Берма һәрбий айропиланлири хитай чеграси ичидә бомбардиман қилған

Мухбиримиз җүмә
2015-03-14
Share


"вашингтон вақит гезити" ниң хәвәр қилишичә, берма һәрбий айропиланлири хитай чеграси ичигә учуп кирип, һөкүмәткә қариши қораллиқ күчләр йошурунғанлиқи илгири сүрүлгән бир өйни бомбардиман қилған.

Мәзкур өй йүннән өлкисиниң хитай - берма чеграсидики бир йезисиға җайлашқан болуп, лекин һәр иккила тәрәп бомбардиманда өлгүчиләрниң санини елан қилмиған.

Вәқә шаһитлириниң ейтишичә, русийәдә ишләнгән MiG - 29 типлиқ күрәшчи айропилан пәс учуп йүннәнниң миңдиң йезиға киргән вә бомбардиман қилған.

Хитай тәрәп баянатчиси хоңкоң лей берминиң мәзкур һәрикитигә етираз билдүргән.

Өткән бир айдин буян берминиң хитай чеграсиға җайлашқан кокаң районидики қозғилаңчилар берма һөкүмәт армийиси билән тутушушини давам қиливатқан иди. Бу тоқушта нәччә миңлиған мусапир хитай тәрәпкә өтүп кәткән.

Берма даирилири һөкүмәткә қариши уруш қиливатқан қозғилаңчиларни хитай тәрәпниң йошурун қоллап келиватқанлиқини вә уларниң мусапир қияпитигә киривелип хитайға өтүп қораллинип келиватқанлиқини илгири сүрүшкән иди.

Һалбуки, хитай даирилири буни изчил рәт қилип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт