བོད་རྒྱའི་དཀའ་རྙོག་སེལ་ཐབས་ཆེད་རྒྱབ་སྐྱོར་གནང་རོགས།
2017.01.24
ཨ་རིའི་སྲིད་འཛིན་ཞེ་ལྔ་བ་ཌོ་ནལཌ་ཏྲ་རམཔ་(Donald Trump)མཆོག ༢༠༡༧
AFP
སྤྱི་འཐུས་ཚོཊ་གཙོ་མཆོག་གིས་ཨ་རིའི་སྲིད་འཛིན་གསར་བར་འཚམས་འཕྲིན་ཕུལ་ནས་བོད་རྒྱའི་དཀའ་རྙོག་སེལ་ཐབས་ཆེད་རྒྱབ་སྐྱོར་གནང་རོགས་ཞུས་འདུག
འདི་ཚེས་༢༠་ཉིན་སྐུ་ཞབས་ཌོ་ནལཌ་ཏྲ་རམཔ་(Donald Trump)་མཆོག་གིས་ཨ་རིའི་སྲིད་འཛིན་ཞེ་ལྔ་བའི་ལས་ཁུར་དམ་འབུལ་ཞུས་པར་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་ཁོང་ལ་འཚམས་འཕྲིན་ཕུལ་འདུག
དེ་ཡང་འཚམས་འཕྲིན་དེའི་ནང༌། རྒྱ་ནག་གིས་བོད་ས་བཙན་བཟུང་བྱས་པ་ནས་བཟུང་། འཚེ་མེད་ཞི་བའི་ལྟ་གྲུབ་ལ་གཞི་བཅོལ་བའི་བོད་མིའི་འཐབ་རྩོད་ལ་ཨ་རིའི་གཞུང་དམངས་གཉིས་ཀྱིས་རྒྱབ་སྐྱོར་ཤུགས་ཆེ་གནང་དང་གནང་མུས་ཡིན་པ་མ་ཟད། བོད་མི་རྣམས་ཀྱིས་སོ་སོའི་ཐུན་མོང་མ་ཡིན་པའི་ངོ་བོ་སྲུང་སྐྱོབ་ཀྱི་མངོན་འདོད་ལ་རྒྱབ་སྐྱོར་གནང་སླད། ཨ་རིའི་གྲོས་ཚོགས་ནས། ཕྱི་ལོ་༢༠༠༢་ལོའི་བོད་དོན་སྲིད་བྱུས་ཀྱི་ཁྲིམས་ཡིག་ཅེས་པ་གཏན་འབེབས་གནང་ཡོད་པ་མ་ཟད། ལྷག་པར་ཕྱི་ལོ་༢༠༠༧་ལོར་ཨ་རིའི་གྲོས་ཚོགས་ཀྱིས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་གསེར་གྱི་རྟགས་མ་འབུལ་ལམ་ཞུས་ཡོད། དེ་ནི་གཙོ་བོ་༧གོང་ས་མཆོག་གིས་འཛམ་གླིང་ཁྱོན་ཡོངས་སུ་ཆོས་ལུགས་མཐུན་སྒྲིལ་གོང་སྤེལ་དང་། འགྲོ་བ་མིའི་ཐོབ་ཐང་སྲུང་སྐྱོབ་ཆེད་ཐུགས་ཁུར་ཧ་ཅང་ཆེན་པོ་མཛད་བཞིན་པ་དང་། དེ་བཞིན་རྒྱ་ནག་གི་འགོ་ཁྲིད་དང་ལྷན་དུ་འཚེ་མེད་ཞི་བའི་གྲོས་མོལ་གྱི་ལམ་ནས་བོད་ཀྱི་དཀའ་རྙོག་སེལ་ཐབས་མཛད་བཞིན་པའི་མཛད་རྗེས་ལ་ངོས་འཛིན་ཞུས་པ་ཞིག་ཆགས་ཡོད། འདས་པའི་ལོ་ངོ་༦༦་རིང་ནས་རྒྱ་ནག་གཞུང་གིས་བོད་ནང་བཅིངས་གྲོལ་དང་འཛུགས་སྐྲུན་ཡར་རྒྱས་ཧ་ཅང་ཆེན་པོ་བཏང་ཡོད་སྐོར་ཤོད་ཀྱི་ཡོད་ཀྱང༌། དོན་དངོས་ཐོག་བོད་མིའི་ཆབ་སྲིད་ཀྱི་རང་དབང་ཐོག་དམ་བསྒྲགས་ཚོད་འཛིན་ཤུགས་ཆེ་བྱེད་བཞིན་པར་བརྟེན། ཕྱི་ལོ་༢༠༠༩་ལོ་ནས་བཟུང་ད་བར་བོད་ནང་གི་བོད་མི་༡༤༥་ཡིས་རྒྱ་ནག་གཞུང་གི་བོད་མིའི་ཐོག་འཛིན་བཞིན་པའི་དམ་བསྒྲགས་ཅན་གྱི་སྲིད་བྱུས་ལ་ཞི་རྒོལ་དང་། བོད་ནང་རང་དབང་སླར་གསོ་དགོས་པ་དང་། ༧གོང་ས་མཆོག་བོད་ལ་གདན་འདྲེན་ཞུ་དགོས་པ་སོགས་དགོས་འདུན་འདོན་བཞིན་དུ་རང་ལུས་མེར་སྲེག་བཏང་ཡོད།
ཨ་རིའི་སྲིད་འཛིན་རིམ་བྱོན་གྱིས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དང་མཇལ་འཕྲད་གནང་ཡོད་པ་དང་། མཇལ་འཕྲད་དེ་དག་སྐབས་ཨ་རི་གཞུང་གིས་རྒྱ་ནག་གཞུང་ལ་བོད་རྒྱ་གྲོས་མོལ་བསྐྱར་གསོ་དགོས་པའི་དགོས་འདུན་ཡང་བཏོན་ཡོད། དེར་བརྟེན་སྐུ་ཉིད་མཆོག་ནས་ཀྱང་སྲིད་འཛིན་གྱི་ལས་ཡུན་རིང་དེ་སྔའི་ལམ་སྲོལ་ལྟར་མུ་མཐུད་བོད་རྒྱའི་དཀའ་རྙོག་སེལ་ཐབས་ཆེད་རྒྱབ་སྐྱོར་གནང་རོགས་ཞེས་འཁོད་ཡོད་འདུག།
གསར་འགོད་པ་ངག་དབང་ཆོས་འཕེལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཀརྨ་ཚེ་བརྟན་བོད་རང་སྐྱོང་ལྗོངས་མི་མང་སྲིད་གཞུང་གི་འགོ་གཙོའི་ལས་ཚབ་ཏུ་བསྐོ་གཞག་བྱས་ཡོད་འདུག
- རྒྱ་ནག་གཞུང་གིས་པེ་ཅིན་བོད་བརྒྱུད་ནང་བསྟན་སློབ་གླིང་གི་དགེ་འདུན་པ་ཚོར་ཏཱ་ལའི་བླ་མ་དང་ཁ་བྲལ་བར་འབྲེལ་བ་གཏན་གཅོད་དགོས་པའི་ཚོགས་འདུ་བསྐོངས་ཡོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཀོ་རི་ཡའི་དད་ལྡན་པ་ཁག་ཅིག་ལ་མཇལ་ཁ་སྩལ་གནང་ཡོད་པ།
- ཧྥ་རན་སིའི་ནང་གི་བོད་རིགས་ཚོས་འཛིན་གྲྭ་བཅུ་གཉིས་ཀྱི་ཡིག་རྒྱུགས་ནང་བོད་ཡིག་བཅུག་དགོས་པའི་ཐད་ཧྥ་རན་སིའི་ཤེས་རིག་ལས་ཁུངས་ལ་སྙན་གསན་ཕུལ་ཡོད་པ།
- བལ་ཡུལ་གྱི་སྲིད་བློན་གྱིས་རྒྱ་ནག་ནང་འཚམས་གཟིགས་སྐབས་ཀྱི་གྲོས་རིམ་ཁྲོད་བོད་ཀྱི་ས་མཚམས་དང་འབྲེལ་བའི་བདེ་འཇགས་སྐོར་གྱི་གྲོས་མཐུན་ཚུད་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་མཇལ་བཅར་བ་༢༠༠་ཙམ་ལ་མཇལ་ཁ་སྩལ་གནང་བ།
- ཐུན་མོང་གི་གཞི་རྟེན་འཚོལ་བའི་ཚོགས་འདུའི་ཁྲོད་ཨ་རིའི་བོད་དོན་ཁྲིམས་ཡིག་དང་དེའི་ཁ་ཕྱོགས་སྐོར་བགྲོ་གླེང་གནང་ཡོད་པ།
- རྡ་ས་ས་གནས་འགོ་འཛིན་ལས་ཁུངས་ཀྱི་ཁོར་ཡུག་ཚན་པ་གསར་འཛུགས་གནང་ནས་ལོ་ངོ་ ༣༠ འཁོར་བའི་དུས་དྲན་སྲུང་བརྩི་གནང་པ།
- རྡོ་ལ་དྷར་རི་རྒྱུད་ཀྱི་འཁྱགས་རོམ་བཞུར་ཚད་མགྱོགས་སུ་འགྲོ་བཞིན་པ་དེས་རྡ་ས་ནི་ཆུ་ལོག་འབྱུང་ཉེན་ཆེ་བའི་གནས་ཤིག་ཏུ་གྱུར་ཡོད་པ། ཉམས་ཞིབ་པས་འགྲེལ་བརྗོད་གནང་གི་འདུག
- བོད་མི་རྣམས་ནས་གོ་སྐབས་ནམ་བྱུང་ལ་བོད་དོན་དྲིལ་བསྒྲགས་གནང་གལ་ཆེ་བ་ཡིན་ཞེས། སྲིད་སྐྱོང་མཆོག་གིས་མོན་གྷོ་འདོད་རྒུ་གླིང་གི་མི་མང་་ལ་གསུངས་པ།