བོད་ཀྱི་ཉིན་མོ་ཞེས་པའི་དུས་སྟོན་ཐེངས་དང་པོ་དེ་བཞིན་༸སྐྱབས་རྗེ་ཨ་ཀྱཱ་རིན་པོ་ཆེ་མཆོག་ནས་དབུ་འབྱེད་གནང་ཡོད་པ།

ཨ་རིའི་རྒྱལ་སའི་མངའ་ཁུལ་དུ་རྟེན་གཞི་བྱེད་པའི་རྭ་རྒྱ་ཐེག་ཆེན་གླེང་གི་གོ་སྒྲིག་འོག་ཕྱི་ཟླ་༦ཚེས་༢༥དང་༢༦བཅས་ཉིན་གྲངས་གཉིས་ཀྱི་རིང་བོད་ཀྱི་ཉིན་མོ་ཞེས་པའི་དུས་སྟོན་ཐེངས་དང་པོ་དེ་བཞིན་༸སྐྱབས་རྗེ་ཨ་ཀྱཱ་རིན་པོ་ཆེ་མཆོག་ནས་དབུ་འབྱེད་གནང་ཡོད་པ་རེད། ས་གནས་སུ་ན་གཞོན་དྭང་བླངས་པ་ཚོ་གཅིག་གིས་ཉིན་གཉིས་ཀྱི་དུས་སྟོན་གོ་སྒྲིག་གནང་བའི་བརྒྱུད། བོད་ཟས་སྣ་མང་ཚོང་འགྲེམས་དང་། བོད་ཀྱི་ཐུན་མོང་མ་ཡིན་པའི་རྩེད་རིགས་དང་ཡང་ཕྲུ་གུ་ཚོར་དམིགས་ནས་བོད་དོན་དང་འབྲེལ་བའི་རི་མོའི་འགྲན་བསྡུར།དེ་བཞིན་ཕྱི་དྲོ་རིག་གཞུང་འཁྲབ་སྟོན་གྱི་ལས་རིམ་སོགས་རྒྱལ་ས་མངའ་ཁུལ་དང་བོད་དོན་རྒྱལ་སྐྱོར་བ་ཕྱི་རྒྱལ་བ་མི་སྣ་བཅས་ཕེབས་མཁན་ཚོས་དགའ་མོས་ཆེན་པོ་གནང་འདུག
ད་ལེན་ཁ་བའི་གྲོས་རཱ་ལེ་ཚན་ནང་།བོད་ཀྱི་ཉིན་མ་དུས་སྟོན་དེའི་དམིགས་ཡུལ་དང་དགོས་པ་རྒྱུ་མཚན་དང་འབྲེལ་༸སྐྱབས་རྗེ་ཤིང་བཟའ་རིན་པོ་ཆེ་མཆོག་གཙོས་པའི་འབྲེལ་ཡོད་གོ་སྒྲིག་གནང་མཁན་ཁག་ཅིག་ལ་རྩོམ་སྒྲིག་འགན་འགན་འཛིན་རྡོ་རྗེ་དགྲ་འདུལ་གྱིས་ཡུལ་དངོས་སུ་བཅའ་འདྲི་དང་ཕྱོགས་བསྒྲིགས་བྱས་པ་ཞིག་ལ་ཉན་རོགས་ཞུ།
གསར་འགོད་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།