Америка дөләт мудапиә министири: хитай җәнубий деңизда өз өзини ялғуз қалдуруватиду

Америка дөләт мудапиә министири аштон картер җүмә күнидики баянатида хитай җәнубий деңизда бесиватқан қәдәмләрниң өз өзини ялғуз қалдуруш роли ойнайдиғанлиқини билдүрди.

У, бу сөзләрни нөвәттә шветсарийәниң давос шәһиридә 2016 - йиллиқ дуня иқтисад мунбири йиғиниға қатнишиш җәрянида қилди.

Америка билән хитай арисида тоқунуш йүз бериду, дәп қаримайдиғанлиқини тәкитлигән аштон картер мундақ деди: “биз башқиларниң тәрәп тутушини истимидуқ, әмма кишиләрниң алдимизға көпләп келиватқанлиқини билимиз. Буниңдики сәвәб нәдә? чүнки хитай бесиватқан қәдәмләр уни ялғуз қоюветиду, бу һечким халимайдиған ақивәт.”

Җәнубий деңизниң мутләқ көп қисмини“өзиниң” дәп келиватқан хитай йеқинқи бир нәччә айлардин буян спрател вә парасел араллири тәвәсидики бир қисим хада ташларни тиндуруп сүний арални ясиған.

Бу җәнубий деңизға тутишидиған филиппин, малайсия, бируней вә вийетнам қатарлиқ дөләтләрниң наразилиқини қозғиған.

Өткән һәптә филиппин даирилири йигирмә нәччә йилдин буян тақалған америка һәрбий базилирини америкиға қайта ишлитишкә өткүзүп бериш қарарини алған иди.