Уйғур кишилик һоқуқ программиси гурупписи хәлқара җамаәтни 5 - феврал ғулҗа вәқәсини қайта бир әсләшкә чақирди

Мухбиримиз шөһрәт һошур
2016-02-03
Share

Алдимиздики 5 - фиврал күни 1997 - йили ғулҗида йүз бәргән 5 - феврал вәқәсиниң 19 йиллиқ хатирә күни. Вашингитонда хизмәт қиливатқан уйғур кишилик һоқуқ программиси гурупписи бүгүн бу мунасивәт билән бир баянат елан қилип, хәлқара җамаәтни мәзкур вәқәни қайта бир әсләшкә дәқәт қилди. Баянатта бу вәқәниң бәзи хитай тәшвиқат материяллирида уйғурлар ичидики террорлуқ һәрикәтлириниң башлиниши дәп қәйт қилинғанлиқи, әмәлийәттә болса, буниң тинч шәкилдә башланған вә хитайниң дөләт зораванлиқи сәвәблик қанлиқ ахирлашқан бир аммивий намайиш икәнлики әслитилди.

Ғулҗа яшлириниң әнә шу мәзгилдә җәмийәттә ямриған зәһәрлик чикимликни чәкләш үчүн мәшрәп паалийәтлирини кеңәйткәнлики вә бу мәшрәптин тәһдит һес қилған хитай даирилириниң мәшрәптә йетәкләш роли алған диний затларни тутқун қилғанлиқи тилға елинған баянатта, хитай мәзкур намайишни бастурушта қолланған сотсиз етиветиш, халиғанчә тутқун қилиш вә түрмиләрдә қейин - қистаққа елиштәк дөләт зораванлиқини 2013 - йили хотән ханериқ, 2014 - йили йәкән елишқу вә ақсуниң алақаға вәқәлиридә қолланғанлиқини тәкитләнди. Мәзкур гуруппа бу баянатида йәнә, хәлқара җамаәтни бу түр вәқәләргә инсаний мәсулийәтчанлиқ билән позитсийә билдүрүш арқилиқ хитайға инсан һәқлири мәсилисидә һәддини билдүрүшкә чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт