རྒྱ་ནག་གཞུང་གིས་བོད་ཤར་ཕྱོཊ་ཁུལ་ས་གནས་འབྲོག་པའི་རྩྭ་ས་བཙན་འཕྲོག་ཀྱིས་གཏེར་ཁ་སྔོག་འདོན་བྱ་བཞིན་པ་རེད།
དེ་ཡང་གནས་ཚུལ་ལྟར་ན། ཟླ་འདིའི་ཚེས་གསུམ་ཉིན་རྒྱ་ནག་གི་གཏེར་འདོན་ཚན་པ་ཞིག་གིས། མཚོ་སྔོན་ཞིང་ཆེན་སྒ་སྐྱེ་རྒུ་མདོ། ཁྲི་འདུ་རྫོང་། དཀར་ཆེན་རུ་ཁག་གི་འབྲོག་མི་བློ་གྲོས་རྒྱལ་མཚན་ཁྱིམ་ཚང་གི་དབྱར་ས་བཙན་འཕྲོག་བྱས་ཏེ། རྡོ་ནག་དང་གསེར་གྱི་གཏེར་ཁ་སྔོག་འདོན་ལས་གཞི་འགོ་འཛུགས་བྱས་ཡོད་འདུག། ལས་གཞི་འདི་ལོ་གཉིས་གོང་ནས་འགོ་འཛུགས་ཀྱིས། སྐབས་དེར་རྒྱ་ནག་གི་གཏེར་འདོན་ཚན་པ་ཞིག་གིས་འབྲོག་པ་བློ་གྲོས་རྒྱལ་མཚན་ལཊ་ཀྱི་ས་ཆའི་ཐོག་ནས་གཏེར་ཁ་སྔོག་འདོན་བྱེད་རྒྱུའི་འཆར་གཞི་བསྒྲིཊ་སྐབས་དོ་བདག་གིས། གོང་རིམ་ལ་ཞུ་གཏུག་ཡང་ཡང་བྱས་ཀྱང་། གཏེར་འདོན་ཚན་པ་དེ་དང་སྲིད་གཞུང་བར་ངན་པ་ལག་འབྲེལ་བྱས་ཡོད་སྟབས། ཁོང་གི་ཞུ་གཏུག་ལ་དོན་འབྲས་མ་སོན་པར་ཉེ་ལམ་རྒྱ་ནག་ནས་ཆེད་ལས་ལག་རྩལ་མི་སྣ་དང་། ས་དོང་བརྐོ་ཆས་འཕྲུལ་འཁོར་། ས་རྡོ་དབོར་འདྲེན་རླངས་འཁོར་སོཌ་སླེབས་ཏེ་ལས་གཞི་འགོ་འཛུགས་བྱས་ཡོད་འདུག།
མིང་དོན་མེད་པའི་གནས་ཚུལ་མཁོ་སྤྲོད་པ་ཞིག་གིས་བོད་ཀྱི་དུས་བབ་གསར་ཁང་ལ་བརྗོད་དོན། རྒྱ་ནག་གི་གཏེར་འདོན་ཚན་པ་དང་། བོད་ཁུལ་གྱི་ས་གནས་སྲིད་གཞུང་གི་འགོ་ཁྲིད་བར་ལྐོག་འབྲེལ་བྱས་ཏེ། ཡུལ་ཤུལ་གྱི་ས་ཁུལ་གཞན་མང་པོ་ཞིག་ཏུའང་གཏེར་ཁ་སྔོག་འདོན་བྱེད་བཞིན་ཡོད་པ་དང་། ལྷག་པར་དུ་མཚོ་དང་གནས་རི་རྩ་ཆེན་སོཌ་ཀྱི་ཉེ་འཁོར་ནས་གཏེར་ཁ་སྔོག་འདོན་བྱས་ཏེ་ཁོར་ཡུག་གཏོར་སྐྱོན་དང་། མི་ཕྱུགས་དང་སྲོག་ཆགས་གཞན་ལའང་ཉེན་ཁ་བཟོ་བཞིན་ཡོད་སྐོར་བརྗོད་བྱས་ཡོད་འདུག༎
གསར་འགོད་པ་ཀརྨ་རྒྱ་མཚོ།
