Kishilik hoquq komissari mishel bachlét xanim: "Uyghur élige qilidighan ziyaritimiz dexli-teruzsiz bolushi kérek"

Muxbirimiz irade
2020-02-27
Share

Birleshken döletler teshkilati kishilik hoquq komitétining bashliqi mishel bachlét xanim "Uyghur élige qilidighan ziyaritimiz choqum dexli-teruzsiz bolushi kérek," dégen telepni otturigha qoydi.

Xitayning b d t diki elchisi 26-féwral küni qilghan bir sözide xitay hökümitining Uyghur rayonida yolgha qoyuwatqan siyasetlirige qaritilghan tenqidlerni ret qilip, Uyghur élida iqtisadiy, ijtima'iy we kishilik hoquq jehette zor tereqqiyatlar barliqini ilgiri sürgen. U birleshken döletler teshkilati kishilik hoquq komitétining bashliqi mishel bachlét xanimni bu tereqqiyatlarni öz közi bilen körüp kélishke teklip qilidighanliqini bildürgen idi. 

"El-jezire" téléwiziyesining xewer qilishiche, mishel bachlét xanim bügün kishilik hoquq kéngishining jenwediki yighinida söz qilghanda buninggha inkas qayturghan. U sözide xitay elchisining teklipini qarshi élish bilen birge bu ziyaretning cheklimisiz bolushi kéreklikini eskertken.

U mundaq dégen: "Biz xitayning ziyaret teklipi boyiche rayon'gha aldin baridighan teyyarliq guruppi'isning cheklimisiz tekshürüsh élip bérishigha yol qoyulushini dawamliq telep qilimiz. Biz Uyghurlarning we shundaqla xitayning omumiy kishilik hoquq weziyitige qarita chongqur tekshürüsh élip bérishni xalaymiz." 

Xitay da'iriliri birleshken döletler teshkilatining Uyghur rayonigha musteqil tekshürgüchi ewetish telipini ret qilip, uning ornigha atalmish "Terbiyelesh merkezliri" ge aldin teyyarlan'ghan ziyaretlerni uyushturghan. Halbuki, xitayning bu teshwiqat heriketliri xelq'arani qayil qilalmighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet