Чен чүәнгониң сөзи нөвәттики вәзийәтниң техиму яманлишидиғанлиқидин бешарәт бәрди

Мухбиримиз әзиз
2020-06-16
Елхәт
Пикир
Share
Принт

Хитай һөкүмитиниң канийи болған шинхуа агентлиқиниң 16-июндики хәвиридә ейтилишичә, үрүмчидә ечилған нәзәрийә өгиниши йиғинида уйғур аптоном районлуқ парткомниң секретари чен чүәнго алаһидә сөз қилип, уйғур дияриниң хитай һөкүмити тәшвиқ қиливатқан «хитай чүши» ниң муһим тәркибий қисми болидиғанлиқини йәнә бир қетим тәкитлигән.

Хәвәрдә ейтилишичә, чен чүәнго йиғинда хитай рәиси ши җинпиңниң «хитай чүшини әмәлгә ашуруш» чақириқиға қизғин аваз қошушни тәләп қилған. Шуниңдәк нөвәттики вәзийәтни «йүз йилдиму көрүлмәйдиған зор тәрәққият» дәп махтиған һәмдә мушундақ бир тарихий шараитта һәр саһә кишилириниң «әндишә туйғуси» ни күчәйтип җәңгивар һаләтни сақлиши керәкликини тәкитлигән.

Чен чүәнго йиғинда йәнә алаһидә қилип нөвәттики зор тарихий бурулуш пәйтидә иҗтимаий муқимлиқ вә узунға созулған әминликни толуқ әмәлгә ашуруш, бу арқилиқ иқтисадий тәрәққият вә җәмийәтниң чоң җәһәттики муқимлиқини сақлаш керәкликини билдүргән. Шундақла иҗтимаий муқимлиқни сақлаштәк зор вәзипә үчүн һушярлиқни қилчиму бошаштурмаслиқ, қаттиқ һушярлиқни сақлаш, партийә-армийә-һөкүмәт зич һәмкарлашқан һалда һәрикәт қоллиниш һәққидә алаһидә йолйоруқ бәргән.

Анализчилар бу һәқтә пикир қилип, буниң хитай дөлити нөвәттә дуч келиватқан ички вә ташқи бесимларниң инкаси икәнликини билдүрди. Шуниңдәк бу һал бундин кейинки сиясий контроллуқниң техиму күчийидиғанлиқидин берилгән бешарәт, деди.

Пикирләр (0)
Share
Толуқ бәт