Татар тарихчи мунир йерзин: уйғурлар дуня хәлқи алдида пәхирлинишкә һәқлиқ

Қазақистанда йоруққа чиқиватқан илмий, аммибаб мақалиләрдә уйғурлар тарихи вә мәдәнийитиниң дуня тарихчилирида йәниму зор қизиқиш һасил қиливатқанлиқи оттуриға қоюлуп кәлмәктә.
Ихтиярий мухбиримиз ойған
2012.11.28
Tatar-tarixchi-munir-yerzin-305.jpg Татар тарихчи мунир йерзин
RFA/Oyghan

Атақлиқ татар тарихчиси мунир йерзинниң мушу йили нәшрдин чиққан “әсирләр сири” намлиқ китаби шулар җүмлисидин болуп, аптор өз әмгикигә татар хәлқиниң өтмүш тарихидин ташқири, уйғурларниң мәдәнийәт тарихиға аит бәзи мәлуматларниму киргүзгән.

М.Йерзин уйғурлар арисида уйғур мәтбәәчилик тарихи бойичә кәң даиридә илмий тәтқиқат ишлирини елип берип, “уйғур совет мәтбуатиниң тарихи” намлиқ дәсләпки илмий монографийиси билән тонулғанлиқи яхши мәлумдур.

Алим идиқут уйғур мәтбәәчиликигә 1000 йил толуш мунасивити билән уйғурларниң дуня мәдәнийитигә қошқан төһписи һәққидә тохтилип мундақ дәп язған иди: “мәтбәәчилик һүнири уйғур хәлқиниң пәм-парасити, илим-пәнгә, йеңилиққа болған қизғин муһәббити нәтиҗисидә барлиққа кәлгән улуғ кәшпият. Уни әйни замандики мөҗизиләрниң мөҗизиси десәк, чәктин ашқан болмаймиз. Уйғурлар инсанийәт мәдәнийитиниң алтун хәзинисигә қошқан мана шу аҗайип чоң төһписи билән дуня хәлқи алдида пәхирлинишкә һәқлиқ.”

Радиомиз зияритини қобул қилған тарих пәнлириниң намзати м.Йерзин “әсирләр сири” намлиқ китаби һәққидә мухбиримизниң соаллириға җаваб бәрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.