གསར་འགྱུར་ཡིག་ཚགས།

བརྙན་འཕྲིན་གསར་འགྱུར། ༢༠༢༥།༠༣།༢༠ ༡) ༸གོང་ས་༸སྐྱབས་མགོན་ཆེན་པོ་མཆོག་ལྷ་ས་ནས་ཆིབས་ཐོན་མཛད་སྐབས་མགོན་པོ་ཕྱག་དྲུག་ལ་ཐུགས་སྨོན་མཛད་ཡོད་པ་ལྟར། མ་འོངས་པར་མགོན་པོའི་ཞལ་མཇལ་ཡོང་བའི་རེ་བ་ཡོད་པ་བཀའ་གནང་འདུག ༢) བོད་དོན་ཞུ་གཏུག་མཐུན་ཚོགས་ནས་རྒྱ་གར་གྲོས་ཚོགས་གོང་འོག་ནང་བོད་དོན་གླེང་སློང་ཡོང་ཆེད་ལྡི་ལིར་བོད་དོན་ཞུ་གཏུག་གནང་བཞིན་འདུག ༣) རྒྱ་ནག་གཞུང་གིས་མུ་མཐུད་མདོ་སྨད་ཕྱོགས་ཀྱི་མཛོད་དགེ་སྟག་ཚང་ལྷ་མོ་ཀིརྟི་དགོན་དང་རྔ་བ་ཀིརྟི་དགོན་གཙོས། མདོ་སྨད་ཕྱོགས་སུ་དགོན་སྡེ་ཁག་ཏུ་གྲྭ་རྒྱུན་གསར་ཞུགས་མི་ཆོག་པའི་དམ་དྲག་ཤུགས་ཆེར་བྱེད་བཞིན་པ་མ་ཟད། བྱིས་པ་ལོ་ཆུང་དགོན་པའི་ནང་དུ་ཁྲིད་མི་ཆོག་པའི་དམ་དྲག་བྱེད་བཞིན་ཡོད་པ། ༤) བོད་བརྒྱུད་ནང་བསྟན་གྱི་དགེ་འདུན་པ་ཚོས་མཚན་རིག་ལ་སློབ་གཉེར་དང་དེ་བརྒྱུད་གཞི་ཡུལ་མི་འདྲ་འབའི་ཐོག་ལ་དགེ་འདུན་པའི་སྤྱི་ཚོགས་ཁྲོད་ཞིབ་འཇུག་གནང་པའི་འཕེལ་རིམ་སྐོར་གླེང་མོལ་ཞུས་པའི་ལས་རིམ་བཅས་རྒྱང་བསྲིངས་ཞུ་རྒྱུ་ཡོད། Reporter: Tashi Wangchuk Producer: Yeshi Tashi

༧གོང་ས་༧སྐྱབས་མགོན་ཆེན་པོ་མཆོག་གིས་ལོ་མང་གོང་ནས་ནང་པའི་དགེ་འདུན་པ་ཚོས་མཚན་རིག་ལ་སློབ་གཉེར་དང་དེ་བརྒྱུད་ཞིབ་འཇུག་གནང་དགོས་པའི་བཀའ་སློབ་ལམ་སྟོན་ཕེབས་པ་བཞིན་དགེ་འདུན་པའི་སྤྱི་ཚོགས་ཁྲོད་གཞི་ཡུལ་མི་འདྲ་བའི་ཐོག་ལ་ཞིབ་འཇུག་གནང་པའི་འཕེལ་རིམ་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་ཤར་ཨེ་ཤེ་ཡའི་སྡེ་ཚན་གྱི་སྤྱི་ཁྱབ་རྩོམ་སྒྲིག་འགན་འཛིན་སྐལ་ལྡན་བློ་གྲོས་ལགས་ཀྱིས་རྒྱ་གར་ལྷོ་ཕྱོགས་སུ་གླེང་མོལ་གནང་།

བོད་རང་བཙན་སློབ་ཕྲུག་ཚོགས་པའི་རྒྱ་གར་ཡན་ལག་འགན་འཛིན་བསྟན་འཛིན་པ་སངས་ལགས་དང་། དང་བླངས་བོད་དོན་ཞུ་གཏུག་ལས་འགུལ་ཚོགས་པའི་རྡ་རམ་ས་ལའི་ཚོགས་མི་ཀུན་བཟང་བསྟན་འཛིན་ལགས་གཉིས་དང་ལྷན་དུ། གཞོན་ནུའི་ལས་འགུལ་དང་། བོད་དོན་འཐབ་རྩོད། ཅེས་པའི་བརྗོད་གཞིའི་ཐོག་ཨེ་ཤེ་ཡ་རང་དབང་རླུང་འཕྲིན་ཁང་གི་རྡ་རམ་ས་ལའི་ཡན་ལག་ལས་ཁུངས་ཀྱི་རྩོམ་སྒྲིག་པ་བདེ་སྐྱིད་ཀུན་གྲོལ་ལགས་ཀྱིས་གླེང་མོལ་ཞུས་བར་གསན་གཟིགས་གནང་རོགས། Discussion on Tibetan Youth engagement in Tibetan freedom struggle and Current Tibet issue. Host: Dickey Kundol Producer: Tenzin Dhonyoe

ཨེ་ཤེ་ཡ་རང་དབང་རླུང་འཕྲིན་ཁང་གི་བརྙན་འཕྲིན། ༢༠༢༥།༠༣།༡༨ ཐེངས་འདིའི་བརྙན་འཕྲིན་ནང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བསྐྱར་དུ་སྐུ་ཚེ་ཡུན་རིང་བརྟན་རྒྱུའི་ཞལ་བཞེས་བཀའ་བཟང་སྩལ་འདུག བོད་མིའི་སྒྲིག་འཛུགས་ཀྱི་རྩིས་ལོ་༢༠༢༥དང་༢༦ལོའི་སྔོན་རྩིས་གཏན་འབེབས་དང་འབྲེལ་ཏེ། སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཚོགས་བཞིན་པ། གཞོན་ནུའི་ལས་འགུལ་དང་། བོད་དོན་འཐབ་རྩོད་ཅེས་པའི་བརྗོད་གཞིའི་ཐོག་གླེང་མོལ་ཞུས་པ་བཅས་རྒྱང་བསྲིངས་ཞུ་རྒྱུ་ཡོད། RFA Tibetan TV Program- March 18, 2025 Anchor: Palden Gyal Producer: Passang Dhonden

གླེང་མོལ་གྱི་ལེ་ཚན་ནང་། ལོ་རྒྱུས་ལ་ཕྱིར་དྲན་གྱིས་ ༡༩༥༩ ལོའི་སྤྱི་ཟླ ༣ ཚེས ༡༠ ཉིན་བོད་ཀྱི་རྒྱལ་ས་ལྷ་ས་རུ་བོད་མི་རྣམས་ཀྱིས་རྒྱ་ནག་གཞུང་ལ་ངོ་རྒོལ་གྱེན་ལངས་བྱས་པའི་གནས་ཚུལ་སྐོར་དང་། གསུམ་བཅུའི་དུས་དྲན་གྱི་དོན་སྙིང་དང་གལ་གནད། དེ་བཞིན་རྒྱ་ནག་གཞུང་གིས་བོད་བཙན་བཟུང་རྗེས་བོད་ཀྱི་ཆོས་དང་། རིག་གཞུང་ལ་གོད་ཆགས་ཇི་བྱུང་སོགས་ཀྱི་ཐད། ཕྱི་ལོ་ ༡༩༥༩ ཟླ ༣ ཚེས ༡༠ ཉིན་བོད་ཀྱི་རྒྱལ་ས་ལྷ་སར་དངོས་སུ་ཡོད་པ། ༡༩༨༨ ལོར་རྒྱ་གར་ལ་བཙན་བྱོལ་དུ་ཕེབས་པ་འཇམ་དཔལ་ཕུན་ཚོགས་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པ་དཔལ་ལྡན་རྒྱལ་ལགས་ཀྱིས་གླེང་མོལ་ཞུས་པར་གསན་གཟིགས་གནང་རོགས་གནང་། གསར་འགོད་པ། དཔལ་ལྡན་རྒྱལ། ཆེད་སྒྲིག་པ། པ་སངས་དོན་ལྡན།

བརྙན་འཕྲིན་གསར་འགྱུར། ༢༠༢༥།༠༣།༡༥ • སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ ༢༠༢༥ ལོའི་ (Gold Mercury) ་གསེར་གྱི་གཟེངས་རྟགས་འབུལ་བཞེས་གནང་གཏན་འཁེལ་འདུག • ༧གོང་ས་༧སྐྱབས་མགོན་ཆེན་པོ་མཆོག་གིས་ཆོ་འཕྲུལ་དུས་ཆེན་ཉིན་སྐྱེས་རབས་ཀྱི་ཆོས་འབྲེལ་སྩལ་པའི་སྐབས། འབྱུང་འགྱུར་ལོ་ངོ་བཅུ་ཕྲག་གཉིས་ལྷག་༧སྐུ་ཚེ་བརྟན་ཏེ་འགྲོ་བའི་དོན་དུ་མུ་མཐུད་མཛད་པ་བསྐྱང་རྒྱུ་ཡིན་ཞེས་བཀའ་བཞེས་སྨིན་སྩོལ་བྱུང་འདུག • ཨ་རི་དང་། སུད་སི། ཁེ་ན་ཌ་སོགས་སུ་བོད་ཀྱི་བེུད་སྒེར་ལངས་ཉིན་མོར་མར་མེའི་ཁྲོམ་སྐོར་དང་རྔམ་སྟོན་སྐད་འབོད་གནང་སྟེ་སྲུང་བརྩི་ཞུས་འདུག • ལོ་རྒྱུས་ལ་ཕྱིར་དྲན་གྱིས་ཕྱི་ལོ་ ༡༩༥༩ ཟླ་ ༣ ཚེས་ ༡༠ ཉིན་བོད་ཀྱི་རྒྱལ་ས་ལྷ་ས་རུ་བོད་མི་རྣམས་ཀྱིས་རྒྱ་ནག་གཞུང་ལ་ངོ་རྒོལ་གྱེན་ལངས་བྱས་པའི་གནས་ཚུལ་དང་དེའི་རྗེས་འབྲས་ཀྱི་གནས་ཚུལ་ལ་བསྐྱར་ལྟའི་ཆེད་གླེང་མོལ་ཞུས་པ་བཅས་རྒྱང་བསྲིངས་ཞུ་རྒྱུ་ཡོད། Reporter: Tashi Wangchuk Producer: Yeshi Tashi

ད་ལྟ་ནི་སྤྱི་ཚོགས་དྲྭ་རྒྱའི་དུས་རབས་ཤིག་ཡིན་ཞིང་། བོད་པའི་སྤྱི་ཚོགས་ནང་དུའང་བོད་མི་རྒན་གཞོན་བར་གསུམ་གྱིས་ངོ་དེབ་སོགས་སྤྱི་ཚོགས་དྲྭ་ལམ་སྣ་མང་བརྒྱུད། གནས་ཚུལ་འདྲ་མིན་རྒྱུས་ལོན་གནང་གི་ཡོད་པ་ལྟར། ཉེ་ལམ་མེ་ཊས་འདོན་སྤེལ་བྱས་པའི་སྙན་ཐོའི་ནང་རྒྱ་ནག་གིས་ངོ་དེབ་སོགས་དྲྭ་གནས་རྫུན་བཟོས་ཀྱིས་༧གོང་ས་༧སྐྱབས་མགོན་ཆེན་པོ་མཆོག་དང་བཙན་བྱོལ་བོད་མི་རྣམས་ལ་སྐྱོན་བརྗོད་དང་དཀྲོག་གཏམ་སྤེལ་བཞིན་ཡོད་པ་ཐེར་འདོན་བྱས་ཡོད་པས། ཐེངས་འདིའི་གླེང་མོལ་གྱི་ལེ་ཚན་ནང་། བོད་དོན་ལས་འགུལ་ལྟེ་གནས་ཁང་གི་འཕྲུལ་ལས་རིག་པའི་འགན་འཛིན་སྤྱི་འཐུས་སྲི་ཐར་བློ་བཟང་རྒྱ་མཚོ་ལགས་དང་། བོད་མིའི་སྒྲིག་འཛུགས་ཀྱི་གློག་ཀླད་ཚན་པའི་དྲྭ་རྒྱའི་བདེ་འཇག་དོ་དམ་པ་བསམ་གྲུབ་ཆོས་འཕེལ་ལགས་རྣམ་གཉིས་དང་ལྷན་དྲྭ་ཐོག་བདེ་འཇགས་དང་དེ་འབྲེལ་གྱི་དཀའ་ངལ་ལ་གདོང་ལེན་བྱེད་ཕྱོགས་ཐད་བདེ་ཆེན་དབང་མོ་ལགས་ཀྱིས་གླེང་མོལ་ཞུས་པར་གསན་གཟིགས་གནང་རོགས་གནང་། Host: Dickey Kundol Producer: Tenzin Woser

༡) བོད་མི་གནས་ཡུལ་གང་སར་བོད་ཀྱི་བེུད་སྒེར་ལངས་ཉིན་མོ་སྲུང་བརྩི་ཞུས་པའི་སྐབས་རྒྱ་གར་དང་ལ་དྭགས་ཀྱི་བེུད་འགོ་ཁྲིད་ཀྱིས་ཀྱང་མཉམ་ཞུགས་གནང་འདུག ༢) ༧གོང་ས་༧སྐྱབས་མགོན་ཆེན་པོ་མཆོག་གིས་གྲྭ་བཙུན་ ༧༥ ལ་དགེ་ཚུལ་གྱི་སྡོམ་པ་སྩལ་ཏེ་བསླབ་སྡོམ་རྣམ་དག་སྲུང་རྒྱུ་ནི་ཧ་ཅང་གལ་ཆེ་ཡིན་པ་བཀའ་གནང་འདུག ༣) ༧གོང་ས་༧སྐྱབས་མགོན་ཆེན་པོ་མཆོག་གིས་༧སྐུའི་ཡང་སྲིད་རྒྱ་ནག་མ་ཡིན་པར་རང་དབང་གི་རྒྱལ་ཁབ་ཅིག་ཏུ་འཁྲུངས་ངེས་ཡིན་ཞེས་༧གང་ཉིད་ཀྱི་བཀའ་རྩོམ་ཕྱག་དེབ་གསར་པ་མགྲིན་མེད་པ་རྣམས་ཀྱི་མགྲིན་ཚབ་པ་ཞེས་པའི་ནང་གསུངས་འདུག ༤) ཉེ་ལམ་མེ་ཊ་ (Meta) ཡིས་འདོན་སྤེལ་བྱས་པའི་སྙན་ཐོའི་ནང་རྒྱ་ནག་གིས་ངོ་དེབ་སོགས་དྲྭ་ཐོག་ནས་དྲྭ་གནས་རྫུན་བཟོས་ཀྱིས་༧གོང་ས་༧སྐྱབས་མགོན་ཆེན་པོ་མཆོག་དང་བཙན་བྱོལ་བོད་མི་རྣམས་ལ་སྐྱོན་བརྗོད་དང་དཀྲོག་གཏམ་སྤེལ་བཞིན་ཡོད་པ་ཐེར་འདོན་བྱས་པའི་ཐད་གླེང་མོལ་ཞུས་པ་བཅས་རྒྱང་བསྲིངས་ཞུ་རྒྱུ་ཡོད། ཨེ་ཤེ་ཡ་རང་དབང་རླུང་འཕྲིན་གྱི་བརྙན་འཕྲིན།༢༠༢༥།༠༣།༡༣ RFA Tibetan TV –03/13/25 Anchor : Tashi Wangchuk Producer : Nordon

༸གོང་ས་༸སྐྱབས་མགོན་ཆེན་པོ་མཆོག་གིས་བོད་ནས་བཙན་བྱོལ་དུ་ཆིབས་བསྒྱུར་སྐབས་ཀྱི་ལོ་རྒྱུས་ཕྱིར་དྲན་མཛད་པ། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་དབུ་བཞུགས་ཀྱིས་གསུམ་བཅུའི་དུས་དྲན་ཐེངས་༦༦་གཞུང་འབྲེལ་སྲུང་བརྩི་གནང་བ། དེ་བཞིན་འཛམ་གླིང་གི་ས་ཕྱོགས་གང་སར་བོད་མི་དང་བོད་དོན་རྒྱབ་སྐྱོར་ཚོས་རྣམ་པ་འདྲ་མིན་ངང་གསུམ་བཅུའི་དུས་དྲན་ཐེངས་༦༦ སྲུང་བརྩི་གནང་ཡོད་པ། ཨེ་ཤེ་ཡ་རང་དབང་རླུང་འཕྲིན་གྱི་བརྙན་འཕྲིན།༢༠༢༥།༠༣།༡༡ RFA Tibetan TV –03/11/25 Anchor : Guru Choekyi Producer : Nordon

བརྙན་འཕྲིན་གསར་འགྱུར། ༢༠༢༥།༠༣།༠༨ · སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྣམ་གྲྭ་ཟུར་པ་མཚོན་ཕྱི་ནང་གི་དད་ལྡན་པ་ ༣༠༠ ལྷག་ལ་མཇལ་ཁ་སྩལ་འདུག་ཅིང་། དད་ལྡན་ཆོས་ཞུ་བ་ཚོས་༧གོང་ས་མཆོག་གི་མཇལ་ཁ་ཐོབ་པའི་རྗེས་བློ་ཆོས་སུ་འཇུག་ཐབས་ལ་འབད་རྩོལ་ཞུ་རྒྱུ་ཡིན་པ་གསུང་བཞིན་འདུག · རྒྱ་ནག་གིས་མུ་མཐུད་བོད་ནང་དྲག་གནོན་སྟངས་འཛིན་གྱི་སྲིད་བྱུས་རྒྱུན་སྐྱོངས་བྱ་རྒྱུ་ཡིན་པ་ནི་རྒྱ་ནག་གི་ཚོགས་ཆེན་གཉིས་ཀྱི་བོད་ཀྱི་འཐུས་མིའི་ཟུར་དུ་ཚོགས་འདུ་སྐོང་ཚོགས་བྱས་པ་ལས་མངོན་གསལ་ཡིན་པ། ཉམས་ཞིབ་པས་འགྲེལ་བརྗོད་གནང་གི་འདུག · འབྲས་ལྗོངས་སུ་ནང་ཆོས་དར་རྒུད་དང་དེར་གདོང་ལེན་བྱེད་ཕྱོགས་ཀྱི་ཐད་ཚོགས་འདུ་བསྐོང་ཚོགས་གནང་འདུག · རྒྱལ་སྤྱིའི་བོད་ཀྱི་འབྲེལ་མཐུད་ལས་ཁང་གི་ལས་འཆར་དང་ཁོར་ཡུག་འབྲེལ་མཐུད་པ་བློ་བཟང་དབྱངས་མཚོ་ལགས་དང་ལྷན་དུ། བོད་དོན་ཞུ་གཏུག་ལས་དོན་སྤེལ་ཕྱོགས་སྤྱི་དང་། བྱེ་བྲག་ཏུ་ཉེ་ལམ་ཐེ་ཝན་ནང་སྤེལ་བའི་ལས་འགུལ་སྐོར་གླེང་མོལ་ཞུས་པ་བཅས་རྒྱང་བསྲིངས་ཞུ་རྒྱུ་ཡོད། Reporter: Tashi Wangchuk Producer: Yeshi Tashi