Җов байден билән ши җинпиңниң болғуси сөһбитидә немиләр сөзләнмәкчи?

Мухбиримиз әзиз
2022.07.12
Share on WhatsApp
Share on WhatsApp

Ройтерс агентлиқиниң 11-июлдики хәвиридә ейтилшичә, америка президенти җов байден билән хитай рәиси ши җинпиң июл ейиниң ахирида торда көрүшидиған болуп, нөвәттә буниң тәйярлиқи җиддий давам қилмақта.

“америка авази” радийосиниң хәвиридә ейтилишичә, 10-июл күни америка ташқи ишлар министири антони билинкен вә хитай ташқи ишлар министири ваң йи мушу мәсилә һәққидә бәш саәт сөһбәтләшкән. Хәвәрдә ейтилишичә, хитай тәрәп бу қетимқи тор сөһбитиниң вақтини 25-июлға бекитиш тәклипини бәргән. Әмма җов байден вә ши җинпиңниң бу йил ноябирда йүзму-йүз учришиши һәққидә соралғанда билинкен әпәнди “мән күздә болидиған ишлар һәққидә бир нәрсә дейәлмәймән” дегән.

Хәвәрләрдә ейтилишичә, йеқинқи мәзгилләрдә хитай һөкүмити тәйвән боғузи әтрапидики һәрбий паалийәтлирини җиддийләштүрүватқан болуп, америка дөләт мәҗлисиниң әзалири тәйвәнни зиярәт қилған мәзгилдә тәйвән боғузида һәрбий маневир өткүзгән. Зиярәткә кәлгән америка кеңәш палатасиниң әзаси рик скот (Rick Scott) бу һәқтә пикир қилип “коммунист хитай һөкүмитиниң тәйвәнгә қаратқан һәрбий иғвагәрчиликини кәскин әйибләймән. Бу һал бизниң демократийә вә әркинликни һимайә қилиш ирадимизни қилчиликму сундуралмайду” дегән.

Антони билинкен билән ваң йиниң бу қетимлиқ тор учришишидин хәвәрдар бир зат бу һәқтә сөз қилип: “икки тәрәп хитайдики кишилик һоқуқниң нөвәттики әһвали һәққидиму сөзләшти” дегән. Шу қатарда билинкен әпәнди өмүрлүк қамаққа һөкүм қилинған уйғур зиялийси илһам тохтиниң әһвалини сүрүштә қилған. Бәзиләр мушу әһвалға қарап җов байден билән ши җинпиң оттурисидики болғуси сөһбәттә уйғурлар мәсилисиниң тилға елиниши мумкинликини алға сүрмәктикән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.