Хитай мутәхәссиси түркийәни терроризмға қарши күрәштә икки бислиқ сиясәт йүргүзүватиду, дәп әйиблиди

Шаңхәй хәлқара университети оттура шәрқ институти мудири җов вейлйе, әнқәрә пойиз истансиси алдида 97 киши қаза тапқан террорлуқ һуҗум тоғрисида хитай ахбаратиға баянат берип, түркийәниң терроризмға қарита икки бислиқ сиясәт йүргүзүватқанлиқини илгири сүргән.

“http://www.mansethaber.com” тор гезитидә елан қилинған хәвәрдә, җов вейле, әнқәрәдә йүз бәргән террорлуқ һуҗум һәққидә мухбирларға бәргән баянатида, “түркийә терроризмға қарши күрәштә икки бислиқ сиясәт елип бериватиду” деди. У, баянатида, түркийәниң терроризмға қарши күрәштә мүҗмәл сиясәт елип бериватқанлиқини, дәмешиқ-ирақ ислам дөлити террористлириға қарши туруватқандәк көрүнсиму, әмәлийәттә куртләрниң күчлинишигә қарши бир сиясәт елип бериватқанлиқини баян қилған.

Булардин башқа хитай дөләт ахбарат оргини болған шинхуа хәвәр агентлиқи түркийәниң терроризмға қарши сияситини тәнқид қилған бир обзор елан қилди. “түркийә икки бислиқ сиясити түпәйлидин терроризмниң қурбани болди” сәрләвһилик мақалидә, икки милйон мусапир яшаватқан түркийәдин сүрийәгә дәмәшқ ирақ ислам дөлити террористлириниң өтүп кетиш еһтималиниң күчлүк икәнликини баян қилинғандин кейин, тәрәққий қиливатқан түркийә җумһурийитиниң тәрәққий қилған америкиға охшаш дөләтләргә қариғанда терроризмдин көпрәк зиян тартидиғанлиқи баян қилинған.

Мақалидики анализда, түрк һөкүмити, террорлуқ һуҗумға терроризм уруқи чачқан тәшкилатларға қарита икки бислиқ сиясәт елип барғанларниң ахирида өзлириниң зиян тартидиғанлиқини унутмаслиқи керәклики баян қилинған. Мақалидә түркийәниң икки бислиқ сияситини көздин көчүрүши керәкликини, ғәрб дөләтлиридин сирт пүтүн дөләтләр билән терроризмға қарши күрәштә һәмкарлишиши керәклики илгири сүрүлгән.

Биз бу һәқтә көз қаришини елиш үчүн түркийә қәһриман мараш университети оқутқучиси др. Алимҗан буғра вә дуня уйғур қурултийиниң сабиқ рәиси әнвәр җан әпәндиләр билән сөһбәт елип бардуқ.

Др. Алим җан буғда шинхуа хәвәр агентлиқида елан қилинған мақалидә түркийәниң террорға қарши күрәштә икки бислиқ сиясәт елип барди дәп қарилиғанлиқини, әмәлийәттә түркийәниң ундақ бир сияситиниң мәвҗут әмәсликини ейтти.

Әнвәр җан әпәнди хитай бундақ дейиш арқилиқ түркийәниң қериндаш мәзлум уйғурларға болған һесдашлиқини тосушқа тиришиватқанлиқини ейтти.