བོད་ནང་གི་རྩོམ་པ་པོ་ནག་པོ་སྐལ་བཟང་ལགས་སྐུ་གྲོངས་འདུག


2018.04.06
བོད་ནང་གི་རྩོམ་པ་པོ་ནག་པོ་སྐལ་བཟང་ལགས། བོད་ནང་གི་རྩོམ་པ་པོ་ནག་པོ་སྐལ་བཟང་ལགས།
Weibo

བོད་ནང་གི་བརྩམས་སྒྲུང་རྩོམ་པ་པོ་ནག་པོ་སྐལ་བཟང་ལགས་དགུང་ལོ་རེ་གསུམ་ཐོག་སྐུ་གྲོངས་འདུག
དེ་ཡང་སྤྱི་ཚེས ༤་ཉིན། བོད་ཀྱི་བརྩམས་སྒྲུང་རྩོམ་པ་པོ་དང་། རྩོམ་རིག་དཔྱད་བརྗོད་པ་གངས་རྒྱན་ན་ཆུང་ཚགས་པར་གྱི་རྩོམ་སྒྲིག་པ་ཟུར་པ་ནག་པོ་སྐལ་བཟང་ལགས་སྐུ་གྲོངས་ཡོད་འདུག
ཁུངས་ལྡན་གནས་ཚུལ་ལྟར་ན། རྩོམ་པ་པོ་ནག་པོ་སྐལ་བཟང་ལགས་ནི་ ༡༩༥༥ ལོར་རེབ་གོང་གླིང་རྒྱ་སྡེ་བར་སྐྱེས་ཤིང་། ༡༩༨༢ ལོར་མཚོ་སྔོན་མི་རིགས་སློབ་གྲྭ་ཆེན་མོ་ནས་སློབ་མཐར་ཕྱིན་རྗེས། མཚོ་སྔོན་མི་རིགས་དཔེ་སྐྲུན་ཁང་དུ་རྩོམ་སྒྲིག་པའི་ལས་དོན་བསྒྲུབས་ཡོད་པ་དང་། ཁོང་གིས་བོད་ཡིག་གི་ལམ་ནས་༼   བྲེད་ཤ་ལངས་པའི་མཚར་གཏམ་  ༽  སོགས་སྒྲུང་ཐུང་དང་དཔྱད་རྩོམ་བཅུ་ལྷག་སྤེལ་ཡོད་པ་མ་ཟད། སྒྲུང་རིང་༼    ཀླུ་འབུམ་མི་རྒོད་༽   དང ༼   མྱལ་ཟངས་ནང་ན་ཀུ་རེ་མེད་   ༽   ཞེས་པ་སོགས་པར་བསྐྲུན་གནང་ཡོད་འདུག དེ་བཞིན་རྒྱ་ཡིག་གི་ལམ་ནས་༼    བོད་མིའི་བྱུང་བ་བརྗོད་པ  ༽   དང༼   བོད་ཀྱི་མི་གྲངས།༽     ༼   གླིང་རྗེ་གེ་སར་རྒྱལ་པོ༽   སོགས་དཔྱད་རྩོམ་མང་པོ་བརྩམས་པ་མ་ཟད། ཁོང་གི་བརྩམས་ཆོས་ཁག་ཅིག་ལ་རྒྱ་ནག་རྒྱལ་ཡོངས་རང་བཞིན་གྱི་བྱ་དགའ་མང་པོ་ཐོབ་ཡོད་པ་རེད། ལྷག་པར་ཀླུ་འབུམ་མི་རྒོད་ཅས་པའི་བརྩམས་སྒྲུང་དེ་བོད་ཀྱི་དྲག་རྩལ་བརྩམས་སྒྲུང་ཐོག་མ་ངོས་འཛིན་བྱས་ཡོད་པ་རེད།
བོད་ཕྱི་ནང་གཉིས་ཀྱི་སྤྱི་ཚོགས་བརྒྱུད་ལམ་ཁག་ཏུ་ཤེས་ཡོན་པ་དང་། ལྷག་པར་དུ་རྩོམ་པ་པོ་མང་པོས་ཁོང་གི་བརྩམས་ཆོས་ལ་བགྲོ་གླེང་དང་མྱ་ངན་གུས་འདུད་ཞུ་བཞིན་འདུག

གསར་འགོད་པ་སྟག་ལྷ་རྒྱལ།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཕྲོད་བཞེས་སྤྱིའི་ཆ་ནས་ཧ་ཅང་ཡག་པོ་ཡོད་པ་སྲིད་སྐྱོང་མཆོག་གིས་གསུངས་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིའི་གསང་བའི་ལས་ཁུངས་ཀྱིས་དེ་སྔ་བོད་དམག་ཚོར་གསང་བའི་དམག་སྦྱོང་སྤྲོད་ཡུལ་དངོས་རྩད་ཆོད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎