Chégra sirtida xitay puqralirining banka kartidin 1000 yüendin artuq pul xejlense melum qilinidiken

Muxbirimiz qutlan
2017-09-04
Share

Xitay hökümiti yéqindin buyan bir qatar qattiq tedbirlerni qollinip, xitay puqralirining chet'elge pul yötkishi yaki xitayda béjirgen banka kartidiki pullirini chégra sirtida xejlishini kontrol qilishqa bashlighan.

Xelq torining bu heqtiki mexsus xewirige qarighanda, bu yil 9-ayning 1-künidin étibaren xitay puqraliri chégra sirtida banka kartini sürkep 1000 yüendin artuq pul xejlise yaki banka kartidin 1000 yüendin artuq pul chiqarsa derhal melum qilinidiken.

Xewerde mezkur tedbir "Banka kartisining chégra sirtidiki soda statistikisini mukemmelleshtürüsh hemde chégra sirtidiki soda tertipini qoghdash üchün chiqirildi," déyilgen.

Xewerde mundaq déyilgen: "9-Ayning 1-künidin bashlap, dölet ichidiki herqandaq banka yaki pul mu'amile apparatliridin béjirilgen banka kartiliridin chégra sirtida 1000 yüendin yuqiri pul xejlense aptomatik halda tashqi péréwot idarisige melum qilinidu."

Xewerde yene, banka kartisini tashqi péréwot bashqurush sistémisigha ulash, uning chégra sirtidiki istémal uchurini melum qilish ishining 1-séntebirdin étibaren xitaydiki bankilarning banka kartisi tarqitip, chégra sirtida soda kespi échishtiki muhim shertige aylinidighanliqi uqturulghan.

Közetküchiler, nöwette xitay iqtisadining tedrijiy chökiwatqanliqi ilgiri sürülmekte, mushundaq bir mezgilde xitay barliq chare-tedbirlerni qollinip iqtisadning chégra sirtigha éqishini kontrol qilishqa bashlidi, dégenlerni ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet