Америка авам палатасиниң икки әзаси хитайниң уйғурларни хорлишини тәкшүрүш тоғрисида қарар лайиһәси сунди

Мухбиримиз әркин
2022.09.26
Share on WhatsApp
Share on WhatsApp

Америка авам палатаси “уйғур достлуқ гурупписи” ниң қош рәислиридин, җумһурийәтчи авам палата әзаси кирстофер симис билән демократчи авам палата әзаси там совази, б д т ни хитайниң уйғурларға йүргүзгән қорқунчлуқ кишилик һоқуқ дәпсәндиликини тәкшүрүшкә чақириш тоғрисида бир қарар лайиһәси сунған.

23-Сентәбир сунулған қарар лайиһәсидә америка ташқий ишлар министири американиң б д т вә шундақла җәнвәдики башқа хәлқаралиқ тәшкилатларда турушлуқ даимий вәкиллиригә, американиң кишилик һоқуқ кеңишидә турушлуқ даимий вәкилигә 28-сентәбиргә қәдәр мумкин болған әң күчлүк рәвиштә қарар мақуллап, б д т кишилик һоқуқ кеңишиниң уйғурлар һәққидә тәкшүрүш елип беришиға капаләтлик қилиш тоғрисида йолйоруқ беришкә чақирилған.

Қарар лайиһәсидә, “американиң б д т да зөрүр болған дипломатик қаналлирини ишлитип, бундақ бир қарарни елиниши үчүн күч чиқриши”, “кишилик һоқуқ кеңишиниң мустәқил тәкшүрүш комитети қуруп, кишилик һоқуқ алий комиссарияти ишханисиниң доклатида қәйт қилинған һадисиләрни тәкшүрүшигә капаләтлик қилиши” тәләп қилинған. Мәлум болушичә, авам палата әзаси там совази мундақ дегән: “биз хитай компартийәсиниң уйғурларға қилған дәһшәтлик муамилисини җавабкарлиққа тартишта давамлиқ барлиқ амалларни ишқа селишимиз керәк”. Авам палата әзаси симис: “б д т ниң йеқинда елан қилған доклатида коммунист хитайниң кишилик һоқуққа еғир дәхли-тәруз қилишта, әң болмиди дегәндиму дуня җамаитиниң нәзәридә инсанийәткә қарши туруш җинайити садир қилишта җинайәтчи икәнликини көрситип бәрди” дегән.

Мәлум болушичә, авам палата әзаси симис там совази билән бирлишип бу қарар лайиһәсини сунуштин икки күн аввал, ақсарайниң алдида ачлиқ елан қилған уйғурлар билән көршкән. У: “биз бу вәһшийлик тоғрисида чоқум күчлүк сөзлишимиз вә б д т да сөзимизни һәрикәткә айландурушимз керәк” дегән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.