རྒྱ་གར་གྱི་སྲིད་བློན་མོ་དྷི་ཡིས་རྒྱ་ནག་ཐད་ལངས་ཕྱོགས་འཛིན་སྟངས་ལ་ཕྱོགས་འགལ་ཚོགས་པས་སྐྱོན་བརྗོད་གནང་འདུག
དེ་ཡང་རྒྱ་གར་གྱི་ཀོང་རེ་སེ་ཆབ་སྲིད་ཚོགས་པའི་འགོ་ཁྲིད་ར་ཧུལ་གྷན་དྷི་(Rahul Gandhi)་གཟའ་ཕུར་བུའི་ཉིན་ཨ་རིའི་རྒྱལ་ས་ཝ་ཤིང་ཀྲོན་དུ་འཚམས་གཟིགས་སུ་འབྱོར་ཡོད་པ་དང་། ཁོང་གིས་གསར་འགོད་ལྷན་ཚོགས་ཞིག་གི་སར་གཏམ་བཤད་གནང་བའི་ནང་། རྒྱ་ནག་གཞུང་གིས་ང་ཚོའི་ས་ཆའི་བདག་དབང་ཐོག་བཙན་བཟུང་བྱེད་ཀྱི་ཡོད་པ་དེ་ནི་ངོས་ལེན་རྩ་བ་ནས་བྱེད་ཐབས་མེད་པའི་གནད་དོན་ཞིག་རེད། ཡིན་ནའང་སྲིད་བློན་མོ་དྷི་ཡིས་(Narendra Modi)་དེ་ལས་ལྡོག་སྟེ་ཡིད་ཆེས་གཞན་ཞིག་གནང་གི་འདུག་ཅེས་གསུངས་ཏེ་སྲིད་བློན་མོ་དྷི་ཡིས་རྒྱ་ནག་ལ་སྲིད་བྱུས་འཛིན་སྟངས་ཐད་སྐྱོན་བརྗོད་གནང་ཡོད་འདུག
ད་དུང་ཁོང་གིས དེ་བཞིན་ད་ལྟའི་(BJP)་གཞུང་འཛིན་པ་ནས་བཟུང་སྲིད་བློན་མོ་དྷིས་ཡིས་སྣེ་ཁྲིད་པའི་(BJP)་གཞུང་གིས་རྒྱ་གར་ནང་ཆོས་ལུགས་ཀྱི་འཐེན་འཁྱེར་དང་དབྱེ་འབྱེད། ཆོས་ལུགས་ཀྱི་མིང་གི་ཐོག་ནས་མི་དམངས་ཁ་བྲལ་གཏོང་བའི་སྲིད་བྱུས་བཟུང་ཐོག རྩ་ཁྲིམས་དང་རྒྱལ་སྤྱིའི་ཁྲིམས་ལུགས་དང་མི་མཐུན་པའི་གསར་འགོད་རང་དབང་ལའང་དམ་དྲག་བྱེད་བཞིན་ཡོད་ལུགས་སྐྱོན་བརྗོད་གནང་འདུག
གོང་ཞུས་གནད་དོན་ཐད་རོཡེ་ཊརསི་གསར་ལས་ཁང་གིས་རྒྱ་གར་གྱི་གཞུང་ཚབ་ཁང་ལ་དགོངས་ཚུལ་བཀའ་འདྲི་ཞུས་འདུག་ཀྱང་དམིགས་བསལ་ལན་འདེབས་གནང་ཡང་གནང་མེད་པ་རེད་འདུག
གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། ཚེ་བརྟན་རྣམ་རྒྱལ།
དྲྭ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲྭ་ཐོག་སྤེལ་མཁན། ཀླུ་འབུམ།