Uyghur élide chaghan mezgilide chégra bixeterliki kücheytilgen

Muxbirimiz méhriban
2016-02-02
Élxet
Pikir
Share
Print

Xitay da'irilirining chaghan bayrimi yéqinlishishi bilen Uyghur élide chégra bixeterlik tedbirlirini kücheytkenliki melum. "Shinjang xewerler torining" 2-féwral xewer qilishiche, Uyghur aptonom rayonluq hökümet chaghan mezgilidiki bixeterlik tedbirliri kücheytish heqqide mexsus oqutush chiqarghan.

Xewerge qarighanda, mezkur uqturushning rohigha asasen béytun shehiride "Chégra qarawul etriti, saqchi, sheherlik hökümet xadimliri, xelq eskerliri, charwichilar qatarliq 6 terep bir gewde qilin'ghan alahide razwédka etriti qurulup, chégra bixeterliki qattiq kücheytilgen."

Béytun shehiri bingtu'en'ge qarashliq bolup, altay wilayiti we qazaqistan bilen chégrilinidighan muhim istratégiyelik orunlarning biri.

Xewerde ashkarilishiche, yéqinqi birqanche yildin buyan xitay chégrasini buzup chet'ellerge qéchish weqeliri köpeygen. Shuning bilen béytun shehiri qazaqistan bilen chégrilinidighan 72 kilométir da'iride qattiq mudapi'e sépi tüzgen.

Melum bolushiche, nöwette "Béytun" dep atilidighan bu jayning ilgiriki nami "Dörbiljin jilghisi" bolup, 1958 -yili bingtu'en igiliwalghandin kéyin, ismi özgertilgen iken.

Toluq bet