༧གོང་ས་མཆོག་གི་འཁྲུངས་སྐར་ཉིན་མོ་དེ་རྒྱལ་སྤྱིའི་བྱམས་བརྩེའི་ཉིན་མོར་སྲུང་བརྩི་གནང་རྒྱུ་ཡིན་འདུག

སྤྱི་ནོར་༧གོང་ས་སྐྱབས་མགོན་ཆེན་པོ་མཆོག ༢༠༢༤

སྤྱི་ཟླ་༦པའི་ཚེས་༢༨ཉིན་རྒྱ་གར་གྱི་རྒྱལ་ས་ལྡི་ལིར་ཨེ་ཤེ་ཡའི་ནང་པའི་ཞི་བདེ་ལྷན་ཚོགས་(12th General Assembly of the Asian Buddhist Conference for Peace)་ཐེངས་༡༢པའི་ཐོག སྤྱི་ནོར་༧གོང་ས་སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གིས་འཛམ་གླིང་ཞི་བདེ་ལ་ཞབས་འདེགས་བླ་ན་མེད་པ་ཞུས་ཡོད་པར་མོས་མཐུན་དང་མཉམ། ལྷན་ཚོགས་ཐོག་ཚོགས་མི་ཡོངས་སྤྱི་མོས་ཀྱིས་༧གོང་ས་མཆོག་གི་སྐུའི་འཁྲུངས་སྐར་ཉིན་མོ་དེ་སྤྱི་ཟླ་༧པའི་ཚེས་༦་ཉིན་དེ་བཞིན་རྒྱལ་སྤྱིའི་བྱམས་བརྩེའི་ཉིན་མོར་སྲུང་བརྩི་གནང་རྒྱུ་གསལ་བསྒྲགས་གནང་འདུག
རྒྱ་གར་(Arunachal Pradesh)་མངའ་སྡེའི་སྤྱི་ཁྱབ་བློན་ཆེན་པད་མ་མཁའ་འགྲོ་(Pema Khando)་ལགས་ཀྱིས་ཨེ་ཤེ་ཡའི་ནང་པའི་ཞི་བདེ་ལྷན་ཚོགས་ཐོག་སྤྱི་མོས་ཀྱིས་སྤྱི་ནོར༧གོང་ས་སྐྱབས་མགོན་ཆེན་པོ་མཆོག་གིས་འཛམ་གླིང་ཞི་བདེ་ལ་ཞབས་འདེགས་བླ་ན་མེད་པ་ཞུས་ཡོད་པར་ངོས་འཛིན་དང་མཉམ། སྐུའི་འཁྲུངས་སྐར་ཉིན་དེ་བཞིན་རྒྱལ་སྤྱིའི་བྱམས་བརྩེའི་ཉིན་མོ་སྲུང་བརྩི་གནང་རྒྱུར་དགའ་བསུ་དང་སྦྲགས་དེ་ནི་སྤོབ་པ་བྱེད་དགོས་པའི་དུས་ཚིགས་ཤིག་ཡིན་པ་ཁོང་གི་སྤྱི་ཚོགས་དྲྭ་རྒྱ་(x)་ནང་གསལ་སྟོན་གནང་འདུག

Moment of great pride that the 12th General Assembly of the Asian Buddhist Conference for Peace in New Delhi unanimously recognised His Holiness the 14th Dalai Lama's contributions to global peace and declared July 6th, his birthday, as the 'Universal Day of Compassion'.

The… pic.twitter.com/9u9JD2rLVa

— Pema Khandu པདྨ་མཁའ་འགྲོ་། (@PemaKhanduBJP) June 28, 2024

ཁོང་གིས་ད་དུང་༧གོང་ས་མཆོག་གི་བཀའ་ཆོས་དང་། སེམས་ཅན་ཐམས་ཅད་ལ་བཅིངས་པའི་མགོན་པོ་མཆོག་གི་སྙིང་རྗེ་དང་གཞན་ཤེས་ཀྱིས་མི་གྲངས་མེད ཀྱི་མི་ཚེ་ལ་འགྱུར་བ་བཏང་ཡོད་པ་དང་། དེ་བཞིན་༧གོང་ས་མཆོག་གི་ཞི་བདེ་དང་། བྱམས་བརྩེ། ཤེས་རབ་བཅས་ཀྱིས་ང་ཚོར་མུ་མཐུད་ནས་ལམ་སྟོན་གནང་གྱི་ཡོད་པ་རེད་ཅེས་བྲིས་འདུག

གསར་འགོད་པ། ལྕགས་མོ་འཚོ།
རྩོམ་སྒྲིག་པ། བསྟན་འཛིན་བདེ་སྐྱིད།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།