༧སྐུའི་འཁྲུངས་སྐར་ཉིན་མོ་འདི་བཞིན་འཛམ་གླིང་སྙིང་རྗེའི་ཉིན་མོར་སྲུང་བརྩི་ཞུ་རྒྱུར་སྤྱི་མོས་ཀྱི་གཏན་འབེབས་གནང་ཡོད་པ།

Asian Buddhist Conference for Peace-ABCP) ཞེས་ནང་པའི་རྒྱལ་ཁབ་ ༣༠ ལས་གྲུབ་པའི་ཨེ་ཤེ་ཡའི་ནང་པའི་ཞི་བདེའི་ལྷན་ཚོགས་ཀྱི་ཚོགས་ཆེན་ཐེངས་ ༡༢ པ་ ༢༠༢༤ ཟླ་ ༡ ཚེས་ ༡༧ དང་ ༡༨ བཅས་སུ་རྒྱ་གར་རྒྱལ་ས་ལྡི་ལིར་ཚོགས་སྐབས། འདི་ལོ་ནས་བཟུང་ཕྱི་ཟླ་ ༧ ཚེས་ ༦ སྟེ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཁྲུངས་སྐར་ཉིན་མོ་འདི་བཞིན་འཛམ་གླིང་སྙིང་རྗེའི་ཉིན་མོར་སྲུང་བརྩི་ཞུ་རྒྱུར་སྤྱི་མོས་ཀྱི་གཏན་འབེབས་གནང་ཡོད་པ་རེད། གནད་དོན་གླེང་མོལ་གྱི་ལས་རིམ་ནང་། གྲོས་འཆར་འདི་ཐོག་མར་འདོན་གནང་མཁན་ཁོངས་ནས་ཧི་མ་ལ་ཡའི་ཆོས་རིག་འཛིན་སྐྱོང་ལྷན་ཚོགས་ཀྱི་ཚོགས་གཙོ་དང་། ཨེ་ཤེ་ཡའི་ནང་པའི་ཞི་བདེའི་ལྷན་ཚོགས་ཀྱི་ཚོགས་མི་དགེ་བཤེས་ཆོས་འཕེལ་བཟོད་པ་ལགས་དང་། རྒྱལ་སྤྱིའི་དགེ་ལྡན་ལྷན་ཚོགས་ཀྱི་སྤྱི་ཁྱབ་ངེས་སྟོན་པ་འབྲས་སྤུངས་སྒོ་མང་མཁན་ཟུར་བློ་བཟང་རྒྱལ་མཚན་མཆོག་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།
གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།