བོད་ཀྱི་སྤྲུལ་སྐུའི་ཡང་སྲིད་ངོས་འཛིན་ཀྱི་ལམ་ལུགས།

ཐེངས་འདིའི་ཁ་བའི་གྲོས་རྭའི་ལེ་ཚན་གྱི་ནང་། བོད་ཀྱི་སྤྲུལ་སྐུའི་ཡང་སྲིད་ངོས་འཛིན་ཀྱི་ལམ་ལུགས་དེ་ནི་བོད་མིའི་ཡིད་ཆེས་དང་ལེན་ལ་བརྟེན་ནས་ལག་ལེན་དངོས་ཀྱི་ནང་གཏིང་ཚུགས་པའི་ཆོས་ལུགས་ཀྱི་བྱེད་སྒོ་གལ་ཆེ་ཞིག་ཡིན་ནའང་། རྒྱ་ནག་གིས་རྒྱུན་དུ་བོད་ཀྱི་སྤྲུལ་སྐུ་ཆེ་ཁག་གི་ཡང་སྲིད་ངོས་འཛིན་གསེར་བུམ་དཀྲུག་པའི་ལམ་ལུགས་ལ་གཞི་བཅོལ་ནས་ལག་བསྟར་དགོས་ཚུལ་བརྗོད་ཀྱི་ཡོད་པ་རེད། ཡིན་ནའང་ཉེ་ཆར་བོད་ཀྱི་སྲིད་བྱུས་ཉམས་ཞིབ་ཁང་གི་འདོན་སྤེལ་གནང་བའི་བོད་ཀྱི་སྤྲུལ་སྐུའི་ལམ་ལུགས་སྐོར་གྱི་དཔྱད་རྩོམ་ཕྱོགས་བསྒྲིགས་ཀྱི་དཔེ་དེབ་དབུ་འབྱེད་གནང་པའི་གནས་ཚུལ་ཐོན་པ་འཕྲོས་ནས་གསེར་བུམ་དཀྲུག་པའི་ལམ་ལུགས་ཟེར་བ་དེ་ད་ལྟ་ལྷག་མེད་པ་དཔྱད་པ་བྱས་འདུག་པས་དཔྱད་རྩོམ་དེའི་ནང་དོན་ཞིབ་ཕྲ་དང་།  གལ་གནད་ཅི་ཆགས།   ལྷག་པར་བོད་ཀྱི་བླ་སྤྲུལ་རྣམ་པའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཤུགས་རྐྱེན་ཡོང་ཆེད་ལས་འགུལ་ཅི་སྤེལ་བཞིན་ཡོད་པ་སོགས་ཀྱི་གནད་དོན་ཁག་ལ་བགྲོ་གླེང་གནང་བ་ཞིག་གསན་རོགས་གནང་།

གསར་འགོད་པ། ཆོས་སྐྱིད།

དྲྭ་ཐོག་སྤེལ་མཁན། པ་སངས་དོན་ལྡན།