བོད་རང་སྐྱོང་ལྗོངས་ཟེར་བ་ཁྱོན་ཡོངས་སུ་ད་བར་ཏོག་དབྱིབས་རིམས་ནད་འགོས་བ་ཁྱོན་མི་གྲངས་ཆིག་ཁྲི་བདུན་སྟོང་བརྒལ་འདུག

2022.09.21
Share on WhatsApp
Share on WhatsApp
བོད་རང་སྐྱོང་ལྗོངས་ཟེར་བ་ཁྱོན་ཡོངས་སུ་ད་བར་ཏོག་དབྱིབས་རིམས་ནད་འགོས་བ་ཁྱོན་མི་གྲངས་ཆིག་ཁྲི་བདུན་སྟོང་བརྒལ་འདུག ལྷ་ས་ཁུལ་གྱི་མི་མང་སྡོད་ཁུལ་ཞིག་གི་ར་སྐོར་ནང་། ༠༩།༡༥།༢༠༢༢
སྤྱི་ཚོགས་དྲ་ལམ།

བོད་ནང་ཏོག་དབྱིབས་རིམས་ནད་འགོས་ཁྱབ་བྱུང་བའི་གྲངས་ཐོ། ༢༠༢༢།༠༩།༢༡ཉིན་རྒྱབ་བར།

ས་གནས། སྔར་ཡོད། འཕར་བ། ནད་རྟགས་ཅན། ནད་རྟགས་མི་མངོན་པ། ཁྱོན་བསྡོམས།
བོད་རང་སྐྱོང་ལྗོངས་ཟེར་བ་ཁྱོན་ཡོངས། ༡༧༠༣༨ ༦༤ ༦༠ ༡༧༡༠༢

བོད་ནང་ཏོག་དབྱིབས་རིམས་ནད་འགོས་ཁྱབ་བྱུང་བའི་གྲངས་ཐོ། ༢༠༢༢།༠༩།༢༠ཉིན།

ས་གནས། སྔར་ཡོད། འཕར་བ། ནད་རྟགས་ཅན། ནད་རྟགས་མི་མངོན་པ། ཁྱོན་བསྡོམས།
བོད་རང་སྐྱོང་ལྗོངས་ཟེར་བ་ཁྱོན་ཡོངས། ༡༦༨༧༠ ༡༦༨ ༡༣ ༡༥༥ ༡༧༠༣༨

འདི་ཚེས་༢༡ཉིན་བོད་རང་སྐྱོང་ལྗོངས་ཟེར་བ་ཁྱོན་ཡོངས་སུ་ཏོག་དབྱིབས་རིམས་ནད་འགོས་ཁྱབ་བྱུང་བ་མི་གྲངས་༦༤འཕར་ནས་ད་བར་བསྡོམས་འབོར་མི་གྲངས་༡༧༡༠༢ཟིན་འདུག
རྒྱ་ནག་གཞུང་གིས་འབོད་པའི་བོད་རང་སྐྱོང་ལྗོངས་ཟེར་བ་གཙོས་བོད་ཀྱི་ས་ཁུལ་གང་སར་ཏོག་དབྱིབས་ནད་ཡམས་འགོས་ཁྱབ་ཀྱི་གྲངས་འབོར་མུ་མཐུད་དུ་འཕར་བཞིན་པ་དང་། འདི་ཚེས་༢༡ཉིན་གྱི་ཉིན་རྒྱབ་བར། བོད་རང་སྐྱོང་ལྗོངས་ཟེར་བའི་ནང་ཏོག་དབྱིབས་ནད་ཡམས་འགོས་ཡོད་པ་ནད་རྟགས་ཅན་༤ཐོན་ཡོད་པ་ལྷ་ས་གྲོང་ཁྱེར་དུ་ཡིན་པ་དང་། ནད་རྟགས་མི་མངོན་པའི་ནད་པ་༦༠མང་དུ་ཕྱིན་ཡོད་པ་རྣམས་ལྷ་ས་གྲོང་ཁྱེར་དུ་༥༨དང་། གཞིས་ཀ་རྩེ་གྲོང་ཁྱེར་དུ་༢བཅས་ཡིན་འདུག གཞན་དེའི་སྔར་ཉིན་སྤྱི་ཚེས་༢༠ཉིན་གྱི་ཆུ་ཚོད་ཉེར་བཞིའི་རིང་། བོད་རང་སྐྱོང་ལྗོངས་ཟེར་བ་ཡོངས་སུ་ཏོག་དབྱིབས་ནད་ཡམས་ཕོག་པ་ནད་རྟགས་ཅན་༡༣མང་དུ་ཕྱིན་ཡོད་པ་དང་། ནད་རྟགས་མེད་པའི་ནད་པ་༡༥༥མང་དུ་ཕྱིན་ཡོད་པ་ནས་མང་པོ་ཞིག་ལོགས་བཀར་ལྟ་སྡོམ་ཁུལ་ནས་ཤེས་རྟོགས་བྱུང་བ། བོད་རང་སྐྱོང་ལྗོངས་ཟེར་བའི་ཏོག་གསར་གློ་ཚད་རིམས་ནད་འགོག་ཟོན་བྱེད་པའི་གསར་འགྱུར་ཡོངས་བསྒྲགས་ཚོགས་འདུ་ཐེངས་ཞེ་བཞི་པའི་ཐོག་བསྒྲགས་འདུག་པ་ལྟར། ནད་ཡམས་འགོས་ཁྱབ་བྱུང་བ་ནས་བསྡོམས་རྩིས་བྱས་ན་འདི་ཚེས་༢༡ཉིན་གྱི་ཉིན་རྒྱབ་ཆུ་ཚོད་གཉིས་བ་བར་བོད་རང་སྐྱོང་ལྗོངས་ཟེར་བའི་ནང་ཁྱོན་ཡོངས་སུ་ཏོག་དབྱིབས་རིམས་ནད་འགོས་ཁྱབ་བྱུང་བ་མི་གྲངས་༡༧༡༠༢ཟིན་འདུག་ལ། དེའི་ཁྲོད་ནས་མང་པོ་ཞིག་དྲག་སྐྱེད་བྱུང་ནས་ས་ཁུལ་འདྲ་མིན་གྱི་ལོགས་བཀར་སྨན་ཁང་ནས་ཐོན་དང་ཐོན་བཞིན་པ་ཡང་བསྒྲགས་འདུག
བོད་ཀྱི་རྒྱལ་ས་ལྷ་ས་གྲོང་ཁྱེར་ནང་རྒྱ་ནག་གཞུང་གིས་ཁྱིམ་སྡོད་བཀའ་རྒྱ་བསྡམས་ནས་ཉིན་གྲངས་༤༡འགྲོ་བཞིན་པ་དང་། དེའི་རིང་ཟུར་བཀག་དང་ཁྱིམ་སྡོད་བཀག་རྒྱའི་འོག་གཞུང་གིས་ལྟ་རྟོག་ཡག་པོ་མི་བྱེད་པ་དང་། ནད་རྟགས་ཡོད་མེད་ཚང་མ་ཅ་དངོས་འཇོག་སའི་དོས་ཁང་སོགས་སུ་ཟུར་བཀག་བྱེད་པ། ཟ་མ་རྙིང་པ་སྤྲོད་པ། བྱིས་བ་དང་རྒན་རྒོན་མང་པོ་ཟུར་བཀག་བྱས་ཡོད་པ་སོགས་མི་མང་གིས་མི་འདོད་པའི་རྣམ་འགྱུར་དང་བསམ་འཆར་བཏོན་པའི་བརྙན་དང་པར་མང་པོ་མཐོང་རྒྱུ་ཡོད་ན་ཡང་། རྒྱ་ནག་གཞུང་གི་འབྲེལ་ཡོད་ཚན་པས་དེ་མ་ཐག་དྲ་ལམ་ནས་ཐད་ཀར་ནག་བསུབ་གཏོང་བཞིན་ཡོད་འདུག
དེའི་ཐད་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས། རྒྱ་གཞུང་གིས་བོད་ནང་གི་ནད་ཡམས་སྟངས་འཛིན་མ་ཐུབ་པའི་དངོས་ཡོད་གནས་ཚུལ་ཤོད་མཁན་ཚོའི་སྨྲ་བརྗོད་རང་དབང་ལ་རྡོག་རོལ་གཏོང་མཚམས་འཇོགས་དགོས་པ་མ་ཟད། ཁོང་ཚོའི་བདེ་སྡུག་དང་རེ་སྐུལ་ལ་དུས་ལྟར་ཡ་ལན་སྤྲོད་དགོས་པའི་འབོད་སྐུལ་གནང་འདུག

གསར་འགོད་པ། ཀླུ་འབུམ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བོད་ཀྱི་རྒྱལ་ས་ལྷ་ས་ནས་ཏོག་དབྱིབས་རིམས་ནད་ཀྱི་དཀའ་སྡུག་ཁྲོད་བོད་མི་ཁག་ཅིག་ཁང་པ་ནས་མཆོང་སྟེ་འདས་གྲོངས་སུ་ཕྱིན་ཡོད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎