ལྷ་ས་དང་གཞིས་ཀ་རྩེ་ཁུལ་དུ་ཆམ་རིམས་ཤིག་ཁྱབ་གདལ་འགྲོ་བཞིན་ཡོད་འདུག
དེ་སྔ་བོད་ནང་ཏོག་དབྱིབས་ཏོག་དབྱིབས་རིམས་ནད་ཁྱབ་གདལ་སྐབས་སྨན་ཚོང་ཁང་ཞིག་གི་མདུན། ༢༠༢༢
སྤྱི་ཚོགས་དྲ་ལམ།
ཕྱི་ཟླ་༢པའི་ཟླ་མཇུག་ནས་བཟུང་། རྒྱ་ནག་གི་ཞི་ཨན་གྲོང་ཁྱེར་གཙོས་གྲོང་ཁྱེར་མང་དག་ཅིག་གི་ནང་(Influenza)་ཞེས་པའི་ཆམ་རིམས་ཤིག་ཁྱབ་གདལ་འགྲོ་བཞིན་ཡོད་པ་ལྟར། ད་ལྟའི་ཆར་བོད་ནང་གི་ལྷ་ས་དང་གཞིས་ཀ་རྩེ་གཙོས་ས་ཁུལ་མང་དག་ཅིག་ནང་ཆམ་རིམས་དེ་ཁྱབ་གདལ་འགྲོ་བཞིན་ཡོད་པ་བོད་ནང་གི་འབྲེལ་ཡོད་བོད་མི་ཞིག་གིས་འགྲེལ་བརྗོད་གནང་བྱུང་ལ། གོང་ཞུས་འབྲེལ་ཡོད་ནས་ཆམ་རིམས་དེ་ཏོག་དབྱིབས་རིམས་ནད་ལས་ཤུགས་ཚད་ཆེ་བ་ཡོད་པ་དང་། བྱིས་པ་དང་ལོ་ན་རྒན་པ་ཚོར་ཁྱབ་ཚད་མཐོ་བོ་ཡོད་ན་ཡང་། ལྷ་ས་ཁུལ་དུ་སློབ་གྲྭ་ཁག་སྔར་བཞིན་ཚོགས་བཞིན་ཡོད་པ་དང་། འགྲོ་སྐྱོད་སོགས་རྒྱུན་ལྡན་ཡིན་པ་བརྗོད་བྱུང་།
ཨེ་ཤེ་ཡ་རང་དབང་རླུང་འཕྲིན་ཁང་ནས་བོད་རང་སྐྱོང་ལྗོངས་མི་མང་སྨན་ཁང་དང་། ལྷ་ས་གྲོང་ཁྱེར་མི་མང་སྨན་ཁང་གཉིས་ལ་ཁ་པར་བརྒྱུད་འབྲེལ་བ་བྱས་ཀྱང་ལན་འདེབས་གནང་མ་བྱུང་ལ། གཞིས་ཀ་རྩེ་གྲོང་ཁྱེར་མི་མང་སྨན་ཁང་གི་འབྲེལ་ཡོད་ལས་བྱེད་ཅིག་ནས་ཆམ་རིམས་དེ་ལྟ་བུ་ཞིག་ཁྱབ་བཞིན་ཡོད་པ་དང་། སྨན་ཁང་ལ་ཡོང་མཁན་ཚོར་ཆམ་རིམས་དེ་ན་བཞིན་ཡོད་མེད་བརྟག་དཔྱད་བྱེད་བཞིན་ཡོད་པ་རེད། ན་ཚ་དེའི་ནད་རྟགས་ཚ་བ་འཕར་བ་དང་རུས་ཚིགས་ན་བ་སོགས་ཡོང་གི་ཡོད་སྐོར་བརྗོད་པ་ལས། མི་གྲངས་ག་ཚོད་ཅིག་ལ་ཁྱབ་གདལ་ཕྱིན་ཡོད་མེད་འགྲེལ་བརྗོད་གནང་མ་སོང་མོད། ཨེ་ཤེ་ཡ་རང་དབང་རླུང་འཕྲིན་ཁང་ལ་འབྲེལ་ཡོད་ནས་ལྷ་ས་ཁུལ་དུ་ཆམ་རིམས་དེ་ཤུགས་ཆེར་ཁྱབ་བཞིན་ཡོད་པ་འགྲེལ་བརྗོད་གནང་བྱུང་།
རྒྱ་ནག་གཞུང་འབྲེལ་གསར་ལམ་ཁག་ཏུ་ཆམ་རིམས་དེ་ནི་ཆམ་རིམས་ཀ་པ་ཞེས་པ་ཡིན་པ་དང་། བྱིས་པ་དང་ལོ་ན་༦༠བརྒལ་ཚར་བའི་རྒན་རྒོན་ཚོར་ཁྱབ་ཚད་ཆེན་པོ་ཡིན་སྟབས། བྱིས་པའི་ཚ་བ་འཕར་ཚད་Celsius ༣༨་ཟིན་པ་དང་སྣ་ཁྲག་ཐོན་ཚེ་ངེས་པར་དུ་སྨན་ཁང་དུ་འགྲོ་དགོས་པ་དང་། ཆམ་རིམས་དེ་ཕོག་ན་དུས་ཡུན་བདུན་ཕྲག་གཅིག་གི་ཉིན་༢པ་དང་༣པར་ཤུགས་ཆེན་པོ་ཡོད་པས་ཡིད་གཟབ་དགོས་པ་སོགས་བརྗོད་འདུག་པ་ལས། གཞུང་འབྲེལ་ངོས་ནས་ཆམ་རིམས་དེ་ཁྱབ་གདལ་ཕྱིན་པ་ནས་མི་སྣ་འདས་གྲོངས་ཀྱི་གནས་ཚུལ་གང་ཡང་བཀོད་མེད་པ་རེད།
རྒྱ་ནག་ནང་ཕྱི་ཟླ་༢པའི་ཚེས་༢༧ནས་བཟུང་ཆམ་རིམས་དེ་ཁྱབ་གདལ་ཕྱིན་ཡོད་པ་དང་། རྒྱ་ནག་གི་ཞི་ཨན་གྲོང་ཁྱེར་གཙོས་གྲོང་ཁྱེར་ཁག་ཅིག་ཏུ་ཆམ་རིམས་དེ་ཁྱབ་གདལ་ཤུགས་ཆེར་ཕྱིན་པས་ས་གནས་སྨན་ཁང་ཁག་ཏུ་ཆམ་རིམས་སྨན་རྫོགས་པ་སོགས་ཀྱི་གནས་ཚུལ་བྱུང་ཡོད་འདུག་ལ། ད་ལྟའི་ཆར་རྒྱ་ནག་རྒྱལ་ཡོངས་སུ་ཆམ་རིམས་དེ་ཁྱབ་ཚད་བརྒྱ་ཆ་༦༠ཟིན་ཡོད་པ་དང་། ཞི་ཨན་གྲོང་ཁྱེར་སོགས་སུ་སྲིད་གཞུང་གིས་་རིམས་ནད་འགོག་ཐབས་ཆེད་སྒོ་རྒྱ་བསྡམ་འཆར་ཡོད་སྐོར་བཤད་པར། སྤྱི་ཚོགས་དྲ་ལམ་ཁག་ཏུ་མི་མང་གིས་སྒོ་རྒྱ་བསྡམས་རྒྱུའི་ཐད་ངོ་རྒོལ་བྱས་ཡོད་འདུག
གསར་འགོད་པ། སངས་རྒྱས་དཀོན་མཆོག
རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་མི་ནེ་སོ་ཊ་མངའ་སྡེའི་ནང་བོད་པའི་གྲོང་ཚོ་གསར་རྒྱག་གི་ལས་འཆར་དངོས་སུ་འགོ་བཙུགས་འདུག
- རྒྱལ་སྤྱིའི་བཙན་དབང་འོག་གར་སོང་ཆ་མེད་དུ་གྱུར་བའི་ཉིན་མོ་དང་བསྟུན་བོད་ནང་གི་བོད་མི་མང་པོ་ཞིག་མུ་མཐུད་གར་སོང་ཆ་མེད་དུ་གྱུར་བཞིན་པའི་གནས་སྟངས་གསལ་སྟོན།
- ཨ་རིའི་གཞུང་ཚབ་ཀྱིས། རྒྱ་ནག་གཞུང་གིས་༧གོང་ས་མཆོག་དང་ཡང་ན་གང་ཉིད་ཀྱི་སྐུ་ཚབ་ལྷན་དུ་གྲོས་མོལ་དགོས་པའི་འབོད་སྐུལ་གནང་བ།
- རྒྱ་གར་ཨ་རུ་ན་ཅལ་མངའ་སྡེའི་བློན་ཆེན་པདྨ་མཁའ་འགྲོ་ལགས་བཞུགས་སྒར་དུ་ཆེད་བཅར་གྱིས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་འཆར་ཡོད་པ།
- རྒྱ་ནག་གི་ས་ཁང་ཚོར་གཉེར་ལས་ཁང་དང་མཁའ་ལམ་འགྲུལ་བསྐྱེལ་ལས་ཁང་ཆེ་ཁག་ལ་ལོ་ཕྱེད་ཀྱི་གྱོང་གུད་དེ་ཧ་ཅང་གི་ཆེན་པོ་ཕོགས་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་གིས་ནང་བསྟན་རྒྱ་སྒྱུར་གཞི་རྩར་བཟུང་ནས་རྒྱ་ནག་གི་རྒྱལ་སྤྱིའི་ནང་པའི་བགྲོ་གླེང་ཚོགས་འདུ་ཟེར་བ་ཞིག་འཚོག་འཆར་ཡོད་འདུག
- རྒྱ་ནག་གཞུང་གིས་བོད་མི་ཚོར་ཆོས་ལུགས་ཀྱི་མཚོན་རྟགས་རིགས་སྡོད་ཁང་དང་རི་མགོ་སོགས་སུ་བཀལ་མི་ཆོག་པའི་དམ་དྲག་བྱེད་བཞིན་ཡོད་འདུག
- རྒྱ་ནག་གི་སོ་མྱུལ་བ་ཡིན་པའི་ཉེས་འཛུགས་ཀྱིས་ཨ་རིའི་ནིའུ་ཡོག་ནས་རྒྱ་རིགས་བཟའ་མི་གཉིས་འཛིན་བཟུང་བྱས་འདུག
- སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དངོས་བྱུང་མཛད་རྣམ་གློག་བརྙན་བདེ་སྐྱིད་ཀྱི་ཤེས་རབ་ཅེས་པའི་སྔོན་བརྡའི་བརྙན་ཐུང་ཁྱབ་བསྒྲགས་འགྲེམས་སྤེལ་གནང་འདུག
- བོད་ནང་གི་མཚོ་སྔོན་ཕྱོགས་སུ་དྲག་ཆར་རྐྱེན་གྱིས་ཆུ་ལོག་རྒྱུག་སྟེ་མི་རྒྱུ་གཉིས་ལ་གནོད་སྐྱོན་ཆེན་པོ་ཐེབས་ཡོད་འདུག