གསར་འགྱུར་ཡིག་ཚགས།

༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མང་མཇལ་སྩལ་གནང་མཛད་པའི་ཁྲོད། ཝིཡེཏ་ནམ་གྱི་གྲགས་ཆེ་བའི་ནང་པའི་དགེ་སློང་ (Thich Minh Tue) ལགས་དང་ལྷན་དུ་ཝིཡེཏ་ནམ་ནས་རྒྱ་གར་བར་གོམ་བགྲོད་བསྐྱོན་ཏེ་ཕེབས་མཁན་དགེ་སློང་བཅུ་གཉིས་ལ་མཇལ་ཁ་སྩལ་གནང་མཛད་ཡོད་པ་རེད།

ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་དང་། རྒྱ་ནག་གཞུང་གི་དོ་དམ་འོག་མཆོག་སྤྲུལ་ཧཱུྃ་ཀར་རྡོ་རྗེ་མཆོག་ཝེཊ་ནམ་དུ་དོགས་གཞི་ཆེན་པོའི་འོག་གློ་བུར་འདས་གྲོངས་སུ་གྱུར་བར་རང་དབང་ལྡན་པའི་རྟོག་ཞིབ་དགོས་པ་སོགས་ཀྱི་དོན་ཚན་དགུ་ཅན་གྱི་གྲོས་ཆོད་ཞིག་ཚད་མཐོའི་མང་མོས་ཐོག་གཏན་འབེབས་གནང་འདུག

༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
རྒྱ་ནག་དམར་ཤོག་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ལ་ཐེ་གཏོགས་དང་། ཡང་སྲིད་ཀྱི་བདག་དབང་རྒྱ་ནག་གཞུང་ལ་ཡོད་ཚུལ་གྱི་སྒྲོ་འདོགས་འཁྱོག་བཤད་ཇེ་ཆེར་བྱེད་བཞིན་པའི་དུས་སྐབས་སུ། ད་ལོ་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ལ་ཕེབས་ཀྱི་ཡོད་པ་དང་བསྟུན། ༸སྐུའི་ཡང་སྲིད་ཕེབས་ཕྱོགས་ཐད་ལམ་སྟོན་ཁ་གསལ་གནང་བའི་རེ་སྒུག་ཞུ་བཞིན་ཡོད།

རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
རྒྱ་ནག་གཞུང་ནས་སྐལ་བཟང་ལགས་ཀྱི་ཁྱིམ་ཚང་ལ་ལོ་ངོ་དགུ་ཙམ་རིང་ཆུ་དང་གློག་གི་མཐུན་རྐྱེན་བཀག་སྡོམ་བྱས་པའི་གནས་ཚུལ་སོགས་ཀྱི་སྐོར་སྤྱི་ཚོགས་དྲྭ་ལམ་དུ་བརྙན་འདོན་སྤེལ་བྱས་པར། སྤྱི་ཚོགས་ཟིང་དཀྲུག་དང་རྒྱ་གཞུང་ལ་ཉེས་འཛུགས་བྱས་པའི་ཉེས་མིང་འོག་ཁོང་སྟེང་ཆེན་རྫོང་ས་གནས་ཉེན་རྟོག་པས་འཛིན་བཟུང་བཀག་ཉར་བྱས་ཡོད་འདུག

ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
ཧོང་ཀོང་དུ་རྒྱ་གར་བྱང་ཕྱོགས་པིབ་ར་བ་ས་གནས་ནས་རྙེད་སོན་བྱུང་བའི་སངས་རྒྱས་བཅོམ་ལྡན་འདས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན། ཟླ་འདིའི་ཚེས་ ༧ ཉིན་འཚོག་གཏན་འཁེལ་བའི་རིན་བསྡུར་ཚོང་སྒྱུར་ཕྱི་བཤོལ་བྱས་འདུག

རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་སྦྱོང་བརྡར་ས་ཚིགས་ཁག་ལ་དམིགས་པའི་"སིན་དོར་ལས་འགུལ་"(Operation Sindoor) ཞེས་པ་འགོ་བཙུགས་ཀྱིས་སྒྱོགས་མདེལ་ཕངས་རྗེས། རྒྱ་གར་དང་པ་ཀིསྟན་གྱི་གནས་སྟངས་ཇེ་སྡུག་ཏུ་འགྲོ་བཞིན་པར་རྒྱ་ནག་གིས་སེམས་འཚབ་དང་། ཕྱོགས་གཉིས་ནས་དོ་དམ་གཟབ་གཟོན་བྱེད་དགོས་ཚུལ་བརྗོད་འདུག

ཇེཁས་མར་ཁེས་བོད་ཀྱི་རིག་གཞུང་འགྲེམས་སྟོན་ཁང་གིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་མཛད་རྣམ་དང་འབྲེལ་བའི་པར་རིས་འགྲེམས་སྟོན་གནང་རྒྱུ་རེད་འདུག
ཨ་རིའི་གྲོང་ཁྱེར་ནིའུ་ཡོག་ཏུ་རྟེན་གཞི་བྱས་པའི་ཇེཁས་མར་ཁེས་ (Jacques Marchais) བོད་ཀྱི་རིག་གཞུང་འགྲེམས་སྟོན་ཁང་གིས་འཛམ་གླིང་ཡོངས་ཀྱི་མཐུན་སྒྲིལ། དེང་རབས་སྤྱི་ཚོགས་ནང་གི་མཐུན་སྒྲིལ་གྱི་འབོད་སྒྲ་" ཞེས་པའི་འགྲེམས་སྟོན་ཞིག་ཟླ་བ་ ༥ ཚེས་ ༡༥ ཉིན་གྱི་དགོང་མོའི་ཆུ་ཚོད་ ༧ པར་དབུ་འབྱེད་བྱ་རྒྱུ་ཡིན་པའི་གསལ་བསྒྲགས་བྱས་འདུག