༄༅།བཀའ་ཟུར་དཔལ་འབྱོར་ཚེ་རིང་མཆོག་གིས་བརྩམས་བའི་ཁོང་གི་སྐུ་ཚེའི་ལོ་རྒྱུས་༼དངོས་པོ་ཀུན་གྱི་རང་བཞིན་༽ཞེས་པའི་དཔེ་དེབ་དེ་བཞིན་ཕྱི་ཟླ་༨་ཚེས་༡༧་སྟེ་ཉིན་བཞུཌ་སྒར་དྷ་རམ་ས་ལར་པར་སྐྲུན་ཐེངས་གཉིས་པ་དབུ་འབྱེད་གནང་འདུག བོད་སྨྱུག་པར་སྐྲུན་ཁང་གིས་གོ་སྒྲིག་འོག་གོང་ཚེས་ཉིན་བཀའ་ཟུར་དཔལ་འབྱོར་ཚེ་རིང་མཆོག་གིས་ཨིན་ཡིག་ཐོག་བརྩམས་གནང་བའི་ཁོང་གི་སྐུ་ཚེའི་ལོ་རྒྱུས་སྐོར་ཤོག་གྲངས་༢༨༢་བྱས་པའི་དཔེ་དེབ་པར་བསྐྲུན་ཐེངས་གཉིས་པ་དབུ་འབྱེད་དང་འགྲེམས་སྤེལ་དེ་བཞིན་བཞུཌ་སྒར་དྷ་ར་ས་ལའི་བོད་ཀྱི་གསོལ་མགྲོན་ཁང་ནང་གནང་སྐབས་བསྟན་འཛིན་བརྩོན་འགྲུས་ལཌ་ཀྱིས་བོད་སྨྱུག་པར་སྐྲུན་ཁང་དེ་ནི་ཐོག་མར་དྲ་ཐོག་ནས་བཙན་བྱོལ་བོད་མིའི་ན་གཞོན་རྩོམ་པ་པོ་ཚོའི་རྩོམ་ཡིག་འབྲི་སྤེལ་བྱེད་སའི་སྡིངས་ཆ་ཞིག་ཡིན་པ་དང་དེ་སྔ་ཨིན་བོད་གཉིས་ཀྱི་དཔེ་དེབ་༡༣ཙམ་པར་འགྲེམས་ཞུས་པ་དང་བཀའ་ཟུར་དཔལ་འབྱོར་ཚེ་རིང་མཆོག་གིས་བརྩམས་པའི་དཔེ་དེབ་དེ་ནི་བོད་སྨྱུག་པར་བསྐྲུན་ཁང་གིས་པར་བསྐྲུན་ཞུས་པ་ཞིག་མ་ཡིན་པར་རྩོམ་པ་པོ་ཉིད་ཀྱིས་པར་སྐྲུན་གནང་ཟིན་པ་ཞིག་དང་ད་རེས་དཔེ་དེབ་བསྐྱར་དུ་དབུ་འབྱེད་ལ་མཐུན་འགྱུར་ཞུས་སྐོར་གསུངས་འདུག བཀའ་ཟུར་དཔལ་འབྱོར་ཚེ་རིང་མཆོག་གིས་དངོས་པོ་ཀུན་གྱི་རང་བཞིན་ཞེས་པའི་དཔེ་དེབ་དེ་བྲིས་དགོས་དོན་ནི་ཁོང་གིས་བུ་ཕྲུག་ཚོར་སོ་སོའི་མི་ཚེའི་དཀའ་སྡུག་ལོ་རྒྱུས་ཡང་ཡང་བཤད་དེ་དྲན་སྐུལ་གནང་སྟེ་ཕྱི་ལོ་༡༩༨༢ལོ་ཙམ་ནས་ལས་ཞོར་དུ་དེ་སྔའི་གནས་ཚུལ་དྲན་གསོས་ཀྱིས་རགས་ཟིན་གནང་འགོ་བརྩམས་པ་དང་ཕྱི་ལོ་༢༠༠༤ལོར་དཔེ་དེབ་ཟིན་བྲིས་ཡོངས་སུ་ཟིན་ནས་པར་སྐྲུན་ཐེངས་དང་པོ་དེ་ཨོས་ཀྲེ་ལི་ཡར་གནང་ན་ཡང་།ད་རེས་རྒྱ་གར་ནང་གནས་བཞུཌ་བོད་པའི་གཞོན་སྐྱེས་ཚོས་ལྟ་ཀློག་ཡོང་ཕྱིར་པར་སྐྲུན་ཐེངས་གཉིས་པ་གནང་སྐོར་ངོ་སྤྲོད་གནང་འདུག།
