ལས་ཁུངས་ཁག་སྒོ་རྒྱབ་ནས་གཞུང་འབྲེལ་མྱ་ངན་གནང་འདུག

2014-12-18
གློག་འཕྲིན།
མཆན།
Share
པར་བཀོད།

དབུས་བོད་མིའི་སྒྲིག་འཛུགས་ནས་སངས་རྒྱས་མཁར་ལགས་ཀྱི་ཆེད་དུ་མཆོད་འབུལ་སྨོན་ལམ་གནང་ཡོད་པ།
དབུས་བོད་མིའི་སྒྲིག་འཛུགས་ནས་སངས་རྒྱས་མཁར་ལགས་ཀྱི་ཆེད་དུ་མཆོད་འབུལ་སྨོན་ལམ་གནང་ཡོད་པ།
ཨེ་ཤེ་ཡ་རང་དབང་རླུང་འཕྲིན་ཁང༌། འཇིགས་མེད་སྙན་གྲགས།
རང་ལུས་མེར་བསྲེགས་ཀྱིས་སྐུ་གྲོངས་བར་བོད་མིའི་སྒྲིག་འཛུགས་ཀྱི་ལས་ཁུངས་ཁག་སྒོ་རྒྱབ་ནས་གཞུང་འབྲེལ་མྱ་ངན་མཆོད་འབུལ་གནང་འདུག དེ་ཡང་༢༠༡༤ཟླ་༡༢་ཚེས༡༦དགའ་ལྡན་ལྔ་མཆོད་ཉིན་གྱི་སྔ་མོར་བོད་ནང་གི་ཆུ་ཚོད་༩པ་ཙམ་ལ་མདོ་སྨད་ཀན་ལྷོ་ཁུལ་བླ་བྲང་བསང་ཆུ་རྫོང་ཨ་མཆོག་ཁྱུང་རུ་ཐང་ཡུལ་ཚོ་ནས་ཡིན་པའི་ཕ་དབང་ལོ་དང་། མ་གཡུ་སྒྲོན་གཉིས་ཀྱི་བུ་སངས་རྒྱས་མཁར་ལགས་ཀྱིས་ས་གནས་ཨ་མཆོག་ཡུལ་ཚོའི་ཉེན་རྟོག་ལས་ཁུངས་ཀྱི་སྒོ་འགྲམ་དུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་མེ་ལྕེ་ཆེན་པོའི་ཁྲོད་སྐུ་གྲོངས་ཡོད་པ་དང་། བོད་མིའི་སྒྲིག་འཛུགས་ཀྱི་བཀའ་ཤག་གི་བཀའ་འབྲེལ་འོག་ཕྱི་ལོ་༢༠༡༤་ལོའི་ཟླ ༡༢་ཚེས་༡༨རེས་གཟའ་ཕུར་བུའི་ཉིན་ཆོས་རིག་ལས་ཁུངས་ནས་གོ་བསྒྲིགས་གནང་ཐོག་སྤྱིར་རྒྱལ་གཅེས་པ་ཁོང་གིས་གཙོས་ད་བར་བོད་བསྟན་སྲིད་དང་མི་རིགས། རང་དབང་གི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་གྱི་རྒྱལ་གཅེས་པ་ཕོ་མོ་འདས་སོན་ཡོངས་ལ་གཞུང་ཕྱོགས་ནས་གདུང་སེམས་མཉམ་སྐྱེའི་མྱ་ངན་རྗེས་དྲན་ཞུ་ཆེད་གོང་ཚེས་གྱི་ཕྱི་དྲོའི་ཚོུད་༤་པ་ནས་ལས་ཁུངས་ཁག་སྒོ་བརྒྱབ་ཏེ་རྡ་ས་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔའི་དྲུང་དུ་མཆོད་སྤྲིན་སྣ་ལྔ་འབུལ་གཤོམ་དང་འབྲེལ་མཆོད་འབུལ་སྨོན་ལམ་གྱི་ཚོགས་མགོན་དུ་རྣམ་གྲ་སློབ་དཔོན་ཟུར་པ་ངག་དབང་བཀྲ་ཤིས་ལགས་དབུ་ཞུགས་ཐོག་སྲིད་ཚབ་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་དབུས་མང་གཙོིའི་ཀ་བ་གསུམ་ གྱི་མཛད་གཙོ་རྣམ་པ་དང་སྤྱི་འཐུས། ལས་བྱེད། དགེ་བཙུན་སྔགས་གསུམ། མི་མང་དང་སློབ་ཕྲུག་ཕྱི་རྒྱལ་བ་སོགས་ཁྱོན་མི་གྲངས་བརྒྱ་ཕྲག་བརྒལ་བ་འདུ་འཛོམས་ཀྱིས་སྨོན་ལམ་གསུང་འདོན་གནང་འདུག

གསར་འགོད་པ་འཇམ་དཔལ་ཕུན་ཚོགས།

དེ་བཞིན་ཚེས༡༦ཉིན་སངས་རྒྱས་མཁར་ལགས་ཀྱིས་ཆེད་བཞུགས་སྒར་དུ་བོད་མི་ཚོས་ཁོང་ལ་གདུང་སེམས་མཉམ་བསྐྱེད་མཚོན་ཆེད་དུ་མར་མེ་ཁྲོམ་སྐོར་གྱི་ལས་འགུལ་ཞིག་སྤེལ་གནང་ཡོད་པའི་སྐོར། འདི་གའི་གསར་འགོད་པ་ཨོ་རྒྱན་བསྟན་འཛིན་ལགས་ཀྱིས་ས་གནས་ནས་བཏང་བའི་གནས་ཚུལ་ལ་གསན་རོགས།

མཆན། (0)
Share
དྲ་གནས་ཆ་ཚང༌།