ཚའེ་དབྱིན་ལྦན་གྱིས་༢༠༡༦ལོར་སླར་ཡང་འགྲན་རྩོད་ནང་ཞུགས་རྒྱུ།

ཐའེ་ལྦན་གྱི་དམངས་གཙོ་ཡར་ཐོན་ཚོགས་པའི་སྲིད་འཛིན་འོས་མི་ཚའེ་དབྱིན་ལྦན་གྱིས་སྤྱི་༢༠༡༦་ལོར་སླར་ཡང་འགྲན་རྩོད་བྱེད་རྒྱུ་རེད་འདུག

2012.01.28

༄༅༎ཐའེ་ལྦན་གྱི་སྲིད་འཛིན་འགྲན་རྩོད་ནང་ཕམ་ཉེས་བྱུང་བའི་དམངས་གཙོ་ཡར་ཐོན་ཚོགས་པའི་སྲིད་འཛིན་འོས་མི་ཚའེ་དབྱིན་ལྦན་གྱིས་རྒྱབ་སྐྱོར་གནང་མཁན་དང་ངོ་ཐུག་གིས་སྤྱི་༢༠༡༦་ལོར་སླར་ཡང་འགྲན་རྩོད་བྱེད་རྒྱུ་རེད་འདུག
སྤྱི་༢༠༡༢་ལོའི་ཐའེ་ལྦན་གྱི་སྲིད་འཛིན་འོས་འདེམས་ནང་ཕམ་ཉེས་བྱུང་བའི་དམངས་གཙོ་ཡར་ཐོན་ཚོགས་པའི་ཚོགས་གཙོ་ཚའེ་དབྱིན་ལྦན་གྱིས་སྲིད་འཛིན་འོས་འདེམས་ལ་ཞུགས་པར་གྱོད་སེམས་མི་འདུག ཁོང་རང་གི་ཚོགས་པས་ངེས་པར་དུ་མུ་མཐུད་རྣམ་པ་གསར་བསྒྱུར་བྱེད་དགོས་པ་ཡིན་ཞེས་གསུངས་བ་དང་། ད་དུང་ཁོང་གིས་་རྒྱབ་སྐྱོར་བྱེད་མཁན་ཚོར་དམངས་གཙོ་ཡར་ཐོན་ཚོགས་པར་ད་ལམ་སྲིད་འཛིན་འོས་འདེམས་ནང་དམངས་གཙོ་ཡར་ཐོན་ཚོགས་པར་སྤྱིའི་འོས་ཤོག་ཐོབ་ཚད་ལ་འཕར་སྣོན་བྱུང་བ་དང་། གྲོས་ཚོགས་ཀྱི་ཚོགས་མིའི་རྐུབ་སྟེགས་མང་རུ་ཕྱིན་པ། འཐབ་རྩོད་རུ་ཁག་གི་རྣམ་པ་ལྷུ་ཞིག་མེད་པས་གང་ལྟར་ང་ཚོས་མུ་མཐུད་འབད་བརྩོན་བྱས་པ་ཡིན་ན་ལོ་བཞིའི་རྗེས་རྒྱལ་ཁ་ཐོབ་ཐུབ་པ་ཡོང་གི་རེད་ཅེས་རྣམ་པ་བསྟན་འདུག འདི་ལོའི་ཐའེ་ལྦན་གྱི་སྲིད་འཛིན་གྱི་འོས་འདེམས་ནང་ཚའེ་དབྱིན་ལྦན་མ་གཞི་མཐའ་མཇུག་འོས་གྲངས་འབུམ་བརྒྱད་ཀྱི་བར་ཁྱད་ཤོར་ཏེ་གོ་མིང་ཏང་གི་སྲིད་འཛིན་འོས་མི་མའ་དབྱིན་ཅུའུ་སླར་ཡང་སྲིད་འཛིན་དུ་འོས་འདེམས་བྱུང་བ་རེད། སྲིད་འཛིན་འོས་འདེམས་ལ་ཕམ་ཉེས་བྱུང་རྗེས་ཁོང་གིས་དམངས་གཙོ་ཡར་ཐོན་ཚོགས་པའི་ཚོགས་གཙོ་ནས་དགོངས་པ་ཞུས་ཏེ་ཕམ་ཉེས་བྱུང་བའི་འགན་ཁུར་ལེན་བྱས་ཤིང་། འོན་ཀྱང་མང་ཚོགས་ཀྱིས་ཁོང་མུ་མཐུད་ཚོགས་གཙོའི་འོས་འགན་ཁུར་ལེན་བྱེད་དགོས་པའི་རེ་བ་བཏོན་པ་དེའི་ཐོག་ནས་ཚའེ་དབྱིན་ལྦན་ལ་གཞི་རིམ་ཚོགས་མིའི་སེམས་ནང་སྙན་གྲགས་གོ་གནས་དེ་ར་འཕྲོད་ཐུབ་ཀྱི་ཡོད་པ་རེད།   ད་རེས་སྲིད་འཛིན་འོས་འདེམས་ནང་ཚའེ་དབྱིན་ལྦན་གྱིས་མཚོ་འགག་གཉིས་བར་འབྲེལ་བའི་ཐད་ཁ་གསལ་པོ་མ་བྱུང་བ་དང་། སྤྱི་ཚོགས་ཀྱི་ཕན་བདེའི་སྲིད་ཇུས་འཛིན་སྟངས་ཐད་འོས་མིའི་བློ་སེམས་བཀུགས་ཐུབ་པ་བྱུང་མེད་པ་ཉམས་ཞིབ་པས་དཔྱད་བརྗོད་སྤེལ་ཡོད་པ་རེད༎

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
རྒྱ་ནག་གཞུང་གིས་བཙན་ཤེད་ཀྱིས་བོད་མི་རྣམས་ས་གནས་གཞན་དུ་གནས་སྤོར་བྱེད་དུ་འཇུག་བཞིན་པ་ཐེར་འདོན་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎