བོད་ནས་གསར་འབྱོར་བ་༡༣༠༠་ཙམ་གྱིས་ས་ཁང་ཐོབ་རེ་ཆེད་ཐོ་འགོད་བྱས་འདུག

ད་ལོའི་དངུལ་རྩིས་ནང་ཧིན་སྒོར་ས་ཡ་༥༠དམིགས་བསལ་བོད་ནས་གསར་དུ་འབྱོར་མཁན་ཚོའི་ཆེད་དུ་བཞག་ཡོད་ཅེས་ནང་སྲིད་བཀའ་བློན་མཆོག་གིས་གྲོས་ཚོགས་ནང་གསུངས་འདུག
དེ་ཡང་བོད་མའི་སྒྲིག་འཛུགས་ཀྱི་ཁྱབ་ཁོངས་ནང་སྲིད་ལས་ཁུངས་ལ་ད་ལྟ་ཐོ་རྒྱབ་བཞག་པའི་གསར་འབྱོར་དུད་ཚང་༡༣༠༠ ལྷག་ཙམ་ཡོད་འདུག་པ་དང་། དེའི་ནང་རྒྱ་གར་བྱང་ཕྱོགས་རྡེ་རྭ་རྡུན་ཁུལ་དུ་དུད་ཚང་༡༥༠ ཙམ་དང་། རྒྱ་གར་རྒྱལ་ས་ལྡི་ལི་ཁུལ་དུ་༡༤༠ ཙམ། དེ་བཞིན་བཞུགས་སྒར་རྡ་རམ་ས་ལར་གཙོས་པའི་མཚོ་པདྨ་ཁུལ་དུ་དུད་ཚང་༩༠༠ཙམ་ཡོད་པ་ཚང་མ་ལ་སྡོད་གནས་དང་ས་ཞིང་ཐོབ་ཐབས་སུ་འབད་བརྩོན་གནང་བཞིན་ཡོད་པ་ནང་སྲིད་བཀའ་བློན་མཆོག་བསོད་ནམས་སྟོབས་རྒྱལ་ལགས་ཀྱིས་སྤྱི་འཐུས་གྲོས་ཚོགས་སུ་སྤྱི་འཐུས་ཤིག་གི་དྲི་བའི་ལན་འདེབས་སུ་གསུངས་ཡོད་པ་རེད།
ཕྱི་ཟླ་ ༣ ཚེས་ ༢༨ ཉིན་སྤྱི་འཐུས་བློ་བཟང་གྲགས་པ་ལགས་ཀྱིས་ང་ཚོ་བོད་ནས་གསར་དུ་འབྱོར་བ་ཞེས་གང་ཟང་དང་པོའི་མང་ཚིགས་ཀྱི་ངོ་བོའི་ཐོག་ནས་བཙན་བྱོལ་ནང་སོ་སོའི་མགོ་འཛུལ་སའི་ཁང་པ་ཙམ་ཡང་མེད་པ་སོགས་ཀྱི་དཀའ་ངལ་ཡོད་པ་གསུངས་ཤིང་།  ནང་སྲིད་བཀའ་བློན་མཆོག་གིས་བོད་ནས་གསར་དུ་ཕེབས་མཁན་བོད་མི་སུ་འདྲ་ཞིག་ཡིན་རུང་ཚང་མ་ལ་ད་ལྟ་བར་དུ་འཐུན་འགྱུར་རོགས་རམ་གནང་དང་གནང་མུས་ཡིན་པ་གསུངས་པར་མ་ཟད། བོད་མིའི་སྒྲིག་འཛུགས་ཀྱིས་བོད་མི་ཚང་མར་གོ་སྐབས་འདྲ་མཉམ་གྱིས་འཐུས་སྦྱོར་རོགས་རམ་གནང་ཡོད་པ་དང་།  སྤྱི་འཐུས་གྲོས་ཚོགས་ནང་ང་ཚོ་གསར་འབྱོར་དང་ཁོང་ཚོའམ་གསར་འབྱོར་ཞེས་ཐ་སྙད་དེ་བེད་སྤྱོད་མ་གཏོང་གནང་མི་ཡོང་བའི་འབོད་སྐུལ་གནང་འདུག