ཨ་རིའི་རྒྱལ་ས་ཝ་ཤིང་ཊོན་དུ་ཨ་རིའི་སྲིད་འཛིན་དབུས་ཨ་རིའི་གཞུང་གི་གནད་ཡོད་དཔོན་རིགས་ཁག་དང་། ཕྱི་རྒྱལ་ཡུལ་གྲུ་ཁག་གི་གཞུང་ཚབ་པ། ཆོས་ལུགས་འདྲ་མིན་གྱི་སྐུ་ཚབ་སོགས་ཆེད་ཕེབས་གནང་པའི་ཨ་རིའི་རྒྱལ་ཁབ་ཀྱི་སྨོན་ལམ་གསོལ་འདེབས་ཀྱི་གལ་ཆེའི་འདུ་འཛོམས་ཐོག། ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་ནེན་སི་པེ་ལོ་སི་མཆོག་གིས་སྤྱིར་འཛམ་གླིང་ནང་སོ་སོའི་ཆོས་ལུགས་ཉམས་ལེན་བྱས་པའི་རྐྱེན་གྱིས་མི་ས་ཡ་མང་པོ་གར་སོང་ཆར་མེད་དུ་སོང་བ་དང་དམར་བསད་བཏང་པ་སོགས་དཀའ་སྡུག་མྱོང་བཞིན་པའི་འགྲོ་བ་མི་སྤྱི་དང་བྱེ་བྲག་ཏུ་ཀུན་གཟིགས་པཎ་ཆེན་རིན་པོ་ཆེ་དང་དེ་བཞིན་བོད་ནང་གི་བོད་མི་རང་རང་སོ་སོའི་ཆོས་ལུགས་རྗེས་སུ་བགྲང་པའི་རྐྱེན་གྱིས་བཙོན་དུ་ཚུད་པ་དང་གར་སོང་ཆར་མེད་དུ་གྱུར་བ་རྣམས་ཀྱི་ཆེད་ཐུགས་སྨོན་གནང་ཡོད་པ་རེད། ཨ་རིའི་རྒྱལ་ཡོངས་ཀྱི་སྔ་དྲོའི་ཐུགས་སྨོན་གསོལ་འདེབས་འདི་ནི་ལོ་ལྟར་ཨ་རིའི་སྲིད་འཛིན་དབུ་ཞུགས་ཐོག་གནང་སྲོལ་ཡོད་ལ།
ཕྱི་ལོ་༢༠༡༥ལོར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཆེད་དུ་གདན་ཞུས་ལྟར་ཆིབས་བསྒྱུར་བསྐྱངས་པ་དང་། དེ་བཞིན་ཚོགས་གཙོ་མཆོག་གིས་རྒྱ་ནག་གིས་བཙོན་དུ་བཅུག་པ་ཝི་གུར་བ་མི་གྲངས་ས་ཡ་གཅིག་ནས་གསུམ་ཡོད་པ་དེ་དག་གི་ཆེད་དུ་ཡང་ཐུགས་སྨོན་གནང་ཡོད་པ་རེད།
US Speaker Pelosi prays for Panchen Rinpoche and political prisoners at National Prayer breakfastཨ་རིའི་གྲོས་ཚོགས་ཀྱི་ཚོགས་གཙོས་པཎ་ཆེན་རིན་པོ་ཆེ་དབུས་བོད་མི་བཙོན་པ་ཚོར་ཐུགས་སྨོན་གནང་པ། House Speaker Nancy Pelosi prayed for the Panchen Lama and other Tibetan religious prisoners at the National Prayer Breakfast on Feb. 6, 2020 while President Trump closed his eyes and bowed his head in prayer.
Posted by Rfa Tibetan on Thursday, February 6, 2020