Йеңисар диханлириниң авази -- әрздар һеким сийит билән сөһбәт

Йеңисар наһийисидә йолға қоюлған мәҗбурий җяңду териш пилани, 2007 ‏- йили наһийә деһқанлирини 50 милйон йүән зиянға учратқан.
Мухбиримиз шөһрәт һошур
2009-01-23
Share
Dixan-Awaz-Hekim-S3-305 'Йеңисарда деһқан болмақ тәс' син - алғусидин елинған бу сүрәттә, йеңисарлиқ уйғур деһқан, бу филимни тәййарлиған һеким сийит, һөкүмәт буйруқи билән терилған өзиниң җийаңдулиқида өз дәрдини сөзлимәктә.
Оқурмәнлиримиз әвәткән 'йеңисарда деһқан болмақ тәс' намлиқ син - алғудин елинди.

Хитайниң йизиларда пән - техникини омумлаштуруш қанунида, деһқанларға йеңи техникини мәҗбурий теңип зиянға учратқанларниң төләм төлиши керәклики бәлгиләнгән.

Қанунниң мана бу маддисиға асасән, йеңисар деһқанлиридин һеким сийит қатарлиқ кишиләр наһийилик партком секретари йи шявляң үстидин 2 йилдин бери әрз қилмақта.

Һазирға қәдәр интернеттә елан қилинған мәзкур әрзгә алақидар мәлуматларда, һеким сийитниң наһийә, вилайәт вә аптоном районға қәдәр әрз қилип барғанлиқи баян қилинған иди.

Бүгүн биз һеким сийитниң өзини зиярәт қилғинимизда, у мәзкур әрз билән бейҗиңғиму барғанлиқини, бейҗиңға барғанда шинҗаң иш беҗириш орнида ятаққа қамап қоюлғанлиқини, арқидин йеңисардин кәлгән сақчилар бейҗиңдин яндуруп әкәткәнликини ашкарилиди.

Юқиридики аваз улинишидин, йеңисар диханлириниң авази болған әрздар һеким сийит билән өткүзгән соһбитимизгә қулақ салғайсиләр.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт