ཨ་རིའི་གཞུང་ཚབ་ཀྱིས། རྒྱ་ནག་གཞུང་གིས་༧གོང་ས་མཆོག་དང་ཡང་ན་གང་ཉིད་ཀྱི་སྐུ་ཚབ་ལྷན་དུ་གྲོས་མོལ་དགོས་པའི་འབོད་སྐུལ་གནང་བ།

ཉེ་འཆར་རྒྱ་གར་གྱི་རྒྱལ་ས་ལྡི་ལིའི་ནང་ཡོད་པའི་ཨ་མི་རི་ཀའི་གཞུང་ཚབ་ལས་ཁང་གི་མགྲིན་ཚབ་པ་བཞུགས་སྒར་རྡ་རམ་ས་ལར་ཆེད་ཕེ༷བས་ཀྱིས་རྒྱ་ནག་གཞུང་གིས་སྔོན་འགྲོའི་ཆ་རྐྱེན་གང་ཡང་མེད་པར་བོད་ཀྱི་བླ་ན་མེད་པའི་དབུ་ཁྲིད་༸གོང་ས་ཏཱ་ལའི་བླ་མ་མཆོག་དང་ཡང་ན་གང་ཉིད་ཀྱི་སྐུ་ཚབ་རྣམ་པའི་ལྷན་གྲོས་མོལ་འགོ་འཛུགས་གནང་དགོས་པའི་འབོད་བསྐུལ་གནང་ཡོད་པ་རེད་འདུག    དེ་ཡང་ཁ་ཉིན་ཕྱི་ཚེས་ ༢༨ ཉིན་རྒྱ་གར་གྱི་རྒྱལ་ས་ལྡི་ལིའི་ནང་བརྟེན་གཞི་བྱས་པའི་ཨ་མི་རི་ཀའི་གཞུང་ཚབ་ལས་ཁང་གི་མགྲིན་ཚབ་པ་སྐུ་ཞབས་ Christopher Elms བཞུགས་སྒར་དུ་ཆེད་ཕེབས་ཀྱིས་རྒྱ་གར་གྱི་ ANI ཞེས་པའི་གསར་འགྱུར་ལས་ཁང་དེའི་གསར་འགོད་པ་ཞིག་ལ།  ཁྱེད་རང་གིས་མཁྱེན་གསལ་བཞིན་འདི་ལོའི་ཕྱི་ཟླ་དྲུག་པའི་ནང་ཨ་མི་རི་ཀའི་གྲོས་ཚོགས་ཀྱིས་རྒྱ་བོད་དཀའ་རྙོག་སེལ་རྒྱུའི་ཁྲིམས་འཆར་གཏན་འཁེལ་གནང་བ་དེ་རྗེས་སུ་ཕྱི་ཟླ་བདུན་པའི་ནང་སྲིད་འཛིན་ Joe Biden མཆོག་གིས་མཚན་རྟགས་བཀོད་གནང་ཡོད་པ་རེད།

ངོས་རང་གིས་ཨ་མི་རི་ཀའི་གྲོས་ཚོགས་ཀྱི་ཚབ་བྱེད་ཐུབ་ཀྱི་མ་རེད་   ཡིན་ནའང་ངོས་རང་གིས་ཨ་མི་རི་ཀའི་གཞུང་འཛིན་དང་སྲིད་འཛིན་ Biden མཆོག་གིས་ཚབ་ཞུས་ནས་ཁྲིམས་ཡིག་དེའི་འཚོར་སྣང་དེར་མོས་མཐུན་གྱིས་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་གནང་དགོས་ཞེས་གསུངས་འདུག    དེ་བཞིན་ཨ་མི་རི་ཀའི་གཞུང་གིས་དཔོན་རིགས་དེས་ཨ་མི་རི་ཀའི་གཞུང་གིས་བོད་དེ་ས་ཁམས་ཆབ་སྲིད་ཀྱི་ངོ་བོ་ཅིག་ལ་ངོས་འཛིན་ཐོག་བོད་རང་སྐྱོང་གི་མངའ་ཁུལ་དང་རྒྱ་ནག་གི་ཞིང་ཆེན་ཁག་གི་ཆ་ཤས་སུ་བཅུག་པའི་བོད་པའི་མངའ་ཁུལ་དེ་དག་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་མངའ་ཁོངས་སུ་གཏོགས་པའི་ངོས་འཛིན་དེ་མུ་མཐུད་ནས་ཞུ་གི་ཡོད་   གང་ལྟར་ཡང་ང་ཚོས་ལོ་མང་སྔོན་ནས་འབོད་བསྐུལ་ཞུས་པ་བཞིན་གོམས་སྟབས་རྗེས་མ་དེ་རྒྱ་ནག་དང་༸གོང་ས་ཏཱ་ལའི་བླ་མ་མཆོག་དང་གང་ཉིད་ཀྱི་སྐུ་ཚབ་རྣམ་པའི་བར་ཐད་ཀར་གྲོས་མོལ་གནང་རྒྱུ་དེ་ཡིན་པ་རེད་ཅེས་སོགས་གོང་ཞུས་རྒྱ་གར་ནང་ཡོད་པའི་ཨ་མི་རི་ཀའི་གཞུང་ཚབ་ལས་ཁང་གི་མགྲིན་ཚབ་པ་དེས་བརྗོད་ཡོད་པ་རེད་འདུག

གསར་འགོད་པ། ལྷུན་འགྲུབ་ཚེ་རིང་།

རྩོམ་སྒྲིག་པ། རྡོ་རྗེ་དགྲ་འདུལ།

དྲ་ཐོག་སྤེལ་མཁན། ནོར་སྡེ་སྒྲོལ་མ།