རྒྱ་ནག་གཞུང་གིས་བོད་ལ་འཛིན་པའི་སྲིད་ཇུས་ལ་བློ་འཚབ།

རྒྱ་ནག་གཞུང་གིས་བོད་མི་ཚོར་འཛིན་བཞིན་པའི་དམ་བསྒྲགས་ཅན་གྱི་སྲིད་བྱུས་ལ་ཞི་བའི་ངོ་རྒོལ་གནང་བའི་གནད་དོན་ཐད་ཕེ་རན་སིས་བློ་འཚབ།

2012.01.20


༄༅༎ཕེ་རན་སིའི་ཕྱི་འབྲེལ་མགྲིན་ཚབ་པ་སྐུ་ཞབས་སྦར་ནའདྲ་ལྦ་ལེ་རོ་དེ་རིང་གསར་འགོད་ལྷན་ཚོགས་ཐོག་ཉེ་སྔོན་བོད་ནང་བོད་མི་སེར་སྐྱ་༡༧གྱིས་སྔ་ཕྱིར་རང་ལུས་མེར་བསྲེག་བཏང་སྟེ་རྒྱ་ནག་གཞུང་གིས་བོད་མི་ཚོར་འཛིན་བཞིན་པའི་དམ་བསྒྲགས་ཅན་གྱི་སྲིད་བྱུས་ལ་ཞི་བའི་ངོ་རྒོལ་གནང་བའི་གནད་དོན་ཐད་ ཕེ་རན་སིའི་གཞུང་གིས་བློ་འཚབ་ཀྱི་རྣམ་པ་གསལ་སྟོན་གནང་ཡོད་པ་མ་ཟད་ རྒྱ་ནག་གཞུང་གིས་བོད་མིའི་ངོ་བོ་དང་ རིག་གཞུང་སྲུང་སྐྱོབ་བྱ་རྒྱུའི་ཆ་རྐྱེན་གྱི་འོག་བོད་མི་ཚོ་དང་ལྷན་དུ་གྲོས་མོལ་གནང་དགོས་པའི་འབོད་སྐུལ་ཡང་གནང་འདུག ཡང་སྐབས་དེར་ཁོང་གིས་གསུང་བར་ བོད་མི་སྐྱ་སེར་དེ་དག་འུ་ཐུག་ཐབས་ཟད་པའི་གནས་སྟངས་ཆགས་པའི་རྐྱེན་གྱིས་རང་ལུས་མེར་སྲེག་བཏང་སྟེ་རྒྱ་ནག་གཞུང་ལ་ངོ་རྒོལ་བྱེད་དགོས་ཐུག་པ་ཡིན་ཞིང་ ཕེ་རན་སི་གཞུང་གིས་རྒྱ་ནག་གཞུང་ནས་བོད་མིའི་ཆོས་དང་རིག་གཞུང་ སྐད་ཡིག་ འགྲོ་བ་མིའི་ཐོབ་ཐང་སོགས་ལ་གུས་བརྩི་ཞུ་དགོས་པ་ནན་སྐུལ་ཞུ་རྒྱུ་མ་ཟད་ རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་འོག་ བོད་རྒྱ་ཕྱོགས་གཉིས་ཀྱིས་གྲོས་མོལ་གནང་སྟེ་ གཉིས་ཕན་དབུ་མའི་ལམ་གྱི་ཐབས་ལམ་ཉག་གཅིག་ཡོད་པ་དེ་བརྒྱུད་བོད་མི་རིགས་ཀྱི་ཆོས་དང་རིག་གཞུང་ལ་རྒྱ་ནག་གཞུང་གིས་བརྩི་བཀུར་སྲུང་སྐྱོབ་བྱེད་དགོས་གསུང་ཡོད་པ་དང་ གཞན་ཡང་ཁོང་གིས་ཕེ་རན་སི་གཞུང་གིས་དེང་སྐབས་བོད་མི་རྣམས་ཀྱིས་རང་ལུས་མེར་སྲེག་བཏང་བའི་གནད་དོན་ཐོག་སེམས་འཚབ་ཧ་ཅང་ཆེན་པོ་ཡོད་པ་དང་ ཕེ་རན་སི་གཞུང་གིས་ཡུ་རོབ་སྤྱི་མཐུན་ཚོགས་པ་དང་རྒྱ་ནག་དབར་གྲོས་མོལ་ནམ་བྱུང་་གོ་སྐབས་བཟུང་སྟེ་རྒྱ་ནག་གཞུང་གིས་འགྲོ་བ་མིའི་ཐོབ་ཐང་ལ་བརྩི་འཇོག་དགོས་པའི་རེ་འདུན་འདོན་བཞིན་ཡོད་ཅེས་གསུང་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
ཨ་རིའི་གྲོས་ཚོགས་གོང་མའི་ནང་བོད་རྒྱའི་རྩོད་རྙོག་སེལ་བར་སྐུལ་འདེད་གཏོང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིའི་སྲིད་འཛིན་ཕོ་བྲང་དཀར་པོའི་ངོས་ནས་ས་ག་ཟླ་བའི་དུས་ཆེན་སྲུང་བརྩི་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎