དུས་དབང་དང་འབྲེལ་བའི་བཀའ་ཆོས་ཡོངས་རྫོཊ་ཐད་ཀར་རྒྱང་བསྲིང་གནང་རྒྱུ།

༄༅། །དབུས་བོད་མིའི་སྒྲིག་འཛུགས་ཀྱི་གོ་སྒྲིག་འོག་རིང་མིན་གནས་མཆོག་རྡོ་རྗེ་གདན་དུ་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བསྩལ་གནང་མཛད་རྒྱུའི་དཔལ་དུས་ཀྱི་འཁོར་ལོའི་དབང་ཆེན་དང་འབྲེལ་བའི་བཀའ་ཆོས་ཡོངས་རྫོགས་བརྙན་འཕྲིན་བརྒྱུད་ཐད་ཀར་རྒྱང་བསྲིང་གནང་རྒྱུ་ཡིན་པའི་གསལ་བསྒྲགས་གནང་འདུག  
དེ་ཡང་དབུས་བོད་མིའི་སྒྲིག་འཛུགས་ནང་སྲིད་ལྷན་ཁང་གིས་རྒྱ་གར་ནང་ཡོད་པའི་བོད་མིའི་ས་གནས་འགོ་འཛིན་རྣམ་པར་ཕྱག་བྲིས་ཤིག་གནང་བའི་ནང༌། བོད་མིའི་སྒྲིག་འཛུགས་ཀྱིས་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༤ པའི་ལས་རིམ་ཆ་ཚང་བོད་ཀྱི་བརྙན་འཕྲིན་དྲྭ་རྒྱའི་ཁ་བྱང་
http://www.tibetonline.tv/live-webcast-from-cta-dharamsala དང་། https://www.youtube.com/user/ctaonlinetv
དེ་བཞིན་ལག་ཐོག་ཁ་པར་མཉེན་ཆས་ Tibettv Mobile Apps བཅས་ཀྱི་ནང་ཐད་གཏོང་རྒྱང་སྲིང་ཞུ་འཆར་ཡོད་པ་ལྟར་མང་ཚོགས་ནས་ཐུགས་སྣང་ཡོང་བ་ཞུ།   དུས་དབང་དུ་དངོས་སུ་བཅར་མ་ཐུབ་མཁན་བོད་མིའི་སྡོད་སྒར་ས་གནས་ཁག་གི་ནང་རྒན་གཞོན་མང་དག་ཅིག་ཡོད་པ་དེ་དག་ལ་ས་གནས་སོ་སོའི་ས་གནས་འགོ་འཛིན་ལས་ཁུངས་ཀྱི་ཐུགས་འགན་འོག་མི་མང་ཚོགས་ཁང་ངམ་སྤྱི་ཁང་ནང་མཉམ་སྡོད་ཀྱིས་ཀམ་པུ་ཊར་བརྒྱུད་གློག་བརྙན་སྟོན་བྱེད་འཕྲུལ་འཁོར་ཐོག་ནས་སྟོན་ཐབས་གནང་མཁན་ཡོད་ཚེ་དྲྭ་རྒྱ་འཐེན་གླ་དཔལ་ལྡན་བཀའ་ཤག་དང་དུས་འཁོར་དབང་ཆེན་གོ་སྒྲིག་ཚོགས་ཆུང་གང་རུང་ནས་གནང་རྒྱུ་དཔལ་ལྡན་སྲིད་སྐྱོང་མཆོག་ནས་བཀའ་ཕེབས་ལྟར་ས་གནས་འགོ་འཛིན་སོ་སོས་དེ་དོན་གོ་སྒྲིག་ཐུབ་ཐབས་དགོས་པ་དང༌། དྲྭ་མཐུད་འཐེན་གླ་སྔ་འཕྲོས་ས་གནས་སོ་སོས་སྔ་འདོན་བཏང་སྟེ་འབིལ་འཛིན་འདི་གར་འབྱོར་མཚམས་སྐྱིན་ཚབ་འཇལ་སློག་ཡོང་རྒྱུ་བཅས་དེ་དགོན་དགོངས་འཇགས་ཞུ་ཞེས་གསུངས་འདུག།

གསར་འགོད་པ་ངག་དབང་ཆོས་འཕེལ།