒྱ་ནག་གཞུང་དང་ལྟ་སྤྱོད་མི་མཐུན་མཁན་མི་སྣ་མང་པོ་ཞིག་ཀྱང་འཛིན་བཟུང་བྱས་ཡོད་པ་རེད།    
གསར་འགོད་པ་དབྱངས་སྒྲོལ།yangdon

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིས་རྒྱ་ནག་དང་གདོང་ཐུག་གིས་ར་ཤེ་ཡར་རོགས་རམ་བྱེད་སྟངས་ཐད་འདྲི་རྩད་བྱས་ཡོད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎