Xitay da'iriliri chaghan mezgilide milliy inaqliq teshwiqatini kücheytti

Xitayning hökümet taratqulirining xewerliridin melum bolushiche, Uyghur aptonom rayon da'iriliri xitayning chaghan mezgilide, rayonning eminlikini tekitlesh bilen birlikte, rayonda “Qoshmaq tughqandarchiliq” munasiwitining kücheygenliki toghrisidiki teshwiqatlarni kücheytken.

Xitayning xelq géziti, shinxu'a agéntliqi we “Shinjang géziti” qatarliqlarning xewerliride, rayondiki saqchilar we qoralliq saqchi qisimliri chégra rayonning muqimliqini qoghdashtiki mes'uliyitini ada qilghanliqi üchün, her millet xelqining bahar bayrimini milliy inaqliq we qoshmaq tughqandarchiliq keypiyatida xatirjem ötküzgenliki teshwiq qiliniwatqan bolsimu, emma, ijtima'iy taratqulardiki uchurlar we radiyomizgha kelgen inkaslardin, rayonda qattiq muqimliq tedbirliri élinip, idare-jem'iyetlerde Uyghurlarning 24 sa'etlik nöwetchilikke qoyulghanliqi, kochilarda saqchi aptomobillirining charlishi kücheytilgenliki melum bolmaqta, ghulja shehiride hetta tanka, bronéwiklar kocha charlashqa chiqip, yerlik xelqqe heywe körsetkenliki qatarliq ehwallar ashkarilan'ghan idi.