'Özüm tapqan balagha, nege baray dawagha'

Bu dunya ajayip dunya, shexisning arzu - isteklirige béqinmaydighan dunya. Obyéktip dunyaning teleplirige masliship heriket qilalaydighan we obyéktip dunyaning xahishigha masliship yéteklep yene özining meqsetlirige xizmet qilduralaydighan partiyiler we shexsler tarixta az tépilidu.
Obzorchimiz sidiq haji rozi
2010-11-01
Élxet
Pikir
Share
Print

2010 - Yili 10 - ayning 28 - küni wenwiy tor béti "gérmaniye awazi"ning xewirini tarqatti. "Gérmaniye awazi" bu xewerni "dunya géziti"din neqil élip tarqatti.
 
Nobél tinchliq mukapatining 15neper sahibi 10 - ayning 15 - küni lyu shawbogha medet bérish boyiche imzaliq xet yézip, dunyadiki muhim döletlerning muhim bashliqlirigha yollidi. Bu sahiblar sabiq prézidént katér, dalay lama, polshaning sabiq prézidénti wawisa qatarliqlar idi. 15Neper sahip xétide chaqiriq qilip béyjing hökümitining lyu shawboni türmidin qoyup bérishini, uning ayali lyu shani nezerbenttin boshitishni telep qildi.

Bu xetke jawaben béyjing da'iriliri 10 - ayning 26 - küni "ghezep bilen jawab qayturdi." Bu mesilini 20 dölet bashliqlirining yuqiri derijilik uchrishishining kün tertipige qoyush teleplirini, junggoning bayanatchisi qopalliq bilen ret qilip, lyu shawbo jinayetchi dédi. Lyu shawboning ayali lyu shaning 12 - ayning 10 - küni oslogha bérip mukapat élishi toghrisida bayanatchi jawab bérishni ret qildi.

Chéx jumhuriyitining sabiq prézidénti waslaw xawél, jenubiy afriqining qizil tonluq popi tutu qatarliqlar lyu shawboni türmidin qoyup bérish toghrisida biwaste chaqiriq qilghanda, xu jintaw pisent qilmighanliqtin nobél tinchliq mukapatining sahibliri yuqiriqidek qarar qilishti. 15 Neper sahib xelq'ara siyasiyunlarning bu ishni yarashturup qoyushini telep qilishti.

B d t ning bash katipi ban kimun, prézidént obama, rusiyining prézidénti médwidéw, gérmaniyining bash ministiri  mérkél, hindistanning bash ministiri sin'gi qatarliq rehberler si'olda dölet bashliqliri uchrishishi ötküzgende xu jintaw bilen uchriship lyu shawboni türmidin qoyup bérishke heydekchilik qilishni telep qildi.

Sahiblar xétide: biz qet'iy halda sizge iltimas qilduq. Lyu shawboni türmidin qoyup bérish toghrisida xu jintawgha bésim ishlitishnglarni ümid qilimiz. Lyu shawboni türmidin qoyup bérish, junggoluqlar bir nechche 10yildin béri bashtin köchürgen diqqet qilishqa tigishlik özgirishni alahide muqimlashturush bolup qalidu, déyishti.

"Dunya géziti" ning xewiride, lyu shawboning ayali lyu shaning ewetken bir parche xéti amérikida kishilik hoquq teshkilatlirining qoligha yetküzüldi.

Lyu shaning xétide béyjing hökümitining lyu shawbo bilen lyu shaning oslogha bérip mukapat élishigha yol qoymaydighanliqi tilgha élinip, bundaq purset yoq déyerlik déyilgen. Lyu shawbo we lyu sha mukapat tarqitish murasimigha qatnishishini ümid qilghan kishiler tallap chiqilghan.

Nobél tinchliq mukapati komitéti bu tizimliktin xewerdar bolghanliqini ispatlap, herbir mukapatqa érishküchi özining méhmanlirini murasimgha teklip qilishqa hoquqluq dep körsetti dégenler élan qilindi.

Oslo, köz qarishi hökümetning köz qarishi bilen oxshash bolmighanlarning uchrishish ötküzüshige teyyarliq qiliwatidu. Mukapat, ushbu mukapatqa érishküchi kishige yaki shu kishining jörisige bérilidu, dep körsetti.

Nobél tinchliq mukapati 1975 - yili adaletning qehrimani merhum saxaropqa bérilgende, u mukapat qobul qilishqa baralmighan. Sabiq prézidént wawisa we öktichi partiyining re'isi bérmiliq angsang suki xanimmu mukapat élishqa baralmighan. Lékin shu chaghlarda mukapatning 15 neper yaki 16 neper sahibliri otturigha chiqip, angsang suki yaki saxaropqa medet bermigen. Bu qétim mukapat lyu shawbogha bérilgende ishlar bek sirliq bolup kettimu yaki ishlar bek murekkep bolup kettimu?

Bir éghiz sözlep qoyghanliqi, yaki bir waraqqa pikrini yézip qoyghanliqi üchün qolgha élip délo peyda qilidighan we "qanun" arqiliq késim élan qilidighan junggo hökümitige nisbeten éytqanda, lyu shawbo délosini peyda qilish anchikim bir ish. Biraq her qandaq shey'i özige munasiwetlik ikkinchi bir shey'ining mewjut bolup turushini özining mewjut bolup turushigha shert qilghanliqtin, lyu shawbo bilen wén jyabaw oxshashla waqitta otturigha chiqti. Lyu shawbo "08 nizamnamisi" üchün qolgha élindi. Wén jyabaw 8 sorunda 8 qétim démokratik islahat toghrisida notuq sözlidi. Lyu shawbo bilen wén jyabawning munasiwiti - qarimu - qarshiliqning birliki ichidiki "u" bilen "bu" ning munasiwiti nobél tinchliq mukapatini junggogha yüzlendürdi. Emma, 21 kün boldi wén jyabaw siyasi islahat toghrisida sözleshtin toxtap qaldi. Ziddiyetning xaraktéri özgirip, nobél tinchliq mukapatining sahibi lyu shawboning mesilisi xelq'ara jem'iyetke yüzlendi.

Lyu shawboni türmidin qoyup bérey désimu oyun chinggha chiqip ketti, lyu shawboni türmidin qoyup bermisimu oyun chinggha chiqip ketti.

Özüm tapqan balagha nege baray dawagha, tarix we hadisilerning tereqqiyati shexsning yaki bir partiyining iradisigha béqinmaydu dep telim bérettighu, xitay kommunistliri!

 
Toluq bet