རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཛ་དྲག་གི་རང་བཞིན་ལ་བློ་འཚབ་ཤུགས་ཆེ་ཡོད་པ།

2021-05-15
Share
རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཛ་དྲག་གི་རང་བཞིན་ལ་བློ་འཚབ་ཤུགས་ཆེ་ཡོད་པ། རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཛ་དྲག་གི་རང་བཞིན་ལ་བློ་འཚབ་ཤུགས་ཆེ་ཡོད་པ།
དྷི་ཕེ་ཌེ་རེ་ལིསཊ།

འཛམ་གླིང་འཕྲོད་བསྟེན་སྒྲིག་འཛུགས་ཀྱི་སྤྱི་ཁྱབ་Tedros Ghebreyesus གིས་རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཛ་དྲག་གི་རང་བཞིན་ལ་བློ་འཚབ་ཤུགས་ཆེ་ཡོད་པ་དང་། འཛམ་གླིང་འཕྲོད་བསྟེན་སྒྲིག་འཛུགས་ཀྱིས་རྒྱ་གར་ལ་སྲོག་འཛིན་Oxygenགི་རླུང་མཁོ་འདོན་གྱི་འཕྲུལ་ཆས་དང་གཞན་ཡང་འཕྲལ་སེལ་གྱི་སྨན་ཁང་རྒྱག་རྒྱུའི་གུར་དེ་བཞིན་ཁ་རས་ཀྱི་མཚོན་སྨན་བཅོས་ཀྱི་དགོས་མཁོ་ཁག་ཅིག་མཁོ་འདོན་གནང་རྒྱུ་བྱུང་སྐོར་བརྗོད་ཡོད་པ་རེད།

རྒྱ་གར་ནང་ཏོག་དབྱིབས་གཉན་རིམས་ཀྱི་ནད་རླབས་གཉིས་པ་དེ་ཛ་དྲག་ཇེ་ཆེར་ཁྱབ་གདལ་འགྲོ་བཞིན། རེས་གཟའ་པ་སངས་ཉིན་ལ་མཚོན་ནའང་། ནད་པ་གསར་པ་འབུམ་གསུམ་དང་ཁྲི་བཞི་ལྷག་ཙམ་ཐོན་ཡོད་པ་གསལ་སྟོན་གནང་གི་ཡོད་འདུག

རྒྱ་གར་ནང་སྔ་ལོའི་ཕྱི་ཟླ་༡༢་པའི་ཚེས་༡༩་བར། རྒྱལ་ཁབ་ནང་ཏོག་དབྱིབས་ནད་ཡམས་ཕོག་པའི་གྲངས་འབོར་དེ་ས་ཡ་བཅུ་བྱུང་ཡོད་པ་དང་། འོན་ཀྱང་ཉེ་བའི་ཟླ་བ་དྲུག་ཉེ་བའི་དུས་ཡུན་ནང་ནད་རླབས་གཉིས་པ་དེ་ཁྱབ་ཚད་ཆེན་པོ་ཞིག་འགྱུར་ཏེ་ད་ཆ་རྒྱ་གར་ནང་ཏོག་དབྱིབས་ནད་ཡམས་ཕོག་པའི་གཞུང་འབྲེལ་གྲངས་ཐོ་དེ་ས་ཡ་༢༤བརྒལ་འགྲོ་ཡི་ཡོད་པ་དང་། དེ་ཡང་དངོས་དོན་གཞུང་ལ་གསལ་སྟོན་མེད་པའི་གྲངས་འབོར་དེ་དེ་བས་གཞི་རྒྱ་ཆེ་བ་ཡོད་སྲིད་པ་ངོས་འཛིན་བྱེད་ཀྱི་ཡོད་པ་དང་། ད་བར་འདས་གྲོངས་ཕྱིན་པའི་ནད་པའི་གྲངས་འབོར་དེ་འབུམ་གཉིས་དང་ཁྲི་དྲུག་ལྷག་བྱུང་ཡོད་འདུག

འཛམ་གླིང་འཕྲོད་བསྟེན་སྒྲིག་འཛུགས་ཀྱིས་གཉན་རིམས་ཀྱི་ནད་རླབས་གཉིས་པ་དེ་ཛ་དྲག་ཆེ་བ་ཡོད་པ་དང་། ད་ལྟ་རྒྱ་གར་ལ་འཕྲད་བཞིན་པའི་དཀའ་ངལ་དང་མཚུངས་པ་ཉེ་ཁུལ་བལ་ཡུལ་དང་གཞན་ཡང་ཤྲི་རི་ལངྐ། དེ་བཞིན་Cambodia, Vietnam, Thailand, Eypgtདང་། ལྷོ་ཨ་མི་རི་ཀའི་མངའ་ཁུལ་རྒྱལ་ཁབ་ཁག་དང་ཡང་ཨཕ་རི་ཀའི་མངའ་ཁུལ་རྒྱལ་ཁབ་ཁག་ཏུའང་ནད་ཡམས་ཁྱབ་གདལ་གྱི་གནས་སྟངས་དེ་ཛ་དྲག་ཆེ་རུ་འགྲོ་སྲིད་པའི་གནད་དོན་ལ་བློ་འཚབ་གང་ཆེ་ཡོང་གི་ཡོད་པ་དང་། ནད་ཡམས་སྔོན་འགོག་གི་ཐད་ལ་རོགས་སྐྱོར་གང་ཐུབ་གནང་བཞིན་ཡོད་ལུགས་གསུང་གི་ཡོད་པ་རེད།

འཛམ་གླིང་འཕྲོད་བསྟེན་སྒྲིག་འཛུགས་ཀྱི་སྤྱི་ཁྱབ་Tedro Ghebreyesusཡིས་ནད་ཡམས་སྔོན་འགོག་གི་ཐད་སྨན་ཁབ་རྒྱབ་དགོས་ཀྱི་ཡོད་པས་ད་ལྟ་དཀའ་ངལ་ཆེ་ཤོས་ཤིག་སྔོན་འགོག་གི་སྨན་ཁབ་འདེང་ངེས་བཞིན་པ་མཁོ་འདོན་ཐུབ་ཐབས་ཀྱི་ཐད་ལ་དཀའ་ངལ་འཕྲད་ཀྱི་ཡོད་པ་གསལ་སྟོན་གནང་འདུག།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།