Memet toxti ependi xitayning atalmish térrorchilargha zerbe bérishte qolini tashqi dunyagha uzitishi heqqide toxtaldi

Bezi mutexessisler xitayning atalmish térrorluqqa qarshi zerbe bérish herikitide yéqindin buyan sirtqi küchlerni asasi nishan qilghanliqini ilgiri sürmekte, bularning qarishiche, yéqinqi bir-ikki yildin buyan xitayning muqimliqigha qarita sherqi türkistanning ichidikige qarighanda sirttin kélidighan tehdit zorayghan؛ xitay shuning üchün ötken heptilerde türkiye, amérika we pakistan qatarliq döletlerning rehberliri bilen söhbitide sherqi türkistan islam herikitige qarita yardem we hemkarliq telep qilghan.

Siyasiy közetküchi memet toxti ependi muxbirimiz bilen söhbitining bügünki qismida bu témida toxtaldi. Uning qarishiche, yéqinqi yillardin buyan Uyghur weziyitige qarita tashqi dunyaning, jümlidin türk, islam dunyasining qiziqishida belgilik derijide ilgirilesh bolghan. Buning üstige, weten, millet yolida muhajirette heriket qiliwatqan Uyghurlarning san we sapasidimu mu'eyyen yüksilish bolghan. Xitayning iqtisadiy tereqqiyati bolsa, tashqi dunyagha téximu baghlan'ghan, shunga xitay özining tashqi dunyadiki menpe'etlirining hujumgha uchrishidin jiddiy shekilde endishe qilmaqta.

Yuqiridiki awaz ulinishidin memet toxti ependining bu heqtiki mulahizisining tepsilatini anglighaysiz.